کاریل ڕەسولەیل 9:10 - کتاب مقدس به زبان کردی جنوبی - گویش کلهوری

¹⁰ وه دەمشق شاگردێگ حەنانیا ناو زنەیی کردیا. خوداوەند وەناو رویا وەپێ ئاشکرا بی و فەرمایش کرد: «ئێ حەنانیا!» ئەویش جواو دا: «هامه ئێرا خوداوەندا.»

کاریل ڕەسولەیل 9:10 Referans Kwoze

کاریل ڕەسولەیل 22:12

«وەناو دەمشق پیاێگ خوداترس و پایبەن وه شەریعەت وه ناو حەنانیا زنەیی کردیاد، هەر ئیجوره گشت جویلەکەیل وه خاسێ ناوێ بردێان.

کاریل ڕەسولەیل 10:3

یەێ ڕوژ نزیک سات سێ دویانیمەڕو ئاشکرا وەناو رویا دی که فریشتەێ خودا هاته لاێ وەپێ وەت: «ئێ کورنلیوس!»

کاریل ڕەسولەیل 2:17

«”خودا فەرمایش کەێد: له ڕوژیل ئاخر له روح خوەم ڕشنمه سەر گشت مەردم. کوڕيل و دویەتیلدان نەبوەت کەن، جوانیلدان رویایل دوینن و پیریلدان خەویل.

کاریل ڕەسولەیل 9:9

سێ ڕوژ چەوێ نوینیاد، چشتێگ نیەخواردیا و نیەنوشیا.

کاریل ڕەسولەیل 11:5

«من وەناو شار یافا خەریک دوعا بیم، له هوش خوەم چیم و رویایگ دیم چشتێگ جور سفرەێگ گەورا که له هەر چوار لاوه شوڕەو کریاوی، له ئاسمان هاته خوار و ڕەسیه پێم.

کاریل ڕەسولەیل 12:9

جا پتروسیش کەفته شونێ له زندان دا دەیشت. ئەوه باوەڕ نیەکردیا ئەو چشته که فریشته ئەنجام دەێ، ڕاسه، بەڵکەم گومان کردیا خەوێگ دوینی.

کاریل ڕەسولەیل 16:9

هەر ئەو شەوه، پولوس رویاێگ دی که پیاێگ مەقدونی وساسه نوای، لاڵکیاده پێ و وەتیا: «بەو ئەڕا مەقدونیه و مەیەتمان بیه.»

کاریل ڕەسولەیل 16:10

وەختێ ئی رویا دی، زویزی کەفتیمنه ڕێ وەرەو مەقدونیه، چوینکه دڵنیا بیمن که خودا دەنگمان کردێه تا وه ئەوانه مزگانی بێیم.

کاریل ڕەسولەیل 18:9

یەێ شەو خوداوەند له رویا وه پولوس وەت: «زاورد نەچود! قسیه بکه و بێدەنگ مەو!

دویم قورنتییل 11:32

وه شار دەمشق، فەرمانرەواێ دەسنیشان شا حارس، نگابانیلی هیشته سەر شار دەمشق تا بخەنەمه گیر.

نامه وە غەلاتییل 1:17

نەچیمه ئەڕا شار ئورشەلیم ئەڕا لاێ ئەوانه که وەرجه مه ڕەسول بین؛ بەڵکەم چیمه ئەڕا وڵات عەرەب و وەدوارەوه هەڵوگەردیام ئەڕا شار دەمشق.

کاریل ڕەسولەیل 9:12

شائول وەناو رویا پیاێگ دیه، که ناوێ حەنانیاس، تێدە ناو دەس نێده سەری تا بینایی خوەێ وه دەس بارێ.»