نامه وه کولوسییل 3:8 - کتاب مقدس به زبان کردی جنوبی - گویش کلهوری

⁸ وەلێ ئێرنگه باێه گشت ئیانه له خوەدان دویرەو بکێن، یانێ توڕەیی، خەزەو، دڵپێسی، بخت کردن و قسیەيل گەن له دەم خوەدان.

نامه وه کولوسییل 3:8 Referans Kwoze

ئەفسوسیێل 4:29

هویچ قسیەێ خراوێگ له دەمدان دەرنەچود، بەڵکەم جورێگ قسیه بکەن که وه جێ بود و ئەڕا وه سەر پا ناین مەردم وه کار باێ و تا وه ئەوانه که شنەفن فیز برەسنێد.

ئەفسوسیێل 4:22

ئیوه یاێ گردین که باێه ئەو ئایەم کویەنەدانه له وەردان دەر بارین که هن شێوەێ زنەیی جاراندانه و له ڕێ مەیلیل فریوکارانه گەنیاس.

ئەفسوسیێل 5:4

با وتار خراو و قسیەێ گیلگەوجانه و شوخیەل گەن وەناودان نود که ئیانه خاس نین؛ وه جێ ئەوانه سپاس خودا بکێن.

نامه وه کولوسییل 3:5

جا، هەر چی وەناودان هن زەویه، بکوشنێ، یانێ خیزی، ناپاکی، هەواوهەوەس، خاستەیل گەن و تەما که هەر ئەو بتپەرسیەسه.

ئەفسوسیێل 4:26

«وەختێ توڕەین، هوشدان بود گونا نەکێن»؛ نێلن ڕوژدان تەمام بود و ئیوه هێمراێ توڕه بوین،

عبرانییل 12:1

جا چوینکه ئیجور هەور فره گەوراێگ له شاێەتیل دەورەمان کردنه، باین هەر بار و هەر گوناێگ که ئیجوره سەخت لچکێده پێمانەو، له خوەمان دویرەو بکێم و باین تا وەگەرد بەردەوام بوین له موسابقەێگ که له نوامان نریاس، بدەویم.

نامه وه کولوسییل 3:9

وه یەکترەکی درو نویشن، چوینکه ئەو ئایەم کویەنه و وەگەرد کارەگانێ له وەر دەر هاوردینه

یەکم پتروس 2:1

جا هەر جور دڵپێسی و هەر جور فێڵ و دوڕویی و حەسویی و هەر جور بختێگ له خوەدان دویرەو بکەن.

دویم قورنتییل 12:20

چوینکه له ئەوه ڕخم چود وەختێ بامه ئەڕا لادان ئەوجورە که توام، نوینمەدان و ئیوەیش ئەوجورە که تواین، نوینینەم. نەکێ وەناودان مرافه، حەسویی، توڕه بوین، دشمەنی، بخت کردن، خوسپ کردن، لویتبەرزی و شل شێویایی بوینم.

یەکم قورنتییل 3:3

ئەڕا ئیه که هێمراێ له جەسەین. وەختێ وەناودان حەسویی و مرافه هەس، ئێ نیشانەێ ئەوه نیه که له جەسەین و ڕێ رەوشتدان جور باقی ئایەمیله؟

ئنجیل مەتا 5:22

وەلێ مه وەپێدان ئویشم، هەر کەس وه براگەێ توڕه بود، حەقیه ماکوم بکرێ؛ هەر کەیش وه براگەێ ’خراو‘ بویشی، حەقیه بوەرێیده نوای شوراێ شێخیل جویلەکەیل ماکوم بکرێ، هەر کەیش وه براگەێ بویشی گیلگەوج، حەقی ئاگر جەهەنمه.

نامه وە غەلاتییل 5:15

وەلێ ئەگەر قەپ بکێنه یەکترەکی و یەکان قویرت بێین، هوشدان بود که وه دەس یەکترەکی له بین نەچین.

رومیەگان 13:13

بان ڕێ رەوشتمان ئەوجورە درس بود که شایسەێ کەسیلێگه که هانه ناو ڕوشنایی ڕوژ. جا وەختمان وەناو عەێاشی و سەرخوەشی و خیزی و هەرزەیی و مرافه و حەسویی، وه سەر نەوەێم،

یەهودا 1:8

وی حاڵه، هەر ویجوریشه ئی ئایەمیله که پشت بەسانەسه خەویلێگ که دوینن، جەسەێ خوێان ناپاک کەن و دەسڵات خوداوەند ڕەد کەن و وه گەورایل پڕ جەڵاڵ ئاسمانی کفر کەن.

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

یاقوب 2:7

ئێ مەگەر ئیانه نین که وه ئەو ناو حرمەتداره که نریاسه ملدانەو، کفر کەن؟

یەکم نامەێ تیموتاوس 1:20

هیمنائوس و ئەسکەنەر له ئی دەسەنه، که ئیانه دامه دەس شەیتانەو تا بوده مایەێ عبرەتێان و دیتر کفر نەکەن.

یەکم نامەێ تیموتاوس 1:13

هەر چەن له جاران، کفرچی و ستەمکەریل و زورگو بیم، وەلێ بەزەیی وە مه کریا، چوینکه له ڕوی نەزانی و بی ئیمانی بی که ئیجوره کردیام.

نامه وە غەلاتییل 5:26

بان تا خودپەسەن نویمن و یەکترەکی توڕه نەکێمن و وه یەکترەکی حەسویی نەکێمن.

نامه وە غەلاتییل 5:20

بتپەرەسی و جادوکەری؛ دشمەنی، مرافه، حەسویی؛ توڕەیی، خودپەرەسی، جیایی خستن، دەسەبەنی،

مەرقوس 7:22

تەما، بەێ خوازی، فێڵبازی، هەرزەیی، حەسویی، بخت کردن، لویتبەرزی و گیلگەوجی.

وەحی وه یوحەنا 16:9

مەردم له تین گەرما سزیان و ناو خودا که هێز ئی بەڵایله ها دەسێ، لانەت کردن، ئەوانه توبه نەکردن و ئەیو جەڵاڵ نیان.

یەهودا 1:13

ئیانه هەر جور تافیل خروشان دەریان که کاریل نەنگ هاورێان هەر جور کەف تێدە بان ئاو؛ هەساریل وێڵێگن که تیەریکی و زولەمات، تا ئەبەد ئەڕاێان دیاری کریاس.

دویم پتروس 2:7

و ئەگەر لوت سالحان که له ڕێ رەوشت هەرزەیی ئەو ئایەمیله شەڕئاشوه فره پەشێو بوی ڕزگار کرد،

ئەفسوسیێل 4:25

جا، درو بیلنه لا، هەر کامدان وەگەرد هاوساگەێ خوەێ وه ڕاسی قسیه بکێن، ئەڕا ئیه که ئیمه ئەنامیل یەکترەکێم.