کاریل ڕەسولەیل 5:4 - کتاب مقدس به زبان کردی جنوبی - گویش کلهوری

⁴ مەر وەرجه ئیه که بفروشیدێ هن خوەد نوی؟ ئێ وەشون ئیه که فروتیدەێ پویلەگەێ هن خوەد نوی؟ چه بی که وه دڵ خوەدەو تواسێ ئیجور کاره بکێ؟ تو نه وه ئنسان، بەڵکەم وه خودا درو وەتی!»

کاریل ڕەسولەیل 5:4 Referans Kwoze

کاریل ڕەسولەیل 5:3

وەلێ پتروس وەت: «ئێ حەنانیا، ئەڕا هیشتی شەیتان ئیجوره دڵد پڕەو بکێ که وه روح‌القودوس درو بویشی و له پویل زەویەگەد بەشێگ ئەڕا خوەد هەڵبگرێ؟

یەکم تسالونیکییل 4:8

جا، هەر کەسێگ که ئی تالیمه ڕەد بکێ، نه ئنسان، بەڵکەم خوداێگ ڕەد کردێه که روح قودوس خوەێ دەێده ئیوه.

کاریل ڕەسولەیل 5:9

وەلێ پتروس وەته پێ: «ئەڕا هەردگدان دەسەویەکی کردینه تا روح خوداوەند ئەزمون بکێن؟ ئەوەسه پایل ئەوانه که شویەگەد دەفن کردن ها دەم دەر و تنیش بەنه دەیشت.»

لوقا 10:16

«هەر کەس گوش بێیده ئیوه، وه من گوش داس؛ هەر کەیش ئیوه قەبوڵ نەکێ، مه قەبوڵ نەکردیه؛ وەلێ هەر کەس مه قەبوڵ نەکێ، ئەوه که مه کل کردێه قەبوڵ نەکردیه.»

یاقوب 1:15

جا هەواوهەوەس که ئێمڵه بود، گونا تیەرێده دنیا و گونایش وەختێ حساوی گەورا بود، مەرگ وه بار تیەرێ.

نامه وه فیلیمون 1:14

وەلێ نەتواسم کارێگ کردویم بی ئیه که توی قەبوڵ بکێد، تا خاسێ کردنێد وه گێ دڵیگ بود، نه که وادارد بکەم.

یەکم قورنتییل 8:8

«خواردەمەنی، ئیمه وه خودا نزیکەو نیەکێ»؛ نه وەگەرد نەخواردن بەترەو بویمن و نه وەگەرد خواردن خاستر.