نامه وه کولوسییل 1:9 - کتاب مقدس به زبان کردی جنوبی - گویش کلهوری

⁹ وه ئی بونه، له ڕوژیگ که ئیه شنەفتیم، له دوعا کردن ئەڕادان نەوسایمەسەو، بەڵکەم له خودا توایم که ئیوه له ناسین خاست ئەیو وەناو هەر زانیاری و فام روحانی، پڕەو بوین

نامه وه کولوسییل 1:9 Referans Kwoze

یاقوب 3:17

وەلێ ئەو زانیاری که له ئاسمانه، یەکم جار پاکه، ئمجا ئاشتیخوازه، نەرم و ئاموژیاری گوشدەره، نیقەڵتوز له بەزەیی و بەریل خاسه، دویر له دوچەوەکی و دوڕوییه!

یاقوب 1:5

ئەگەر کەسێگدان هەوەجی وه زانیاری دێرێ، له خودا داوا بکێ و وەپێ بەخشرێید، هەر له ئەو خوداێگه که وه گشتیەکی وه دەس دڵوازای و بی سەرزەنشت بەخشێد.

نامه وه کولوسییل 4:5

وەگەرد مەردم دەیشت کلیسا ڕێ رەوشتدان وه زانیاری بود و خاسترین سود له وەخت بوەن.

عبرانییل 13:21

وه هەر چشت خاسێگ ئیوه گورجەو بکێ تا خاست ئەیو وەجێ بارین. با که خودا هەر چی که سەوەو خوەشنودی بود له ڕێ عیسا مەسیح وەناو ئیمه وە جا بارێ، هەر ئەیو عیساێ مەسیحه که تا ئەبەد و تا ئەبەد جەڵاڵ وه ئەیو بود. ئامین.

یەکم پتروس 2:15

چوینکه خاست خودا ئیەسه که وەگەرد خاسێ کردن، نەفامی مەردم گیلگەوج، بێدەنگەو بکێن.

دویم تسالونیکییل 1:11

وه ئی بونه، یەێ‌سەر ئەڕا ئیوه دوعا کيمن تا خودامان، ئیوه شایسەی دەنگ کردن خوەێ بکێ و وه هێز خوەێ هەر ئاوەختیێل خاس و هەر کارێگ که له ئیمان ئیوه سەرچاوه گرید، وه ئەنجام برەسنێد،

یەکم تسالونیکییل 5:17

یەێ‌سەر دوعا بکێن؛

یەکم یوحەنا 5:20

هەر ئیجوره ئیمه زانیمن که کوڕ خودا هاتێه و فام داسه پێمان تا ئەیو بناسیم که ڕاسه، ئیمه هایمنه ناو ئەیو که ڕاسه. یانێ وەناو عیسا مەسیح کوڕ ئەیو. ئەیو خوداێ ڕاسەکانی و زنەیی ئەبەدیه.

نامه وه کولوسییل 3:16

با کەڵام مەسیح وه دەوڵەمەنی وه ناودان نیشتەجێ بود؛ وەگەرد کەماڵ زانیاری یەکترەکی تالیم و ئاموژیاری بێین؛ وەگەرد شوکرکردنێگ که له ناخ دڵەو ئەڕا خودا دێرین، مەزموریل و سرودیل و بەیتیل روحانی، بچڕێن.

عبرانییل 10:36

چوینکه هەوەجی دێرین که بەردەوام بوین تا ویجوره ئمجا که خاست خودا وه جێ هاوردین، وادەگه پەێا بکێن.

نامەێ فیلیپییل 1:4

هەمویشه وەناو گشت دوعایلم ئەڕا گشتدان وه خوەشی دوعا کەم،

نامه وه فیلیمون 1:4

مه هەر وەختێگ وەناو دوعایلم تو تیەرمه هویرم، هەمویشه سپاس خوداێ خوەم کەم،

ئەفسوسیێل 6:6

جا ئیەیشه، نه تەنیا وەختێ که هاینه وەر چەویان وه جێ بارین، جور کەسیلێ که هانه شون خوەشنود کردن مەردمەو، بەڵکەم جور خوڵامیل مەسیح، که خاست خودا وه قوڕن دڵ وه جێ تیەرن.

رومیەگان 12:2

شێوەێ ئی جهانه نەگرنه خوەدان، بەڵکەم وه نو کردن زەین خوەدان، ئاڵشت بون. ئەوسا تویەنین بزانین که خاست خودا چەس؛ خاست خاس و پەسەن کریا و کامڵێ.

یەکم تسالونیکییل 1:3

و له لاێ خودا، باوگ ئاسمانیمان، کار ئیوه که له ئیمانه و مەینەت ئیوه که له مابەته و بەردەوامیدان که له ئمید وه خوداوەندمان عیسا مەسیحه، تیەرێمنه هویر.

یەکم یوحەنا 2:17

جهان و ئاوەختێلێ درێیده سەر، وەلێ ئەو کەسه که خاست خودا وه جێ تیەرێ، تا ئەبەد مینێدی.

یەکم پتروس 4:2

وەئی بونه باقی ژیانی وه جەسه ئەڕا خاست خودا زنەیی کێ، نه ئەڕا هەواوهەوەسیل بەشەری.

نامه وه کولوسییل 4:12

ئەپافراس که یەکی له خوەدانەو و خزمەتکار مەسیح عیساس، سڵامدان رەسنێد. ئەوه هەمویشه وەناو دوعایلی ئەڕادان تەقالا کەی تا ئیوه جور ئایەمیلێ که بازڵەن و وه تەمامی خاترجەمن، بەردەوام بمینێن و خاست خودا وه تەمامی وەجێ بارین.

نامه وه کولوسییل 1:6

هەر ئەو ئینجیله که ڕەسیەسه پێدان هەر ئەوجورە که وه ڕاسی له سەرئانسەر دنیا بەر دێ و گەوراوه بود، هەر ئەوجورە که وەناو ئیوەیش، له ڕوژیگ که شنەفتینێ و فیز خودا وه ڕاسی فامین، کار کەی.

ئەفسوسیێل 5:17

جا گیلگەوج نەون، بەڵکەم بزانن که خاست خوداوەند چەس.

ئەفسوسیێل 5:10

تەقالا بکەن تا ئەو چشته که خوداوەند خوەشنودەو کەی، بزانین.

ئەفسوسیێل 1:8

وەناو زانیاری و فام تەمام، وه فراوانی بەخشاسه پێمان.

یوحەنا 7:17

ئەگەر کەسێ بتواێ خاست خودا وه جێ بارێ، زانی که ئی تالیمیله له خوداس یا له خوەمەو ئویشم.

یەکم قورنتییل 1:5

چوینکه ئیوه وەناو مەسیح له هەر باوەتەو دەوڵەمەن بینه، وەناو هەر لەون وەتن و ماریفەتێگ -

کاریل ڕەسولەیل 12:5

جا پتروس هیشتنه زندان، وەلێ کلیسا وه قوڕن دڵ له لاێ خوداوه ئەڕاێ دوعا کردیاد.

نامه وه فیلیمون 1:6

دوعا کەم که هاوبەش بوین ئیماند مەیەت بێی ئەڕا هەر چشت خاسێ که وەبونەێ مەسیح ها ناومان، ئاگاداری کامڵ پەێا بود.