کاریل ڕەسولەیل 3:25 - کتاب مقدس به زبان کردی جنوبی - گویش کلهوری

²⁵ ئیوەیش کوڕیل پەێخەمەریل و میراتی خوەر ئەو پەێمانینه که خودا وەگەرد باوگیلدان بەساس، ئەیو وه ئێبراهیم پەێخەمەر فەرمایش کرد: ”له ڕێ نەتەوەێ تنەو گشت هوزەگان بان زەوی بەەرکەتدارەو بون.“

کاریل ڕەسولەیل 3:25 Referans Kwoze

کاریل ڕەسولەیل 2:39

چوینکه ئی واده ئەڕا ئیوه و مناڵیلدان و گشت ئەوانەسه که له خودا دویرن، یانێ هەر کەس که خوداوەند خوداێ ئیمه چڕێدێ.»

نامه وە غەلاتییل 3:8

کتاو موقەدەس وەرجه ئەوه دی که خودا ناجویلەکەیل وه ڕوی ئیمان سالحان وه حساو تیەرێد، وه ئی بونه وەرجەوە مزگانی دا ئێبراهیم که: «گشت ملەتیل وه وەسلەێ تنەو بەەرکەتدارەو بون.»

وەحی وه یوحەنا 7:9

له شون ئەوه نوڕستم و ئێرنگه، جەماێەت فره گەوراێگ له هەر ملەتێگ، له گشت هوزیل و قەومیل و زوانیل دیم که هویچکەسێگ نیەتویەنستیاد بژمارێدیان و ئەوانه وه نوای تەختەگه و له نوای وەرکەگه وساوین. گشتێان بەتیەێ چەرمگ له وەرێان بی و پەلیل دار خورما وه دەسێانەو.

نامه وە غەلاتییل 3:16

ئیسه، وادەگان وه ئێبراهیم و نەتەوەێ دریاد. نیویشی «وه نەتەوەیل،» ئەوجورە که له باوەت قێر فرەێگەو بود، بەڵکەم ئویشێ «وه نەتەوەێ توی،» که مەبەست یە نەفەره یانێ مەسیح.

رومیەگان 4:13

چوینکه ئەو واده که وه ئێبراهیم و نەتەوەێ دریاوی که بونه میراتیخوەر جهان، له ڕێ شەریعەت نوی، بەڵکەم له ڕێ ئەو سالح بوینه بوی که وه مل ئیمان بنیاد نریاس.

نامه وە غەلاتییل 3:29

ئەگەر ئیوه هن مەسیحین، جا نەتەوەێ ئێبراهیمین و له ڕوی واده، میراتیخوەریش هەین.

وەحی وه یوحەنا 14:6

ئمجا یەێ فریشتەتر دیم که له ناوڕاس ئاسمانەو باڵەو گردیا و ئینجیل ئەبەدی وەگەرد خوێەو داشت تا وه نیشتەجێیل زەوی جار بێی، وه هەر ملەت و هوز و زوان و قەومێگ که بون.

وەحی وه یوحەنا 5:9

جا ئیجور بەیت تازەێگ خوەنن که وەتیاد: «توی شایسەێ گردن تومارید و شایسەێ واز کردن موریلێ، ئەڕا ئیه که سەر بڕیاێد و وەگەرد خوین خوەد ڕزگاری مەردم له هەر هوز و زوان و قەوم و ملەتێگ، ئەڕا خودا سەندی؛

رومیەگان 15:8

چوینکه وەپێدان ئویشم که مەسیح ئەڕا ئیه که ڕاسی خودا نیشان بێی، بیه خزمەتکار خەتەنه کریایل یانێ هەر ئەو جویلەکەیله تا وادەیلێ که وه باپیریلمان دریاوی، مور بکێ و

کاریل ڕەسولەیل 13:26

«ئێ برایل، ئێ مناڵیل ئێبراهیم و ئێ ناجویلەکەیلێگ که ڕخدان له خودا چود و هاینه ئێرا، ئی پێخام نجاته ئەڕاێ ئیمه کل کریاس.

لوقا 1:72

تا ئەو بەزەیێه که وه باپیریلمان واده داوی وه جێ بارێ و پەێمان موقەدەس خوەێ بارێده هویر؛