ئەفسوسیێل 3:7 - کتاب مقدس به زبان کردی جنوبی - گویش کلهوری

⁷ مه وه پێ خەڵاتی فیز خودا بیمەسه خزمەتکار ئی ئینجیله که وه وەسلەێ هێز ئەیو که ها ناو کار، بەخشریاسە پێم.

ئەفسوسیێل 3:7 Referans Kwoze

ئەفسوسیێل 1:19

هەر ئیجوره تا بزانین هێز بی ئەنازەی گەورەێ ئەیو وه ئیمه که ئیمان دێریم، چەس. ئی هێزه، له تویەناێ گەورەێ خودا که دێرێ کار کەی، سەرچاوه گری

ئەفسوسیێل 3:20

ئێرنگه جەڵاڵ ئەڕا خوداێگ بود که تویەنێ وه پێ ئەو هێزه که وەناو ئیمه کار کەی، فره فرەتر له هەر چی بتوایم یا باریمنه وەر چەومان، کار بکێ.

ئەفسوسیێل 3:2

گومان کەم ئیوه له باوەت کاروەدەسێ فیز خودا که ئەڕادان بەخشریاسە مه، شنەفتینه،

دویم قورنتییل 3:6

ئەیو لیاقەت بەخشیەسه پێمان تا خزمەتکاریل پەێمان نو بویمن، پەێمانێگ که وه کار روح خودا بەردەوامه، نه وه ئەو چشته که نویسریایگ فرەتر نیه. چوینکه ’نویسریای‘ کوشێد، وەلێ روح خودا زنەیی بەخشێد.

عبرانییل 13:21

وه هەر چشت خاسێگ ئیوه گورجەو بکێ تا خاست ئەیو وەجێ بارین. با که خودا هەر چی که سەوەو خوەشنودی بود له ڕێ عیسا مەسیح وەناو ئیمه وە جا بارێ، هەر ئەیو عیساێ مەسیحه که تا ئەبەد و تا ئەبەد جەڵاڵ وه ئەیو بود. ئامین.

یەکم تسالونیکییل 2:13

هەر ئیجوره ئیمه یەێ‌سەر وه ئی بونه سپاس خودا کەیمن که ئیوه له وەخت قەبوڵ کردن کەڵام خودا، که له ئیمه شنەفتین، ئەوه نه جور قسیەيل ئنسان، بەڵکەم جور کەڵام خودا قەبوڵ کردین، که وه ڕاسی هەر ئیجورەسه؛ هەر ئەو کەڵامه که وەناودان که ئیمان دێرین، کار کەێد.

نامه وه کولوسییل 1:29

وه ئی باوەتەسه که مه زامەت کیشم و وەگەرد گشت هێز ئەیو که وه قەوەت وەناو مه کار کەید، تەقالا کەم.

یەکم قورنتییل 15:10

وەلێ وه فیز خودا من ئەوەمه که هەم، هەر ئیجوره فیز ئەیو ئەڕا من بێ سود نوی. وه چەواشەوه، من له گشت ئەوانه فرەتر کار کردم، هەر چەن وەڕاسی خوەم نویم، بەڵکەم ئەو فیز خودا بی که ها گەردما.

یەکم قورنتییل 3:5

مەر ئاپولوس کیه؟ پولوس کیه؟ ئەوانه تەنیا خزمەتکاریلێگن که خودا کارێگ داسه دەس هەر کامێان تا ئیوه له ڕێ ئەوانه ئیمان بارین.

رومیەگان 15:16

تا بومه خزمەتکار مەسیح عیسا ئەڕا ناجویلەکەیل و خزمەت کاهنی جارداین ئینجیل خودا وه جێ بارم، تا ناجویلەکەیل پیشکەشی قەبوڵ کریاێگ بون وه دەرگاێ خودا که له ڕێ روح‌القودوس تەقدیس بینه.

رومیەگان 1:5

ئیمه له ڕێ ئەیو و وەبونەێ ناوێ فیز و خزمەت ڕەسول بێن دریاسه پێمان تا وەناو گشت ملەتیل، مەردم دەنگ بکێم ئەڕا گوش تەکانن له ئیمان.

ئەفسوسیێل 4:16

له ئەیوه که گشت جەسه، وه وەسلەێ هەر مەفسەلیگ که ئەڕا ئەوانه گورجەو بیه، بەسیەنه قێ یەک و یەکترەکی گرن. جا وەختێ هەر ئەنامێگ درس کار بکێ، بایس بود جەسه گەورا بود تا خوەێ وەناو مابەت بنێدەێ سەر پاوه.

ئەفسوسیێل 3:8

هەر چەن من له گشت ئیمانداریل وه مەسیح بویچگترم، وەلێ ئی فیزه وه مه بەخشریا تا مزگانی دەوڵەمەنی مەسیح که نیود بەراوردی بکێ وه ناجویلەکەیل برەسنم،

نامه وە غەلاتییل 2:8

چوینکه خوداێگ که هێز داده پتروس تا ڕەسول خەتەنه کریایل بود وه منیش هێز دا تا بومه ڕەسول ناجویلەکەیل.

دویم قورنتییل 4:1

ئمجا وەگەرد داشتن ئیجور خزمەتێگ که وەبونەێ ئەو بەزەیی خودا دێریم، دڵسەرد نیویمن.

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

رومیەگان 12:3

چوینکه له ڕێ فیزێگ که دریاسه مه، وه هەر کامدان ئویشم که خوەدان فرەتر له ئەو چشته که باێه، نەزانین، بەڵکەم هەرکەس چەنه ئیمانێگ که خودا ئەڕاێ دیاری کردێه، هوشیارانه خوەێ داوەری بکێ.