نامه وه کولوسییل 2:11 - کتاب مقدس به زبان کردی جنوبی - گویش کلهوری

¹¹ وەناو مەسیح خەتەنەیش کریاین، خەتەنەێگ که وه دەس نەکریاس. ئی خەتەنه وەگەرد له وەر دەر هاوردن شەخسیەت جەسەیه، وەگەرد خەتەنەێگه که مەسیح کردێه.

نامه وه کولوسییل 2:11 Referans Kwoze

رومیەگان 2:29

بەڵکەم جویلەکە ئەوەسه که له ناخەو جویلەکە بود و خەتەنەیش کارێگه دڵی که له ڕێ روح خودا ئەنجام گرێ، نه له ڕێ شەریعەت نویسریای. ئیجور کەسێگ تاریف خوەێ له خودا گرێ، نه له ئایەم.

نامەێ فیلیپییل 3:3

چوینکه خەتەنه کریایل ڕاسەکانی ئیمەیم که وەگەرد روح خودا، پەرەسش کەیمن و شانازیمان وه مەسیح عیساس و پشت نیەوەسیمنه جەسه،

ئەفسوسیێل 4:22

ئیوه یاێ گردین که باێه ئەو ئایەم کویەنەدانه له وەردان دەر بارین که هن شێوەێ زنەیی جاراندانه و له ڕێ مەیلیل فریوکارانه گەنیاس.

رومیەگان 6:6

زانیم ئەو ئنسان جارانه که ئیمه بیمن، وەگەردیەو وه سەلیب کیشریا تا جەسەێ گونا پویچەو بود و ویجوره دیتر گیرودەێ گونا نویمن.

نامه وە غەلاتییل 5:24

ئەوانه که هن مەسیح عیسان، جەسه وەگەرد هەواوهەوەسیل و ئاوەختیێل کیشانەسه سەلیب.

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

دویم قورنتییل 5:17

جا ئەگەر کەسێگ وەناو مەسیح بود، درس‎کریاێگ تازەس. چشتیل کویەنه له بین چی؛ ئیسه، گشت چشتێگ تازەوه بیه!

عبرانییل 9:24

چوینکه مەسیح نەچیه ناو موقەدەسترین شونێگ که وه دەس بەشەر درس کریاوی که نمونەێگ له چشتیل ڕاسەکانیه، بەڵکەم چیه ناو خود ئاسمان تا ئێرنگه له جێ ئیمه له لاێ خوداوه ئاشکرا بود.

عبرانییل 9:11

وەلێ وەختێگ مەسیح له جیگەێ کاهن گەوراێ ئەو چشتیل خاسه ئاشکرا بی که ئێرنگه هاتنەسه دی، چیەسه ناو دەوارێگ گەوراتر و کامڵتر که وه دەس ئایەم درس نەکریاس. یانێ هن ئی درسکریایه نیه.

دویم قورنتییل 5:1

ئێرنگه زانیمن هەر وەخت ئی دەواره که ها بان زەوی که وەناوێ نیشتەجێیمن بڕمێد، ماڵێگ له خودا دێریم که ئەبەدیه و ها ناو ئاسمان، ماڵی که دەس درسی نەکردیه.

کاریل ڕەسولەیل 17:24

«خوداێگ که جهان و هەر چی که ها ناوێ وه دی هاورد، ساێو ئاسمان و زەویه و وەناو مابەدیل درس کریا وه دەس بەشەر نیشتەجێ نیود.

کاریل ڕەسولەیل 7:48

«وەلێ خوداێ هەربەرز وەناو ماڵيلی که وه دەس درس کریاس نیشتەجێ نیود، ئەوجورەکە ئەشعەیاێ پەێخەمەر وەتیه:

لوقا 2:21

وه ڕوژ هەیشتم، وەختێ مناڵەگه خەتەنه بی، ناوێ نانه عیسا. هەر ئەو ناوه که فریشتەگه، وەرجه ئەوه که مریەم زگێ پڕ بود، نایوه ملێ.

مەرقوس 14:58

«ئیمه خوەمان شنەفتیمنه که وەتیا، ”ئی مابەده که وه دەس بەشەر درس کریاس خراوی کەم و وەناو سێ ڕوژ، مابەدێگ تر درس کەم که وه دەس بەشەر درس نەکریاوی“»

رومیەگان 7:24

ئاخ که چ ئایەم بێبەختێگم! کیه که له ئی جەسەێ مەرگه ڕزگارم بکێ؟

نامه وه کولوسییل 3:5

جا، هەر چی وەناودان هن زەویه، بکوشنێ، یانێ خیزی، ناپاکی، هەواوهەوەس، خاستەیل گەن و تەما که هەر ئەو بتپەرسیەسه.