ئەفسوسیێل 4:24 - کتاب مقدس به زبان کردی جنوبی - گویش کلهوری

²⁴ ئایەم تازه بکەنه وەردان که وه سالح بوین ڕاسەکانی و قودوسیەت، وێنەێ خودا درس کریاس.

ئەفسوسیێل 4:24 Referans Kwoze

دویم قورنتییل 5:17

جا ئەگەر کەسێگ وەناو مەسیح بود، درس‎کریاێگ تازەس. چشتیل کویەنه له بین چی؛ ئیسه، گشت چشتێگ تازەوه بیه!

ئەفسوسیێل 2:10

چوینکه ئیمه درس کریاێ دەس خودایمن و وەناو مەسیح عیسا ئەڕا کاریل خاس که خودا وەرجه ئیه گورجەو کرد وه دی هاتیمن تا وەناو ئەوانه گام هەڵبگریم.

رومیەگان 13:14

بەڵکەم خوداوەند عیسا مەسیح هەر جور دڵنگێگ بکێنه وەر. ئەڕا جەسه تەداروک نوینن که هەواوهەوەسیلێ وه جێ بارین.

ئەفسوسیێل 6:11

چەک خودا وه تەمامی و حساوی بکەنه وەر تا بتویەنێن وه نوای فێڵبازییل ئبلیس بوسین.

رومیەگان 6:4

جا وەگەرد تەعمید گردن وەناو مەرگ، وەگەردیەو نریایمنه مەقبەره تا هەر ئەوجورە که مەسیح وه وەسلەێ جەڵاڵ باوگ ئاسمانی، له مردگیل زنیەو بی، ئیمەیش وەناو ژیان نوێگ گام هەڵبگریم.

دویم قورنتییل 3:18

گشتمان‎ وەگەرد دەمچەویل بی ڕویبەن، هەر جور نوڕین وەناو جامەک نوڕێیمنه جەڵاڵ خوداوەند. جور وێنەێ که وەناو جامەک دوینیم له یە جەڵاڵ وه جەڵاڵ گەوراتر گویڕێیم. چوینکه ئیه له لاێ خوداوەند سەرچاوه گری هەر ئەو خوداوەند که روحه.

دویم قورنتییل 4:16

جا دڵسەرد نیویمن. هەر چەن شێوەێ جەسەێ ئیمه پویترکێید، ئنسان دەروینمان ڕوژ وه ڕوژ تازەترەو بود.

رومیەگان 13:12

شەو تەمامە و ڕوژ نزیکه. جا بان کردەوەێ تیەریکی فڕەی بیمن و زرەی نویر بکێمنه وەر.

تیتوس 2:14

هەر ئەو عیسا مەسیحه که گیان خوەێ ئەڕا ئیمه دا تا له هەر خراوێگ ڕزگارمان بکێد و قەومێگ ئەڕا خوەێ پاکەو بکێد که هن خوەێ بون و ئەڕا کاریل خاس غیرەت بیاشتون.

یەکم پتروس 2:2

هەر جور مناڵه کوڕپەیل، تاسەێ شیر ناب روحانی بوین تا وه مەیەت ئەوه ئەڕا نجات، گەوراوه بوین،

رومیەگان 8:29

چوینکه خودا ئەوانه که وەرجەوە ناسی، هەر ئیجوره ئەوانه وەرجەوە دیاری کرد تا وێنەێ کوڕەگەێ خوەێ دەر بان، تا کوڕەگەێ بوده یەکم زگ وەناو برایل فرەێگ.

یوحەنا 17:17

وەناو ڕاسی تەقدیسان بکه؛ کەڵام تو ڕاسیه.

نامه وە غەلاتییل 6:15

چوینکه نه خەتەنه بوین چشتێگه و نه خەتەنه نوین؛ ئەو چشته که گرنگه، وه دی هاتن تازەس.

نامه وە غەلاتییل 3:27

ئەڕا ئیه که گشتدان که وەناو مەسیح خوسڵ تەعمید گردین، مەسیحیش کردینەسه وەردان.

یەکم قورنتییل 15:53

چوینکه ئی جەسه که له بین چود باێه جەسەێ که له بین نیەچود بکێده وەر و ئی جەسه که مرێ باێه جەسەێگ بکێده وەرێ که نەمره.

ئەفسوسیێل 2:15

نەریتیلێ که وەناو حوکمیل شەریعەت بی، پویچەڵەو کرد تا وەناو خوەێ وه جاێ هەردگێان یەێ ئایەم تازه درس بکێ تا ئاشتی و سڵامەتی وه دی بارێ.

عبرانییل 12:14

سەخت تەقالا بکەن که وەگەرد گشت مەردم وەناو ئاشتی و سڵامەتی بێەنێ سەر و موقەدەس بوین، چوینکه جیا له قودوسیەت هویچکەسێگ خوداوەند نیوینێد.

عبرانییل 1:8

وەلێ له باوەت کوڕ فەرمایش کەید: «ئێ خودا، تەخت سەڵتەنەت توی تا ئەبەد و تا ئەبە‎ده؛ گوچان پادشایی توی گوچان دادپەروەریه.

لوقا 1:75

له لاێ ئەیو، تەمام ڕوژیل عمرمان موقەدەس و سالحان بویمن.

رومیەگان 7:6

وەلێ ئێرنگه وەگەرد مردن لەباوەت ئەو چشته که ئیمه گیروده کردوی، له شەریعەت ڕزگار بویمنه تا وەناو ڕێ تازەێ روح خودا خزمەت بکێم، نه وەناو ڕێ کویەنەێ شەریعەت نویسریاێگ.

رومیەگان 12:2

شێوەێ ئی جهانه نەگرنه خوەدان، بەڵکەم وه نو کردن زەین خوەدان، ئاڵشت بون. ئەوسا تویەنین بزانین که خاست خودا چەس؛ خاست خاس و پەسەن کریا و کامڵێ.

دویم پتروس 1:4

ئەیو وه وەسلەێ ئیانه وادەیل گران قیمەت و فره گەوراێ خوەێ وەپێمان بەخشیه، تا له ڕێ ئەوانه هاوبەش سریشت خودایی بوین و له گە‎نیانیگ که له مەیل گونا ها ناو دنیا ، دەر بچین.