ئەفسوسیێل 5:18 - کتاب مقدس به زبان کردی جنوبی - گویش کلهوری

¹⁸ مەس شراو نەون، چوینکه ئیوه وه کاریل ناپەسەن کیشێ؛ بەڵکەم له روح خودا پڕ بون.

ئەفسوسیێل 5:18 Referans Kwoze

رومیەگان 13:13

بان ڕێ رەوشتمان ئەوجورە درس بود که شایسەێ کەسیلێگه که هانه ناو ڕوشنایی ڕوژ. جا وەختمان وەناو عەێاشی و سەرخوەشی و خیزی و هەرزەیی و مرافه و حەسویی، وه سەر نەوەێم،

لوقا 1:15

چوینکه له وەر چەو خوداوه، بوده پیاێ گەوراێگ. یەحیا نەبایه هەراێهەر دەم بیده شراو یا چشتیل مەسکەر تر. تەنانەت وه زگ داڵگ، پڕ له روح‌القودوس بود و

یەکم قورنتییل 5:11

وەلێ ئێرنگه ئەڕادان نویسم که وەگەرد کەسێگ که خوەێ وه برا زانی، وەلێ خیز، یا تەماکار یا بتپەرەس یا خراودەر یا سەرخوەشکەر یا فێڵبازه، هاتبچو نەکێن و تەنانەت وەگەرد ئیجور کەسێگ هاوسفره نەون.

کاریل ڕەسولەیل 11:24

چوینکه بەرنابا پیاێ خاسێگ بی و پڕ بی له روح‌القودوس و ئیمان. ویجوره مەردم فرەێگ ڕوی هاوردنه خوداوەند.

یەکم تسالونیکییل 5:7

چوینکه ئەوانه که خەفن، شەوەناو خەفن و ئەوانه که سەرخوەش بون، شەوەناو سەرخوەش بون.

لوقا 12:45

وەلێ ئەگەر ئەو خوڵامه وه خوەێەو بویشی که ”ئەرواو وه هاتنێ دێر کردێه،“ شرو بکێده کوتاین خوڵامیل و کەنیزیل و بنیشێده خواردن و نوشاین و سەرخوەش کردن،

لوقا 11:13

جا ئەگەر ئیوه وەگەرد گشت بەێ زاتیدان زانین که باێه وه مناڵیلدان خەڵاتییل خاس بیەین، چەنێ فرەتر باوگ ئاسمانیدان، روح‌القودوس وه هەر کەس که داوا له لێ بکێ، بەخشێدن.»

یەکم قورنتییل 6:10

دزیل، تەماکاریل، سەرخوەشیل، خراو‎دەریل و فێڵبازیل نیەونه میراتیخوەر پادشاێ خودا.

تیتوس 1:6

شێخ کلیسا نەبایه وەناو زنەیی چشتێگ بیاشتوی که بوده بایس سەرزەنشتێ، باێه شوی یەێ ژن بود، باێه مناڵیل با ئیمانێگ بیاشتوی که له هەر لەون بخت هەوسار بڕیا یا ملهوڕی دویر بون.

لوقا 21:34

«هوشدان بود، نەخواێ عیش و نوش و سەرخوەشی و نگرانییل زنەیی دڵدان ڕەقەو بکێ و ئەو ڕوژه جور تەڵەیگ وه ناکاوه بگرێدەدان.

یەکم قورنتییل 11:21

چوینکه وەخت نان خواردن، هەر کامدان بی ئەوه که چەوەڕێ کەسێگ تر بود، نان ئێوارەێ خوەێ، وه لەونی که یەکیگ ورسی مینێد، وەحالێگەو یەکیگتر مڕ و سەرخوەش بود.

ئنجیل مەتا 23:25

«وای وه حاڵ ئیوه ماموستایل تەورات و فەریسیەیل، ئێ دوڕوییل! چوینکه ئیوه دەیشت پیاڵه و پێشقاو پاکەو کین، وەلێ ناوەگەێ پڕ له تەما و خوەشگوزەرانیه.

ئنجیل مەتا 24:49

شرو بکێده کوتاین هاوکاریل خوەێ و وەگەرد سەرخوەشیل بنیشێده خواردن و نوشاین،

یوحەنا 2:10

وەپێ وەت: «گشتیەکی یەکم جار شراو خاسەگه دەن، وەختێ مەردم سەرخوەشەو بین، ئەوسا شراو گەنەگه تیەرن؛ وەلێ توی تا ئێرنگه شراو خاسەگه هیشتیدە!»