کاریل ڕەسولەیل 8:5 - کتاب مقدس به زبان کردی جنوبی - گویش کلهوری

⁵ فیلیپوسیش چیه ئەڕا یەکیگ له شاریل سامره و وه ئەوره ناو مەسیح وه مەردم جار دا.

کاریل ڕەسولەیل 8:5 Referans Kwoze

کاریل ڕەسولەیل 6:5

ئی قسیه گشتێان خوەشنودەو کرد. جا ئستیفان هەڵوژاردن، که پیاێگ پڕ له ئیمان و روح‌القودوس بی، وەگەرد فیلیپوس و پروخوروس و نیکانور و تیمون و پەرمیناس و نیکولائوس ئەنتاکی که بویه جویلەکە.

کاریل ڕەسولەیل 21:8

ئی ڕوژەگەێ، له ئەوره چیمن و هاتیمنه شار قیسەریه وه ماڵ فیلیپوس مزگانیدەر، یەکی له ئەو هەفت نەفەره که له ئورشەلیم دەسنیشان کریاوین، جا مەنیمنه لاێ.

کاریل ڕەسولەیل 8:40

وەلێ فیلیپوس له ئەشدود دین. ئەوه وەناو گشت شاریل ئەو مەنتەقه گەردیاد و مزگانی دیاد، تا ڕەسیه شار قیسەریه.

یەکم قورنتییل 3:11

ئەڕا ئیه که هویچکەس نیەتویەنی بێجگه ئەو بنەواێگ که دانریاس، بنەواێگتر دا بنێ و ئەو بنەوا هەر خود عیسا مەسیحه.

یەکم قورنتییل 1:23

وەلێ ئیمه مەسیح وه سەلیب کیشریای بانگەوازی کەیمن که ئەڕا جویلەکەیل کوچگیگه که بوده بایس کەفتنێان و ئەڕا ناجویلەکەیل گیلگەوجیه،

کاریل ڕەسولەیل 5:42

جا هەر چی ڕوژه وه مابەد و وه ماڵيل، له تالیم داین و مزگانی ئیه که عیسا هەر ئەو مەسیحەسه، دەس هەڵنەگردن.

یەکم قورنتییل 2:2

چوینکه پشت ئەڕاێ بەساویم وەناودان چشتێگ نەزانم بێجگه عیسا مەسیح ئەویش وه سەلیب کیشریاێ.

کاریل ڕەسولەیل 9:20

ئەوه زویزی وەناو کەنیسەيل جار دیاد که عیسا کوڕ خوداس.

کاریل ڕەسولەیل 8:1

شائول رزایەت دا تا ئستیفان بکوشن. وه ئەو ڕوژه، کلیساێ شار ئورشەلیم تویش عەزاو سەختێگ هات و گشت بێجگه ڕەسولەگان، وه دەوروەر یەهودیه و سامره تەفرتوینا بین.

کاریل ڕەسولەیل 1:8

وەلێ وەختێ روح‌القودوس باێده ملدانەو، قەوەت گرين و بوینه شاێەتیل من، وەناو شار ئورشەلیم و گشت یەهودیه و سامره و تا ئەو پەر دنیا.»

کاریل ڕەسولەیل 8:6

جەماێەت وەختێ قسیەيل فیلیپوس شنەفتیان وه قوڕن دڵ وه هەر چی که وەتیا گوش تەکانیان و موجزەیلێ دوینیان که وه دەسێ ئەنجام گردیا.

کاریل ڕەسولەیل 8:26

ئمجا فریشتەێ خوداوەند وه فیلیپوس وەت: «هەڵس و وەرەو باشور بچو، وه ئەو جاده که له ئورشەلیم وەرەو شار غەزه چود، هەر ئەو جادەێ بیاوانیه.»

کاریل ڕەسولەیل 8:30

فیلیپوس دەوی وەرەو لاێ و شنەفت که کتاو ئەشعەیاێ پەێخەمەر خوەنێد، له لێ پرسی: «ئێ ئەو چشته که خوەنێد، حالید بود؟»