نامه وه کولوسییل 1:5 - کتاب مقدس به زبان کردی جنوبی - گویش کلهوری

⁵ ئیانه له ئمیدێگ سەرچاوه گری که وەناو ئاسمان ئەڕا ئیوه نریاس. وەرجه ئیه له باوەت ئی ئمیده وەناو کەڵام ڕاسی یانێ ئینجیل شنەفتینه،

نامه وه کولوسییل 1:5 Referans Kwoze

ئەفسوسیێل 1:13

ئیوەیش وەناو مەسیح، ئەو وەخته که کەڵام ڕاسی، یانێ مزگانی نجات خوەدان شنەفتین و ئیمانه پێ هاوردین، وەگەرد روح‌القودوس واده دریاێ مور کریاین.

دویم تیموتاوس 4:8

ئێرنگه تاج سالح بوین ئەڕام ‎گورجه، تاجێگ که خوداوەند، ئەو داوەر دادپەروەره، له ئەو ڕوژه بەخشیده پێم، نه تەنیا وه مه، بەڵکەم وه گشت ئەوانه که تاسەێ ئاشکرابوینی، داشتنه.

تیتوس 1:2

ئی ڕاسیه وه پێ ئمید وه زنەیی ئەبەدیه که خوداێگ که هەراێهەر درو نیویشی، له ئەزەڵ وادەێ داسه پێمان و

نامه وه کولوسییل 1:27

خودا ئیجوره تواس که وه ئەوانه ئاشکرا بکێد که ئی رازه چ جەڵاڵ گەوراێگ وەناو ناجویلەکەیل دێرێد، ئەو رازه که مەسیح ها ناو ئیوه، که ئمید جەڵاڵه.

یەکم پتروس 2:2

هەر جور مناڵه کوڕپەیل، تاسەێ شیر ناب روحانی بوین تا وه مەیەت ئەوه ئەڕا نجات، گەوراوه بوین،

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

یەکم قورنتییل 15:19

ئەگەر تەنیا هەر وەناو ئی ژیانه وه مەسیح ئمید دێریم، ئەوسا ئیمه له گشت ئایەمیل بەێ بەختتریم.

عبرانییل 7:19

چوینکه شەریعەت هویچ چشتێگ کامڵەو نەکرد؛ وەلێ له یەێ لاتریش ئمید خاسترێگ دریاده پێمان که له ڕێ ئەوه وه خودا نزیکەو بویمن.

یەکم تسالونیکییل 2:13

هەر ئیجوره ئیمه یەێ‌سەر وه ئی بونه سپاس خودا کەیمن که ئیوه له وەخت قەبوڵ کردن کەڵام خودا، که له ئیمه شنەفتین، ئەوه نه جور قسیەيل ئنسان، بەڵکەم جور کەڵام خودا قەبوڵ کردین، که وه ڕاسی هەر ئیجورەسه؛ هەر ئەو کەڵامه که وەناودان که ئیمان دێرین، کار کەێد.

یەکم یوحەنا 3:3

هەر کەس وه ئەیو ئیجور ئمیدێگ دێرێ، خوەێ پاکەو کەی، هەر ئەوجورە که ئەیو پاکه.

نامه وە غەلاتییل 5:5

چوینکه وه وەسلەێ روح خودا و له ڕێ ئیمانه که ئیمه خوەمان وه ئەزرەتەو چەوەڕێ ئەو سالح بوینیمنه که وه ئمێدێەو دەیمنەێ سەر.

دویم قورنتییل 5:19

یانێ که خودا وەناو مەسیح بی و ئی جهانه وەگەرد خوێەو ئاشتی دیاد و خەتایل مەردم وه حساویان نیشتیاد و پێخام ئاشتی سپارده پێمان.

کاریل ڕەسولەیل 23:6

وەختێ پولوس زانست بڕێگیان له فرقەێ سەدوقین و بڕێگتر له فرقەێ فەریسی، کردی هاوار و وەت: «برایل، مه فەریسیم و کوڕ فەریسیگم. وەبونەێ ئمید وه زنیەو بوین مردگیله که دادگایی بوم.»

