ئەفسوسیێل 1:3 - کتاب مقدس به زبان کردی جنوبی - گویش کلهوری

³ پڕ بمارکه خودا، باوگ خوداوەند ئیمه عیسا مەسیح، که ئیمه وەناو مەسیح وه هەر بەەرکەت روحانی له شونیل ئاسمانی بەەرکەتدارەو کردێه.

ئەفسوسیێل 1:3 Referans Kwoze

یەکم پتروس 1:3

پڕ بمارکه خودا، باوگ خوداوەند ئیمه عیسا مەسیح که بەنا وه بەزەیی فره گەوراێ خوەێ، سەوەو بیه تا وه وەسلەێ زنیەو بوین عیسا مەسیح له مردگیل، ئیمه له نو بایمنه دنیا، ئەڕا ئمیدێگ زنی،

دویم قورنتییل 1:3

پڕ بمارکه خودا، باوگ خوداوەندمان عیسا مەسیح، که باوگ بەزەیێل و خوداێ گشت دڵنەواییله؛

ئەفسوسیێل 2:6

خودا ئیمه وەناو مەسیح عیسا وەگەرد مەسیح زنیەو کرد و وەناو شونیل ئاسمانی وەگەرد ئەیو دانیشان،

ئەفسوسیێل 1:20

که ئەوه وەناو مەسیح وه کار برد، ئەو وەخته که ئەیو له ناو مردگیل زنیەو کرد و وه دەس ڕاس خوەێ وەناو شونیل ئاسمانی دانیشان و

ئەفسوسیێل 6:12

چوینکه ئیمه وەگەرد ئایەمیل که له خوین و گوشتن زوران نیەگریم، بەڵکەم ئیمه وه زد فەرمانرەوایل و دەسڵاتداریل، وه زد هێزیلێ که هانه مل ئی جهان تیەریکه و وه زد لەشکەریل روحیل شەڕئاشو که هانه ناو شونیل ئاسمانی، زوران گریم.

ئەفسوسیێل 3:10

تا ئێرنگه له ڕێ کلیسا زانیاری جورواجور خودا وه مل فەرمانرەوایل و دەسڵاتداریل شونیل ئاسمان ئاشکرا بود،

نامه وە غەلاتییل 3:9

جا کەسیلێ که پشت بەسانەسه ئیمان وەگەرد ئێبراهیم، ئەو پیاێ ئیمانه، بەەرکەتدارەو بون.

یوحەنا 17:21

تا ئەوانه گشتێان یەکی بون، ئێ باوگه، هەر ئەوجورە که تو هایده ناو مه منیش هامه ناو توی. با ئەوانیش وەناو ئیمه بون، تا جهان ئیمان بارێ تو مه کل کردیده.

ئەفسوسیێل 1:17

که خوداێ خوداوەندمان عیسا مەسیح، ئەیو باوگ پڕ جەڵاڵه، روح زانیاری و وەحی ئەڕا ماریفەت خوەێ بوەخشێده پێدان،

دویم قورنتییل 11:31

خودا، باوگ خوداوەند عیسا، که وه ئەیو تا ئەبەد بەرەکەت بود، زانی که درو نیویشم.

دویم قورنتییل 5:21

خودا کەسێگ که گونا نەناسێ، ئەڕا ئیمه کرده گونا، تا وه یەکەو بون وەگەرد ئەیو بویمنه سالحان خودا.

یەکم قورنتییل 12:12

چوینکه هەرئەوجوره که جەسه یەکێگە و ئەنامیل فرەێگ دێرێ و گشت ئەنامیل جەسه هەر چەن فرەن، یە جەسەن. له باوەت مەسیحیش هەر ئیجورەسه.

رومیەگان 12:5

ئیمەیش هەرچەن فرەیمن، وەناو مەسیح یە جەسەیمن و هەر کام، گله وه گله ئەنامیل یەکترەکێم.

ئەفسوسیێل 1:10

تا ئەو وەخته که زەمانەگەێ وه تەمامی برەسێ، نەخشەگەێ بارێده دی و گشت چشتێگ یانێ هەر چی ها ناو ئاسمان و هەر چی ها بان زەوی، وەناو مەسیح بکێده یەکی.

دویم قورنتییل 5:17

جا ئەگەر کەسێگ وەناو مەسیح بود، درس‎کریاێگ تازەس. چشتیل کویەنه له بین چی؛ ئیسه، گشت چشتێگ تازەوه بیه!

رومیەگان 15:6

تا یەدڵ و یەزوان، خودا یانێ باوگ خوداوەندمان عیسا مەسیح ستایش بکێن.

عبرانییل 8:5

ئەوانه تەنیا یە نمونه و ساێەڕکی چشتیل ئاسمانی خزمەت کەن. ئەڕا ئیه که وەختێگ موسای پەێخەمەر تواسیا دەوارەگه هەڵ بێید، خودا فەرمان دا پێ و فەرمایش کرد: «ئاگادار به که گشت چشتێگ هەر وه پێ نمونەێگ درس بکێ که وەبان کویه وه پێد نیشان دریاد.»

نامەێ فیلیپییل 2:11

و هەر زوانێگ ئێقرار بکێ که عیسا مەسیح ’خوداوەنده‘ ئەڕا جەڵاڵ ’خوداێ باوگ‘.

یەکم قورنتییل 1:30

جا وەبونەێ ئەیوه که ئیوه وەناو عیسا مەسیح‎ بینەسه یەکی، که له لاێ خوداوه ئەڕاێ ئیمه بیەسه زانیاری، یانێ سالح بوین، قودوسیەت و ڕزگاریمان.

عبرانییل 9:23

جا واجو بی ئەو چشتیلی که یەێ نمونه له چشتیل ئاسمانی بوین وەگەرد ئی قوروانیيله پاکەو بون، وەلێ خود چشتیل ئاسمانی وەگەرد قوروانییل خاستر له ئیانه پاکەو بون.

یوحەنا 20:17

عیسا وەپێ وەت: «دەس مەێه قێمەو، چوینکه هێمراێ ئەڕا لاێ باوگ ئاسمانی بەرزەو نویمه. وەلێ بچوه ئەڕا لاێ براگانم و وەپێان بویش مه بەرزەو بومه ئەڕا لاێ باوگ خوەم و باوگ ئیوه، ئەڕا لاێ خوداێ خوەم و خوداێ ئیوه.»

یوحەنا 14:20

وه ئەو ڕوژه، زانین که مه هامه ناو باوگم و ئیوەیش هاینه ناو من و مه هامه ناو ئیوه.

لوقا 2:28

شەمعون گردێ باوش و ستایش خودا کرد و وەت: