کاریل ڕەسولەیل 3:12 - کتاب مقدس به زبان کردی جنوبی - گویش کلهوری

¹² وەختێ پتروس ئیه دی، ڕوی کرده مەردم و وەت: «ئێ پیاێل ئێسرائیل، ئەڕا له ئی هەڵکەفته ئەڵاجویدان تێد؟ ئەڕا ئیجوره چەو بڕینەسه ئیمه، چماێ وه هێز و پارێزکاری خوەمان کارێ کردیمنه تا ئی پیا بکەفیده ڕێ؟

کاریل ڕەسولەیل 3:12 Referans Kwoze

دویم قورنتییل 3:5

نه ئیەک خوەمان لیاقەت بیاشتویمن تا چشتێگ بنیمنه حساو خوەمان، بەڵکەم لیاقەتمان له خوداس.

رومیەگان 9:4

ئەوانه ئێسرائیلین و وه ڕوڵه قەبوڵ بین هن ئەوانەسه، جەڵاڵ و پەێمانیل هن ئەوانەسه، شەریعەت دریاسه ئەوانه، پەرەسش و وادەیل هن ئەوانەسه؛

کاریل ڕەسولەیل 2:22

«ئێ پیاێل ئێسرائیل، ئی قسیەیلمه بشنەفن: هەر ئەوجورە که خوەدان زانین، عیساێ ناسری پیاێگ بی که خودا وەگەرد موجزەیل و کاریل ئەڵاجوی و نیشانەیلێ که خودا وه دەس ئەیو وه ناودان وەجێ هاورد، وه ڕاس بوینی شاێەتی داس.

رومیەگان 11:1

جا پرسم: ئێ خودا قەومەگەێ خوەێ ڕەد کردێه؟ هەراێهەر؛ چوینکه من خوەم ئێسرائیلیم، له نەتەوەێ ئێبراهیم پەێخەمەر و له هوز بنیامین.

کاریل ڕەسولەیل 13:26

«ئێ برایل، ئێ مناڵیل ئێبراهیم و ئێ ناجویلەکەیلێگ که ڕخدان له خودا چود و هاینه ئێرا، ئی پێخام نجاته ئەڕاێ ئیمه کل کریاس.

یوحەنا 7:18

ئەوه که له خوێەو بویشی، ها شون جەڵاڵ خوەێ، وەلێ ئەو کەسه که ها شون جەڵاڵ ئەیو که کلی کردێه، ڕاس‎درسه و درودەلسه وەناوێ نیه.

کاریل ڕەسولەیل 3:11

وه حاڵێگەو که پیاگه لچکیاویه پتروس و یوحەنا، گشت مەردم وه حیرەتیگەو وەناو ’وەرتاێرمەێ سڵێمان‘ دەوین وەرەو لاێان.

کاریل ڕەسولەیل 3:13

خوداێ ئێبراهیم و خوداێ ئەسحاق و خوداێ یاقوب، خوداێ باپیریلمان، خزمەتکار خوەێ، عیسا جەڵاڵ دا، هەر ئەوه که ئیوه داینەێ دەس و لەلاێ پیلاتوس حاشاێ کردین، هەر چەن ئەوه تواسیا ڕزگاری بکێ.

وەحی وه یوحەنا 7:13

ئەو وەخته یەکیگ له ئەو پیریله له لێم پرسی: «ئیانه که بەتیەێ چەرمگ ها وەرێان کین و له کوره هاتنه؟»