کاریل ڕەسولەیل 4:12 - کتاب مقدس به زبان کردی جنوبی - گویش کلهوری

¹² وەناو هویچکەس بێجگه ئەیو نجات نیه، ئەڕا ئیه که له ژێر ئاسمان ناوێگ تر وه مەردم نێریاس تا وەگەردێ نجات پەێا بکێم.»

کاریل ڕەسولەیل 4:12 Referans Kwoze

یوحەنا 14:6

عیسا وەپێ وەت: «من ڕێ و ڕاسی و ژیانم؛ هویچکەس بێجگه له ڕێ منەو نیەتێدە لاێ باوگ ئاسمانی.

یەکم قورنتییل 3:11

ئەڕا ئیه که هویچکەس نیەتویەنی بێجگه ئەو بنەواێگ که دانریاس، بنەواێگتر دا بنێ و ئەو بنەوا هەر خود عیسا مەسیحه.

یوحەنا 3:36

هەر کەس وه کوڕ ئیمان بارێ، زنەیی ئەبەدی دێرێ؛ هەر کەس له کوڕ گوش نەتەکنێ، چەوێ نیەکەفێدە زنەیی، بەڵکەم توڕەیی خودا له سەرێەو مێنێد.»

لوقا 24:47

وه ناو ئەیو توبه و بەخشین گونایل باێه وه گشت ملەتیل بانگەوازی بکرێی، له ئورشەلیم شرو کریەد.

ئنجیل مەتا 1:21

مریەم کوڕێ تیەرێ و توی ناوێ نێده عیسا، چوینکه ئەیو قەوم خوەێ له گونایلێان نجات دەێ.»

عبرانییل 2:3

جا ئەگەر ئیجور نجات فره گەوراێگ نوینیم، ئێ چوی تویەنیم له سزاگەێ دەر بچیم؟ یەکم جار له ڕێ خوداوەند عیسا ئی نجاته جار دریاد و وەشونێ له ڕێ کەسیلێ که شنەفتن، ئەڕامان مور کریا،

وەحی وه یوحەنا 20:15

جا هەر کەسێگ که ناوێ له دەفتەر ژیان نەنویسریاوی، فڕه دریاده ناو دەریاچەێ ئاگر.

عبرانییل 12:25

هوشدان بود که له گوش داین ئەوه که قسیه کەید، ڕوی هەڵونەگەردنین. چوینکه ئەگەر ئەوانه که وه ئەو کەسه که وەبان زەوی هەڕەشه داویه پێان، گوش نەتەکانن، ڕێ دەرچینێگ له موجازات پەێا نەکردن، جا ئەگەر ئیمه ئەو کەسه که له ئاسمانەو هەڕەشه دەێەپێمان ڕەد بکێم، چوی تویەنیمن له موجازاتەگەێ دەر بچیم.

نامه وه کولوسییل 1:23

هەڵبەت ئەگەر وەڕاسی وەناو ئیمان قورس بوین و بەردەوام بمینێن و له ئمید ئینجیل جم نەخوەین، هەر ئەو ئینجیلێگ که شنەفتین و وه گشت درسکریایل ژێر ئاسمان جار دریاس و مه، پولوس، بیمەسه خزمەتکاری.

کاریل ڕەسولەیل 2:5

له ئەو ڕوژیله، جویلەکەیل خوداترس له گشت ملەتیل ژێر ئاسمان، له ئورشەلیم دیانەێ سەر.

کاریل ڕەسولەیل 13:26

«ئێ برایل، ئێ مناڵیل ئێبراهیم و ئێ ناجویلەکەیلێگ که ڕخدان له خودا چود و هاینه ئێرا، ئی پێخام نجاته ئەڕاێ ئیمه کل کریاس.