ئەفسوسیێل 4:17 - کتاب مقدس به زبان کردی جنوبی - گویش کلهوری

¹⁷ ئێرنگه ئیه ئویشم و وەناو خوداوەند شاێەتی دەم که دی نەبایه جور ناجویلەکەیل زنەیی بکێن که ڕێ رەوشتیان وه پێ پویچێ فکریلێانه.

ئەفسوسیێل 4:17 Referans Kwoze

رومیەگان 1:21

ئەڕا ئیه که هەر چەن ئەوانه خودا ناسین، وەلێ جور خودا حرمەت ئەیو نەگردن و سپاسێ نەکردن، بەڵکەم وەناو فکرێان تویش چشتیل پویچ هاتن و دڵ بێ فامێان تیەریکەو بی.

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

نامه وه کولوسییل 2:4

ئیه ئویشم تا هویچکەسێگ ئیوه وەگەرد باسیلێگ که بود باوەڕێ بکێ، گولدان نێید.

یەکم پتروس 1:18

چوینکه زانين که له ڕێ رەوشت زنەیی پویچێگ که له باوگیلدان وه میراتی بردوین، ڕزگاریدان سەنریاس، نه وه چشتیلی که له بین چود هەر جور نقره یا تەڵا،

کاریل ڕەسولەیل 20:21

هەم وه جویلەکەیل و هەم یونانیەگان شاێەتی دامه که باێه توبه بکەن و ڕوی بارنه خودا و ئیمان بارنه خوداوەند ئیمه عیسا مەسیح.

کاریل ڕەسولەیل 18:5

وەختێ سیلاس و تیموتاوس له مقدونیه هاتن، پولوس گشت وەخت خوەێ خەریک بانگەوازی کەڵام خودا کرد و وه جویلەکەیل شاێەتی دیاد که عیسا هەر ئەو مەسیحەسه.

کاریل ڕەسولەیل 14:15

«ئێ پیاێل، ئەڕا ئیجوره کەین؟ ئیمەیش جور ئیوه، ئایەمیم. ئیمه مزگانی دیمه پێدان که له ئی چشتیل پویچه دەس بکیشن و ڕوی بارینه خوداێ زنی که ئاسمان و زەوی و دەریا و هەر چی که ها ناوێ، وه دی هاوردێه.

دویم تیموتاوس 4:1

له نوای خودا و مەسیح عیسا که وه مل زنییل و مردگیل داوەری کەید و وه ڕوی ئاشکرابوین و پادشاێ ئەیو، وه توی دەستور دەم که باێه‎

یەکم نامەێ تیموتاوس 6:13

جا له نوای خوداێگ که وه گشت چشتێگ زنەیی بەخشێد و له لاێ مەسیح عیسا که له شاێەتی خوەێ له لاێ پونتیوس پیلاتوس ئێقرار خاسەگه کرد، ئاموژیارید کەم

یەکم نامەێ تیموتاوس 5:21

وه نوای خودا و مەسیح عیسا و فریشتەیل هەڵوژاریای، گوشد جەڕەو دەم که ئی دەستوریله بی ئیه که له سەر کەسێگ بکێد یا دوچەوەکی بکێ، وه جێ بارید.

یەکم تسالونیکییل 4:6

هویچکەسێگ نەبایه له ئی باوەته وه حەق براگەێ خوەێ خەتا و دەس‎دریژی بکێ. چوینکه خوداوەند سزاێ گشت ئی کاريله دێ، ئەو جوره که وەرجه ئیه وەتیمنه پێدان و حساوی هەڕەشه له لێدان کردیم.

نامه وه کولوسییل 2:18

مێیلن کەسێگ که پامل سوکەو کردن جەسه و پەرەسین فریشتەیله، ڕەددان بکەید. ئیجور کەسێگ سەر خوەێ گەرم چشتیلی کەید که وەناو رویایلی دیه و فکر دنیایی ئەوه وه هویچ پەتی، قوزی کردێه.

ئەفسوسیێل 4:22

ئیوه یاێ گردین که باێه ئەو ئایەم کویەنەدانه له وەردان دەر بارین که هن شێوەێ زنەیی جاراندانه و له ڕێ مەیلیل فریوکارانه گەنیاس.

ئەفسوسیێل 1:22

خودا گشت چشتێگ خسته ژێر پاێ مەسیح و دیاری کرد که ئەیو ئەڕا کلیسا سەر گشت چشتێگ بود،

نامه وە غەلاتییل 5:3

یەێ جارتر وه هەر کەسێگ که خەتەنه بود شاێەتی دەم که ها ملێ تا گشت شەریعەت بپارێزنێ.

نامه وە غەلاتییل 3:17

قسیەێ مه ئیەسه: ئەو شەریعەته که لەشون چوار سەد و سی ساڵ هات، پەێمانێگ که خودا وەرجه ئەوه بەساوی بەتاڵێەو نیەکێ، وه لەونی که وادەگه پویچەو بکێ.

دویم قورنتییل 9:6

قسیه ها سەر ئیه که: هەر کەس کەم بکاڵێ، کەمیش درەو کێ و هەر کەس فره بکاڵێ، فرەیش درەو کێ.

یەکم قورنتییل 15:50

ئێ برایل، ئیه وەپێدان ئویشم: که جەسه و خوین نیەتویەنی بوده میراتیخوەر پادشاێ خودا، جا ئەو چشته که مرێ، نیەتویەنی بوده میراتیخوەر ئەو چشته که نەمره.

یەکم قورنتییل 1:12

مەبەستم ئیەسه که یەکیگدان ئویشێ، «من کەفتمەسە شون پولوس»؛ یەکیگتر ئویشێ، «من کەفتمەسە شون ئاپولوس»؛ یەکیگ ئویشێ، «من کەفتمەسە شون کیفا»؛ و یەکیگتر، که «من کەفتمەسە شون مەسیح.»

کاریل ڕەسولەیل 2:40

پتروس وەگەرد قسیەيل فرەێگ تر شاێەتی دا و هانیان دا، وەت: «خوەدان له ئی نەتەوەێ له ڕێ دەرچیه ڕزگار بکەن!»

لوقا 16:28

چوینکه مه پەنج برا دێرم. کلی بکه تا هەڕەشه بیده براگانم، نەخواێ ئەوانیش بکەفنه ئی شون عەزاوه.