ئەفسوسیێل 2:3 - کتاب مقدس به زبان کردی جنوبی - گویش کلهوری

³ یەێ وەختێگ ئیمەیش گشتمان وەناو ئەوانه، وەناو هەواوهەوەسیل جەسەمان زنەیی کردیایمن و خاستەیل جەسه و فکر وه جێ هاوردیایمن؛ ئیمەیش هەر جور ئەو باقی ئایەمیل، بەنا وه سریشت خوەمان شایسەێ خەزەو خودا بویمن.

ئەفسوسیێل 2:3 Referans Kwoze

تیتوس 3:3

چوینکه ئیمەیش خوەمان زەمانێگ نەزان و ملچەفتەوکەر و گومڕا و گیرودەێ گشت جور هەواوهەوەس و کەیف و خوەشێگ بیمن؛ وەناو دڵپێسی و حەسویی ڕوژگار دایمنه سەر. مەردم له ئیمه قینێان هاتیاد و ئیمەیش له یەکترەکی قینمان هاتیاد.

یەکم پتروس 1:14

هەر جور مناڵیلی که گوش تەکنن، هاوشیوەێ هەواوهەوەسیلێگ که له دەورەیل نەفامی جاراندان داشتین، نەون.

ئەفسوسیێل 4:22

ئیوه یاێ گردین که باێه ئەو ئایەم کویەنەدانه له وەردان دەر بارین که هن شێوەێ زنەیی جاراندانه و له ڕێ مەیلیل فریوکارانه گەنیاس.

رومیەگان 13:14

بەڵکەم خوداوەند عیسا مەسیح هەر جور دڵنگێگ بکێنه وەر. ئەڕا جەسه تەداروک نوینن که هەواوهەوەسیلێ وه جێ بارین.

رومیەگان 6:12

جا نیلن گونا وەناو جەسەیلدان که مرێ، حوکمرانی بکێ تا گوش له هەواوهەوەسیلێ بتەکنین.

یەکم یوحەنا 2:16

چوینکه هەر چی ها ناو جهان، له باوگ نیه بەڵکەم له جهانه، یانێ ئاوەختیێل جەسه و ئاوەختیێل چەو و لویتبەرزی ژیان.

ئەفسوسیێل 2:2

یەێ وەختێگ وەناو ئەوانه زنەیی کردیاین، ئەوسا که کەفتوینه شون ڕێ رەوشت ئی جهان و سەروک هێز هەوا، یانێ ئبلیس، هەر ئەو روحه که ئێرنگه وەناو کوڕیل ملچەفتەوکەر کار کەی.

یوحەنا 8:44

ئیوه وه باوگدان ئبلیس تالوق دێرین و تواین خاستەیل باوگدان وەجێ بارین. ئەوه له سەرەتاوه خوینکەر بی و وەگەرد ڕاسیەو میانەێگ نێرید، چوینکه هویچ ڕاسی وەناوێ نیه. هەر وەخت درو ئویشێ، له زات خوەێ ئویشێ؛ ئەڕا ئیه که دروزنه و باوگ گشت درویله.

دویم قورنتییل 7:1

ئێ عەزیزەیل، ئیمه که ئی وادەیله دێریم، بان خوەمان له هەر ناپاکی جەسه و روح پاکەو بکێم و وەناو زاورچین له خودا، موقەدەس بیێن وه کەماڵ برەسنێم.

یەکم قورنتییل 4:7

ئەڕا ئیه که کی توێ سەرتر درس کردێه؟ چه ديری که نەوەخشریاسه پێد؟ جا ئەگەر بەخشریاسە پێد، ئەڕا ئەوجورە شانازی کەی که چماێ نەگردیدەسێ؟

رومیەگان 7:18

چوینکه زانم که وەناو من، یانێ وەناو جەسەم، هویچ چشت خاسێگ نیشتەجێ نیه. چوینکه توام ئەو چشته که درسه وه جێ بارم، وەلێ نیەتویەنم وه جێ بارمەێ.

مەرقوس 4:19

وەلێ نگرانییل ئی جهان و فریو دەوڵەمەنی و هەوەس چشتیلتر چوده ناو دڵیان و کەڵام خنکنێ و بی بەرێ کێ.

