کاریل ڕەسولەیل 26:22 - کتاب مقدس به زبان کردی جنوبی - گویش کلهوری

²² وەلێ تا وه ئیمڕو، خودا مەیەتم داس و ئێرنگه وسامەسه ئێرا و وه گشتیەکی له ورد و زرو شاێەتی دەم. بێجگه ئەو چشته که پەێخەمەریل و موسای پەێخەمەر وەتنه که باێه هەڵبکەفێ چشتێ نەوەتم:

کاریل ڕەسولەیل 26:22 Referans Kwoze

کاریل ڕەسولەیل 24:14

وەلێ له لاێ ئیوه ئێقرار کەم که وه پێ ڕێ رەوشتی که ئیانه ئویشنه پێ ’فرقەێ تازه‘، خوداێ باپیریلمان پەرەسش کەم. وه هەر چی که وەناو تەورات و کتاویل پەێخەمەریل نویسریاس، باوەڕ دێرم.

یوحەنا 5:46

چوینکه ئەگەر وه موسا باوەڕ بکردیاين وه منیش باوەڕ کردیاين، چوینکه ئەوه له باوەت مه نویساس.

کاریل ڕەسولەیل 10:43

پەێخەمەریل گشتێان شاێەتی ئەڕاێ دەن که هەر کەس ئیمان وەپێ بارێ، وه ناو ئەیو گونایلێ بەخشریەد.»

لوقا 24:44

ئمجا وەپێان وەت: «ئیه هەر ئەوەسه که وەختێ وەگەرددانەو بیم، وەتیام؛ که گشت ئەو چشتیله وەناو تەورات موسا و کتاو پەێخەمەریل و زەبور داود له باوەت مه نویسریاس، باێه وه ئەنجام برەسێ.»

لوقا 24:27

ئمجا له تەورات موسا و گشت پەێخەمەریل شرو کرد و هەر چی که وەناو گشت کتاو موقەدەس له باوەتێ قسیه کریاس، ئەڕاێان وەت.

وەحی وه یوحەنا 15:3

ئەوانه بەیت خزمەتکار خودا، موسا، خوەنیان و بەیت وەرکەگه که: «فره گەورا و سەرسڕهاوەرە کاریل توی، ئێ خوداوەند خوداێ هەر وه تویەنا. داد و حەقه ڕێیل توی، ئێ پادشاێ ملەتیل.

رومیەگان 3:21

وەلێ ئێرنگه جیا له شەریعەت، ئەو سالح بوینه که له خوداس ئاشکراوه بیه، هەر ئەوجورە که شەریعەت و نویسریای پەێخەمەریل وه ئیه شاێەتی دەن.

کاریل ڕەسولەیل 28:23

جا ڕوژێگ دیاری کردن و قێر فرەێگ هاتنه ماڵەگەێ تا بویننێ. ئەویش له شەوەکیەو تا ئێواره، ئەڕاێان له باوەت پادشاێ خودا شێو کردیاد و وەگەردێان قسیه کرد و تەقالا کردیا له تەورات موسای پەێخەمەر و کتاو پەێخەمەریل، له باوەت عیسا قانێیان بکێ.

کاریل ڕەسولەیل 26:17

له دەس قەومەگەد و له دەس ناجویلەکەیلێگ که تو کل کەمه ئەڕا لاێان ڕزگارد کەم

کاریل ڕەسولەیل 26:6

ئێرنگەیش وەبونەێ ئمید وه ئەو چشته که خودا وه باپیریلمان وادەێ داس، دادگایی بوم.

یوحەنا 5:39

ئیوه کتاویل موقەدەس دینه یەکەو، چوینکه خیاڵ کین له ڕێ ئەوانه وه زنەیی ئەبەدی دەس پەێا کین، هەر ئیانەنه که وه مه شاێەتی دەن،

یوحەنا 1:45

فیلیپوس نەتەنائیل پەێا کرد و وەپێ وەت: «ئەوه که موسا وەناو تەورات و هەر ئیجوره پەێخەمەریلیش له باوەتێ نویسانه، دیمنەسەو! ئەیو عیسای ناسری، کوڕ یوسفه.»

یوحەنا 1:17

چوینکه شەریعەت له ڕێ موسای پەێخەمەر دریاد؛ فیز و ڕاسی له ڕێ عیسا مەسیحەو هات.

لوقا 24:46

وەپێان وەت: «نویسریاس که مەسیح باێه رەنج بکیشێ و ڕوژ سێیەم وەناو مردگیل زنیەو بود،

وەحی وه یوحەنا 20:12

جا مردگیل دیم، چ زرو و چ وردو، که له وەر دەم تەختەگه وساوین و دەفتەریل واز بی. ئمجا دەفتەرێگ تر واز بی که دەفتەر ژیانه. مردگیل وه پێ کردەوەیلێان، وه ڕوی ئەو چشته که وەناو ئەو دەفتەریله نویسریاوی، داوەری بین.

وەحی وه یوحەنا 11:18

ملەتیل توڕه بین، وەلێ وەخت توڕه بوین تو ڕەسیه، وەخت ئەوه ڕەسیه که مردگیل داوەری بون و دەسخوەشانه بێرێیده خزمەتکاریل توی یانێ وه پەێخەمەریل و ئیمانداریل وه مەسیح و ئەوانه که له ناو تو رخێان چود و حرمەت ناو توی پارێزنن، له ورد و له زرو، وەخت ئەوه ڕەسیه کەسیلێگ که زەوی له بین بەن، له بین بچن.»

دویم تیموتاوس 3:11

عەزاویلێگ که کیشامه و رەنجیلێ که دیمه، دیده‎ و له ئەو چشته که له شاریل ئەنتاکیه، قونیه و لستره وه سەرمەو هات و عەزاویلێگ که و مه رەسێ، خاس ئاگاداری. وەلێ خوداوەند مه له ناو گشت ئەوانه دەراورد.

ئنجیل مەتا 26:24

کوڕ ئنسان هەر ئەوجورە که وەناو کتاو موقەدەس لەباوەتێەو نویسریاس، چود، وەلێ وای وه حاڵ ئەو کەسه که کوڕ ئنسان دەێده دەس دشمەنەو. ئەڕاێ خاستر ئیه بی هەراێهەر ناتیاده دنیا.»

لوقا 16:28

چوینکه مه پەنج برا دێرم. کلی بکه تا هەڕەشه بیده براگانم، نەخواێ ئەوانیش بکەفنه ئی شون عەزاوه.

کاریل ڕەسولەیل 13:29

وەختێ گشت ئەو چشتیلی که له باوەت ئەیو نویسریاوی، وه ئەنجام رەسانن، ئەیو له سەلیب هاوردن خوار و نانی قەور.

یەکم قورنتییل 15:3

چوینکه ئەو چشته که گرنگترینه، جار دامەسه پێدان: ئیه که مەسیح وه پێ نویسریایل موقەدەس ئەڕا گونایل ئیمه مرد و

یەکم قورنتییل 15:4

ئیه که دەفن کریا و ئیه که وه پێ هەر ئی نویسریایله له ڕوژ سێیەم له مردگیل زنیەو بی و