ئەفسوسیێل 2:15 - کتاب مقدس به زبان کردی جنوبی - گویش کلهوری

¹⁵ نەریتیلێ که وەناو حوکمیل شەریعەت بی، پویچەڵەو کرد تا وەناو خوەێ وه جاێ هەردگێان یەێ ئایەم تازه درس بکێ تا ئاشتی و سڵامەتی وه دی بارێ.

ئەفسوسیێل 2:15 Referans Kwoze

نامه وه کولوسییل 2:14

جا ئەو سەنەد قەردیگ که وەگەرد یاسایلێ وه زد ئیمه نویسریاوی و وه نوای ئیمه وساویه پاوه، پاکەو کرد و له بان سەلیب بزمار کوتی کرد و له بین بردێ.

نامه وە غەلاتییل 3:10

چوینکه گشت ئەوانه که پشت بەسانەسه کردەوەێ شەریعەت، هانه ژێر لانەت، ئەڕا ئیه که له ناو تەورات نویسریاس: «لانەته پێ بود هەر کەس له وه جێ هاوردن گشت ئەو چشته که وەناو کتاو شەریعەت نویسریاس، بەردەوام نەمینێ.»

عبرانییل 8:13

خودا وەگەرد قسیه کردن له پەێمانێگ ’نو‘، پەێمان یەکمیەگه بی بایەخ کەید؛ ئەو چشته که بی بایەخ و کویەنه بود، ئەڕا له بین چین گورجه.

نامه وه کولوسییل 3:10

و ئایەم تازه کردینەسه وەردان، که وەناو ماریفەت ڕاسەکانی دێرێ تازەوه بود تا وێنەێ درسکەرگەێ خوەێ دەر باێد.

نامه وه کولوسییل 2:20

ئەگەر وەگەرد مەسیح له باوەت بیروڕایل سەرەتایی ئی جهانه مردینه، ئەڕا هەر جور کەسیلێ که چماێ هێمراێ هن ئی دنیان، گوش له دەستوریلێگ تەکنین، دەستوریلێگ که ئویشێ:

نامه وە غەلاتییل 6:15

چوینکه نه خەتەنه بوین چشتێگه و نه خەتەنه نوین؛ ئەو چشته که گرنگه، وه دی هاتن تازەس.

نامه وە غەلاتییل 3:28

دیتر نه جویلەکە مانا دێرێ نه یونانی، نه خوڵام نه ڕزگار، نه پیا نه ژن، چوینکه ئیوه گشتدان وەناو مەسیح عیسا یەکیگین.

ئەفسوسیێل 4:16

له ئەیوه که گشت جەسه، وه وەسلەێ هەر مەفسەلیگ که ئەڕا ئەوانه گورجەو بیه، بەسیەنه قێ یەک و یەکترەکی گرن. جا وەختێ هەر ئەنامێگ درس کار بکێ، بایس بود جەسه گەورا بود تا خوەێ وەناو مابەت بنێدەێ سەر پاوه.

دویم قورنتییل 5:17

جا ئەگەر کەسێگ وەناو مەسیح بود، درس‎کریاێگ تازەس. چشتیل کویەنه له بین چی؛ ئیسه، گشت چشتێگ تازەوه بیه!

عبرانییل 7:16

ئەوه نه وه پێ حوکم شەریعەتێگ که وه نەتەوەێ دریاد، بەڵکەم له ڕێ هێز زنەیێگ که له بین نیەچود، بوده کاهن.

عبرانییل 9:23

جا واجو بی ئەو چشتیلی که یەێ نمونه له چشتیل ئاسمانی بوین وەگەرد ئی قوروانیيله پاکەو بون، وەلێ خود چشتیل ئاسمانی وەگەرد قوروانییل خاستر له ئیانه پاکەو بون.

ئەفسوسیێل 2:10

چوینکه ئیمه درس کریاێ دەس خودایمن و وەناو مەسیح عیسا ئەڕا کاریل خاس که خودا وەرجه ئیه گورجەو کرد وه دی هاتیمن تا وەناو ئەوانه گام هەڵبگریم.

ئەفسوسیێل 2:14

چوینکه مەسیح خوەێ ئاشتی و سڵامەتی ئیمەس، که هەردگمان یانێ جویلەکە و ناجویلەکه کردێەسه یەکی و وەناو جەسەێ خوەێ دیوار جیایی که بایس دشمەنی بویاد، ڕمانیه،

ئەفسوسیێل 2:16

تا که هەردگمان وه وەسلەێ سەلیبەگەێ خوەێ که وەبان ئەوه دشمەنی کوشت، وەناو یەێ جەسه وەگەرد خوداوه دوسی بێید.

نامه وه کولوسییل 3:11

وەناو ئی ئایەم تازه نه یونانی نه جویلەکە نه خەتەنه کریاێ نه خەتەنه نەکریای نه بەربەر نه سەکایی نه خوڵام نه ڕزگار دیتر مانا نێرید، بەڵکەم مەسیح گشت چشتێگەو ها ناو گشتیەکیگ.

نامه وه کولوسییل 3:15

با ئاشتی و سڵامەتی مەسیح وەناو دڵدان حوکمفەرما بود، که وه ڕاسی وەناو یەێ جەسه ئەڕا ئی ئاشتی و سڵامەتیه دەنگ کریاینه. شوکر خودا بکێن.