رومیەگان 11:30

چوینکه هەر ئەوجورە که ئیوه دەورانێگ له خودا ملچەفتەو کردیاین، وەلێ ئێرنگه وەبونەێ ملچەفتەو کردن جویلەکەیل، بەزەیی هاتیەسه پێدان،

رومیەگان 9:22

چه بود بویشی ئەگەر خودا هەرچەن تواێ خەزەو خوەێ نیشان بێێ و هێز خوەێ ئاشکرا بکێ، دەفریل خەزەو که ئەڕا له بین چین گورجەو بینه، وەگەرد سەور فرەێگ تاموڵ بکێ،

یوحەنا 1:13

ئەوانه که نه له خوین و گوشت، نه وه خاست جەسه، نه وه خاست یەێ پیا، بەڵکەم له خودا هاتنەسه دنیا.

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

دویم پتروس 2:14

چەویلێگ دێرن پڕ له داوانپێسی که له گونا کردن تێر نیود. ئی مناڵیل لانەت کریایه، ئایەمیلێگ خەڵەتنن که بەردەوام نین، ئەوانه دڵیلێان هوکارەێ تەما بیه!

یەکم نامەێ تیموتاوس 6:9

وەلێ ئەوانه که خەیاڵ دەوڵەمەنی دێرن، خەڵەتیەن و تویش دام مەیلیل پویچ و زیانباری تیەن که بایس وێرانی و له بین چین ئنسان بود.

نامه وە غەلاتییل 3:22

وەلێ کتاو موقەدەس وەت که گشت چشتێگ گیرودەێ بەن گوناس، تا ئەو واده که له ڕێ ئیمان وه عیسا مەسیحه‎، بێرێیده ئەوانه که ئیمان دێرن.

رومیەگان 1:24

جا خودایش ئیانه وەناو شاوەتیل دڵیان وه ناپاکی هیشت، تا وەناو خوێان جەسەیلیان بی حرمەتەو بکەن.

یەکم یوحەنا 2:8

وەلێ وه ئی حاڵەو ئیه حوکمێگ تازەس که ئەڕادان نویسم که ڕاسیەگەی ئی حوکمه وەناو ئەیو و وەناو ئیوه دیاره، چوینکه تیەریکی چوده سەر و نویر ڕاسەکانی هەر ئێرنگەیش دروشێدەو.

کاریل ڕەسولەیل 14:16

وه نەتەوەیل جاران، ئەیو هیشت تا گشت ملەتیل وه ڕێیل خوێان بچن،

رومیەگان 2:14

ئەڕا ئیه که هناێ ناجویلەکەیل که شەریعەت نێرن، له ڕوی سریشتێان حوکمیل شەریعەت وه جا تیەرن، ئەوانه هەر چەن شەریعەت نێرن، وەلێ خویان ئەڕا خویان شەریعەتێگن.

رومیەگان 5:9

جا ئێرنگه که وەگەرد خوین ئەیو سالحان وه حساو هاتیمنه، چەنێ فرەتر له ڕێ ئەیو له خەزەو خودا نجات پەێا کەیمن.

رومیەگان 5:10

چوینکه ئەگەر وەختێ که ئیمه دشمەن بویمن، وه وەسلەێ مەرگ کوڕەگەێ وەگەرد خوداوه ئاشتی دریایمن، چەنێ فرەتر ئێرنگه که وەگەرد خوداوه ئاشتی دریایمنه، وەگەرد زنەیی کوڕەگەێ نجات پەێا کیم.

نامه وه کولوسییل 1:21

ئیوەیش زەمانێگ وەگەرد خودایا بێگانه و وەناو فکریل خوەدان دشمەن ئەیو بین و کاریل شەڕئاشویی کردیاین.

یەکم تسالونیکییل 4:13

وەلێ ئێ برایل، نیەتوایم له حاڵ ئیمانداریلێگ که مردنه بی خەوەر بوین، نەخواێ جور ئەوباقی مەردم که ئمیدێگ نێرن، بنیشینه ئازیەتی.

یەکم تسالونیکییل 5:6

جا بان تا جور ئەوباقی مەردم خەو نەکەفێه پێمانەو، بەڵکەم وه خەوەر و هوشیار بویمن.