ئەفسوسیێل 1:17 - کتاب مقدس به زبان کردی جنوبی - گویش کلهوری

¹⁷ که خوداێ خوداوەندمان عیسا مەسیح، ئەیو باوگ پڕ جەڵاڵه، روح زانیاری و وەحی ئەڕا ماریفەت خوەێ بوەخشێده پێدان،

ئەفسوسیێل 1:17 Referans Kwoze

دویم پتروس 1:3

هێز خودایی ئەیو هەر چی که ئەڕا زنەیی و خوداپەرەسی هەوەجیه، ناسه وەر دەسمان. ئیه له ڕێ ناسین ئەیوه که ئیمه وه جەڵاڵ و خاسێ خوەێ دەنگمان کرد.

دویم پتروس 3:18

بەڵکەم وەناو فیز و ناسین خوداوەند و نجات دەر ئیمه عیسا مەسیح، گەوراوه بین. وه ئەیو له ئێرنگه تا ئەبەد و تا ئەبەد جەڵاڵ بود! ئامین.

ئەفسوسیێل 1:3

پڕ بمارکه خودا، باوگ خوداوەند ئیمه عیسا مەسیح، که ئیمه وەناو مەسیح وه هەر بەەرکەت روحانی له شونیل ئاسمانی بەەرکەتدارەو کردێه.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

ئنجیل مەتا 11:27

باوگم گشت چشتێگ وه مه سپاردیه. هویچکەس کوڕ نیەناسێ بێجگه باوگ، هویچکەیش باوگ نیەناسێ بێجگه کوڕ و ئەوانه که کوڕ بتواێ باوگ ئەڕاێان ئاشکراێ بکێ.

یەکم قورنتییل 2:10

ئی چشتیله خودا له ڕێ روح خوەێ ئەڕامان ئاشکراوه کردێه، ئەڕا ئیەک روح خودا گشت چشتێگ، تەنانەت قویلترین راز خودایش دەێدەیەکا.

ئەفسوسیێل 3:5

رازێگ که وەناو نەتەوەیل جاران وه بەنی ئایەم ئاشکرا نەکریاوی، هەر ئەوجورە که ئیسه له ڕێ روح خودا وه ڕەسولەیل موقەدەسێ و نەبوەتکەریل، ئاشکرا بیه.

یوحەنا 20:17

عیسا وەپێ وەت: «دەس مەێه قێمەو، چوینکه هێمراێ ئەڕا لاێ باوگ ئاسمانی بەرزەو نویمه. وەلێ بچوه ئەڕا لاێ براگانم و وەپێان بویش مه بەرزەو بومه ئەڕا لاێ باوگ خوەم و باوگ ئیوه، ئەڕا لاێ خوداێ خوەم و خوداێ ئیوه.»

کاریل ڕەسولەیل 6:10

وەلێ ئەوانه نەتویەنستن لەنواێ زانیاری و روحێگ که ئستیفان وەگەردیەو قسیه کردیا، بوسن.

ئنجیل مەتا 6:13

مەخەرەمانه ناو ئەزمون، بەڵکەم وه ئەو شەڕئاشوه ڕزگارمان بکه. چوینکه تا ئەبەد، پادشایی و هێز و جەڵاڵ هن تنه. ئامین.

یوحەنا 14:26

وەلێ ئەو پشتیوانه، یانێ روح‌القودوس، که باوگ وه ناو منەو کلی کەی، گشت چشتێگ یاێدان دی و هەر چی که وەپێدان وەتمه، وه هویردان تیەرێ.

دویم قورنتییل 12:1

باێه شانازی بکەم؛ هەرچەن وەناو ئی شانازیه نەفێگ ئەڕام نیه، رویاییل و وەحیێلێ که له خوداوەند داشتمه، ئویشم.

لوقا 21:15

چوینکه کەڵام و زانیاریگ دەمه پێدان که هویچ کام له دشمەنیلدان تویەناێ ئیه نێرن که وەگەردێ موخالفەت بکەن و ڕوی وه ڕویی بوسن.

یەکم قورنتییل 12:8

ئەڕا ئیه که وه یەکی له ڕێ روح خودا، کەڵام زانیاری درێید، وه یەکیگتر له ڕێ هەر ئەو روحه، کەڵام ماریفەت و

یەکم قورنتییل 2:8

هویچکام له فەرمانرەوایەێل ئی دەورانه ئی زانیاریه نەفامین، چوینکه ئەگەر ئەوه بفامیان، خوداوەند جەڵاڵ نیەکیشیانی سەلیب.