یەکم پتروس 3:15

بەڵکەم له دڵ خوەدانەو‎و خوداوەند مەسیح که قودوسه حرمەت بگرن و هەمویشه گورجەو بوین تا هەر کەسێگ مدوێ ئمیدێگ که ها له ناو ئیوه بپرسێد، جواوی بێین، وەلێ ئی کاره وه نەرمی و وه حرمەت بکەن.

یەکم قورنتییل 13:13

جا ئێرنگه، ئی سێ چشته مینێدەو: ئیمان، ئمید و مابەت. وەلێ گەوراترەگەێان مابەته.

کاریل ڕەسولەیل 24:15

منیش هەر جور ئی پیاێله ئمید وه خودا دێرم که هەم ئایەمیل سالحان و هەم ئایەمیل ستەمکەر له مردگیل زنیەو بون.

یەکم نامەێ تیموتاوس 1:15

حەقه ئی قسیه تەمام و کەماڵ قەبوڵ بود که مەسیح عیسا هاته جهان تا گوناکاریل نجات بێید، که مه گەوراترین ئەوانەمە.

دویم تسالونیکییل 2:16

با خود خوداوەند ئیمه عیسا مەسیح و باوگ ئیمه خودا که ئیمه مابەت کرد و له ڕێ فیز دڵگەرمی ئەبەدی و ئمیدێگ خاس بەخشیه پێمان،

نامه وه کولوسییل 3:16

با کەڵام مەسیح وه دەوڵەمەنی وه ناودان نیشتەجێ بود؛ وەگەرد کەماڵ زانیاری یەکترەکی تالیم و ئاموژیاری بێین؛ وەگەرد شوکرکردنێگ که له ناخ دڵەو ئەڕا خودا دێرین، مەزموریل و سرودیل و بەیتیل روحانی، بچڕێن.

رومیەگان 10:8

وەلێ ئەوه چه ئویشێ؟ ئیەک «کەڵام خودا نزیک توێه، ها ناو دەمد، ها ناو دڵد.» ئیه هەر ئەو کەڵام ئیمانەسه که ئیمه جار دەیم،

کاریل ڕەسولەیل 10:36

ئیوه ئەو پێخامه زانین که خودا ئەڕا قەوم ئێسرائیل کل کرد، له ڕێ عیسا مەسیح که خوداوەند گشته، مزگانی ئاشتی و سڵامەتی جار دا.

لوقا 12:33

هەر چی دێرین بفروشن و بێەنه دەستەنگیل؛ ئەڕا خوەدان کیسەیلێگ گورجەو بکەن که نیەپویترکێید و گەنجێ که بنێ نیەتێید وەناو ئاسمان گردەو بکەن، شونێگ که نه دز تێد وه نه بید دەێەڵێ.

کاریل ڕەسولەیل 13:26

«ئێ برایل، ئێ مناڵیل ئێبراهیم و ئێ ناجویلەکەیلێگ که ڕخدان له خودا چود و هاینه ئێرا، ئی پێخام نجاته ئەڕاێ ئیمه کل کریاس.

دویم قورنتییل 6:7

وه قسیەێ ڕاس و وه هێز خودا، وه چەکیل سالح بوین وه دەس ڕاس و چەپ؛

نامه وە غەلاتییل 2:5

ئیمه تەنانەت یەێ ئانیش مل ئەڕاێان نەخەفانیم تا ڕاسی ئینجیل وه تەمامی ئەڕادان بپارێزیەد.

نامه وە غەلاتییل 2:14

وەلێ وەختێ دیم کردەوەێان وه پێ ڕێەگەێ ڕاسەکانی ئینجیل نیه، له نوای گشتێان وه کیفا وەتم: «ئەگەر تو هەرچەن که جویلەکەێ وەلێ جور ناجویلەکەیل زنەیی کەی نه جور جویلەکەیل، چوی تویەنێ ناجویلەکەیل وادار بکێ تا جور جویلەکەیل زنەیی بکەن؟»

ئەفسوسیێل 4:21

هەڵبەت ئەگەر گومان بکێم که ئیوه له باوەت ئەیو شنەفتینه و وه پێ ئەو ڕاسیه که ها ناو عیسا، وەناو ئەیو تالیم گردین.

دویم پتروس 1:12

جا توام ئی چشتیله هەمویشه بخەمه هویردان، هەر چەن ئەوانه زانين و له ئەو ڕاسیه که دێرین، بەردەوامین.