کاریل ڕەسولەیل 8:12 - کتاب مقدس به زبان کردی جنوبی - گویش کلهوری

¹² وەلێ وەختێ وه مزگانی فیلیپوس له باوەت پادشایی خودا و ناو عیسا مەسیح ئیمان هاوردن، گشتێان، ژن و پیا، خوسڵ تەعمید گردن.

کاریل ڕەسولەیل 8:12 Referans Kwoze

کاریل ڕەسولەیل 2:38

پتروس وەته پێان: «توبه بکین و هەر کامدان وه ناو عیسا مەسیح ئەڕا بەخشین گونایلدان خوسڵ تەعمید بگرن که خەڵاتی خودا یانێ روح‌القودوس وه دەس تیەرین.

کاریل ڕەسولەیل 1:3

ئەیو وەشون رەنج کیشاینێ، خوەێ ئەڕاێان ئاشکرا کرد و وەگەرد مدویل فرەێگ نیشان دا که زنیەو بیه. جا وه ماوەێ چل ڕوژ وەپێان ئاشکرا بی و له باوەت پادشایی خودا وەگەردێانەو قسیه کردیا.

ئنجیل مەتا 28:19

جا بچن، گشت ملەتیل بکەنه شاگرد، وه ناو باوگ و کوڕ و روح‌القودوس خوسڵ تەعمیدیان بێەن،

یەکم پتروس 3:21

جا ئەو ئاوه نمونەێ خوسڵ تەعمیدێگه که ئێرنگه ئیوه نجات دەێ، تەعمیدێگ که پاکەو کردن چەپەڵی له جەسه نیه، بەڵکەم داواکاریگ له خوداس ئەڕا وژدانێگ پاک. ئی تەعمیده که له ڕێ زنیەو بوین عیسا مەسیح ئیوه نجات دەێ،

کاریل ڕەسولەیل 2:41

جا کەسیلێ که قسیەیلی قەبوڵ کردن، تەعمید گردن. له ئەو ڕوژه نزیک سێ هەزار نەفەر وه ئەوانه فێشترەو بی.

نامه وە غەلاتییل 3:28

دیتر نه جویلەکە مانا دێرێ نه یونانی، نه خوڵام نه ڕزگار، نه پیا نه ژن، چوینکه ئیوه گشتدان وەناو مەسیح عیسا یەکیگین.

رومیەگان 10:10

چوینکه وەگەرد دڵه که ئایەم ئیمان تیەرێ و سالحان وه حساو تێد و وەگەرد زوانه که ئێقرار کەێد و نجات پەێا کێ.

یەکم قورنتییل 11:11

وەئی حاڵە، وەناو خوداوەند، ژن وه پیا و پیا وه ژن هەوەجی دێرێ.

کاریل ڕەسولەیل 28:31

ئەوه پادشایی خودا جار دیاد و له باوەت خوداوەند عیسا مەسیح وه تەمام ئازای و بی ئەوه که چشتێ نوای بگرێ تالیم دیاد.

کاریل ڕەسولەیل 20:25

«ئێرنگه زانم هویچکام له ئیوه که وه ناودان گەردیمه و بانگەوازی پادشاێ خودا ئەڕادان کردمه، دی چەودانه ناو چەوم نیەکەفێ.

کاریل ڕەسولەیل 20:21

هەم وه جویلەکەیل و هەم یونانیەگان شاێەتی دامه که باێه توبه بکەن و ڕوی بارنه خودا و ئیمان بارنه خوداوەند ئیمه عیسا مەسیح.

کاریل ڕەسولەیل 18:8

کریسپوس، سەروک کەنیسه، خوەێ و گشت بنەماڵەگەێ وه خوداوەند ئیمان هاوردن. هەر ئیجوره قێر فرەێگ له مەردم شار قورنتوس وەختێ پێخامەگه شنەفتن، ئیمان هاوردن و خوسڵ تەعمید گردن.

کاریل ڕەسولەیل 11:20

وەلێ چەن نەفەرێگ له لێان له مەردم قپرس و قیرەوان بین که وەختێ ڕەسینه ئەنتاکیه، وەگەرد یونانیەگانیش قسیه کردن و مزگانی عیسا خوداوەند دانه پێان.

کاریل ڕەسولەیل 5:14

فێشتر له هەر وەختێگ، قێر فرەێگ له ژنیل و پیاێل ئیمان هاوردنه خوداوەند،

لوقا 9:60

عیسا وەپێ وەت: «بیل تا مردگیل، مردگیل خوێان خاک بکەن؛ تو بچو پادشایی خودا بانگەوازی بکه.»

لوقا 9:2

جا کلیان کرد تا پادشایی خودا بانگەوازی بکەن و نەخوەشیل شەفا بێەن.

کاریل ڕەسولەیل 8:4

ئێرنگه ئەوانەێ که تەفرتویناوه بوین، وه هەر کوره که چیان، کەڵام خودا بانگەوازی کردیان.

کاریل ڕەسولەیل 19:5

وەختێ ئیه شنەفتن، وه ناو خوداوەند عیسا تەعمید گردن.