رومیەگان 15:6

تا یەدڵ و یەزوان، خودا یانێ باوگ خوداوەندمان عیسا مەسیح ستایش بکێن.

یوحەنا 16:3

ئی کاريله کەن، چوینکه نه باوگ ئاسمانی ناسینه و نه مه.

یوحەنا 14:17

یانێ روح ڕاسی که دنیا نیەتویەنی قەبوڵێ بکێ، چوینکه نه دوینیدێ و نه ناسێدێ؛ وەلێ ئیوه ناسینێ، چوینکه له لاێ ئیوه نیشتەجێه و وەناو ئیوه مینێ.

ئنجیل مەتا 16:17

عیسایش جواو دا: «خوەش وه حاڵ تو، شەمعون، کوڕ یونا! چوینکه گوشت و خوین ئیه ئەڕاد ئاشکرا نەکردیه، بەڵکەم باوگ مه که ها ناو ئاسمان.

ئنجیل مەتا 11:25

هەر ئەو وەخته، عیسا جار دا: «ئێ باوگه، خاون ئاسمان و زەوی، سپاسد کەم که ئی چشتەیله، وه زانیاریل و ئایەمیلێگ که فام دێرین شاردیدەسەو ئەڕا مناڵیل بویچگ ئاشکراێ کردیده.

وەحی وه یوحەنا 7:12

وەتن: «ئامین! ستایش و جەڵاڵ و زانیاری و سپاس و حرمەت و هێز و تویەنایی ئەڕا خوداێ ئیمه بود، تا ئەبەد و تا ئەبەد. ئامین!»

تیتوس 1:1

له لاێ پولوس، خوڵام خودا و ڕەسول عیسا مەسیح. مه دیاری کریام که ئیمان هەڵوژاریەگان خودا وه قەوەتەو بکەم و ڕاسیێگ که ها مل دینداری، بویشم.

یاقوب 2:1

برایلم، ئیوه که وه خوداوەندمان عیسا مەسیح، خوداوەند جەڵاڵ ئیمان دێرین، له بین ئایەمیل دوچەوەکی نەکێن.

یەکم قورنتییل 14:6

ئێرنگه ئێ برایل، ئەگەر بامه ئەڕا لادان و وه زوانیلتر قسیه بکەم، چ سودێگ ئەڕادان دێرم، مەر ئیه که وەحی یا ماریفەت یا نەبوەت یا تالیمێگ ئەڕادان بیاشتویم؟

لوقا 12:12

چوینکه روح‌القودوس هەر ئەو وەخته یاێدان دەێ چه باێه بویشین.»

لوقا 2:14

«جەڵاڵ ئەڕا خودا وه ئاسمان بەرز و ئاشتی و سڵامەتی ئەڕا مەردمیلێگ که وەبان زەوی، خودا وه لێان خوەشنوده!»

دویم تیموتاوس 2:25

باێه ئەوانه که له نوای وسن وه دڵنەرمی ڕێنمایی بکێد، وەئی ئمیده که خودا بیلێد تا ئەوانه توبه بکەن و ڕاسی بناسن

رومیەگان 1:28

وەبونەێ ئیه که ئەڕا ئەوانه ناسین خودا نیەتیەرزیاد، خودایش ئەوانه هیشته ناو فکریل ناشیرێن تا کارێگ بکەن که نەبایه بکرێید.

کاریل ڕەسولەیل 7:2

ئستیفان وەت: «ئێ برایل و ئێ باوگیل گوش بێەنه لێم، خوداێ پڕ جەڵاڵ، وەختێ وه باوگمان ئێبراهیم ئاشکرا بی که وەناو بین النهرین نیشتەجێ بی، وەرجه ئەوه که بار بکێ ئەڕا میلکان حەران،

ئەفسوسیێل 4:13

تا وەختێ که گشتمان وه یەکەو بوین ئیمان دەس پەێا بکێمن و هەر ئیجوره وه یەکەو بوین ناسین کوڕ خودا، تا چەنه ئایەمێگ کامڵ گەورا بویمن، تا چەنه پڕی باڵای مەسیح گەورا بویمن.

نامەێ فیلیپییل 3:15

بیل تا ئەوانه که وەناومان بازڵەن، ئیجوره فکر بکەن؛ و ئەگەر له باوەت چشتێگ یەێ جورتر فکر کین، ئیەیشه خودا ئەڕا ئیوه ئاشکراوه کەێد.

ئنجیل مەتا 20:33

ئەوانه وەپێ وەتن: «گەورەمان، توایم چەویلمان واز بود.»