کاریل ڕەسولەیل 26:18 - کتاب مقدس به زبان کردی جنوبی - گویش کلهوری

¹⁸ تا چەویلیان واز بکێ که له تیەریکی ئەڕا نویر و له هێز شەیتان ئەڕا لاێ خودا هەڵوگەردیەن، تا گونایلێان بوەخشرێید و وەناو ئەوانه که وەگەرد ئیمان وه من موقەدەسەو بینه، بەشێگ بیاشتون.“

کاریل ڕەسولەیل 26:18 Referans Kwoze

یەکم پتروس 2:9

وەلێ ئیوه نەتەوەێگ هەڵوژاریای و کاهنيلێگین که وێنەێ پادشا کاهنی کەن؛ ملەتێگ موقەدەسێگین و قەومێگین که مێلکان خود خوداین؛ تا سفەتیل بەرز ئەیو جار بێین که ئیوه له تیەریکی وەرەو نویر سەرسڕهاوەر خوەێ دەنگ کرد.

ئەفسوسیێل 1:18

تا چەویل دڵدان ڕوشنەو بود، تا بزانین ئمیدێگ که خودا، ئیوه ئەڕاێ دەنگ کردێه، چەس و بزانین دەوڵەمەنی میرات پڕ جەڵاڵ ئەیو وەناو ئیمانداریل وه مەسیح چەس،

ئەفسوسیێل 5:8

چوینکه یەێ وەختێ ئیوه تیەریکی بین، وەلێ ئیسه وەناو خوداوەند نویرین. جور ڕوڵەیل نویر زنەیی بکێن.

کاریل ڕەسولەیل 20:32

«ئێرنگه ئیوه سپارمه خودا و کەڵام فیز ئەیو، که تویەناس ئیوه وەناو ئیماندان بنێده سەر پاوه و بەەرکەتیلێ که میراتی ئیمانداریل وه مەسیحه، بوەخشێده پێدان.

دویم قورنتییل 4:6

چوینکه هەر ئەو خوداێ که فەرمایش کرد: «نویر له ناو تیەریکیەو بدرەوشێد،» نویر خوەێ وەناو دڵمان دروشان تا ڕوشنایی ئاگاداری جەڵاڵ خودا وەناو دەمچەو عیسا مەسیح، وه ئیمه بدرەوشێد.

یوحەنا 8:12

عیسا وه دواره وەگەرد مەردم قسیه کرد و فەرمایش کرد: «منم نویر جهان. هەر کەسێگ بکەفێه شونم وەناو تیەریکی ڕێ نیەکێ، بەڵکەم نویر زنەیی دێرێد.»

لوقا 1:79

تا وه کەسیلێگ که هانه ناو تیەریکی و ژێر ساێەڕ مەرگ، نویر خوەێ بدرەوشێدەو، وه گامیلمان وه ڕێ ئاشتی و سڵامەتی ڕێنمایی بکێ.»

ئەفسوسیێل 4:18

فامێان تیەریکەو بیه و وەبونەێ نەزانی که ها ناوێان که دڵڕەقی بیەسه بایسێ، له زنەیی خودا دویرەو کەفتنه.

دویم قورنتییل 6:14

وەگەرد بی ئیمانیل وه ژێر هویەێ نابەرابەر نەچن، چوینکه چ هاوبەشیێگ ها له بین سالح بوین و شەرئاشویی؟ یا چ دوسیێگ ها له بین نویر و تیەریکی؟

دویم قورنتییل 4:4

خوداێ ئی جهانه، زەین بی ئیمانیل کور کردێه تا نویر ئینجیل جەڵاڵ مەسیح که وێنەێ خوداێ نادیاریه، نوینن.

یەکم یوحەنا 3:8

هەر کەسێگ وەناو گونا زنەیی بکێ له ئبلیسه، چوینکه ئبلیس هەر له سەرەتا گونا کردیاد و گونا کەی. کوڕ خودا وه ئی بونه ئاشکرا بی تا کاریل ئبلیس نابود بکێ.

کاریل ڕەسولەیل 2:38

پتروس وەته پێان: «توبه بکین و هەر کامدان وه ناو عیسا مەسیح ئەڕا بەخشین گونایلدان خوسڵ تەعمید بگرن که خەڵاتی خودا یانێ روح‌القودوس وه دەس تیەرین.

یەکم یوحەنا 5:19

ئیمه زانیمن که له خودایمن و گشت جهان پاڵەو داسه ژێر هێز ئەو شەڕئاشوه.

یەکم یوحەنا 1:9

وەلێ ئەگەر وه گونایلمان ئێقرار بکێم، ئەیو ئەمین و دادپەروەره تا گونایلمان بوەخشێد و ئیمه له هەر نادرسیێگ، پاکەو بکێ.

کاریل ڕەسولەیل 20:21

هەم وه جویلەکەیل و هەم یونانیەگان شاێەتی دامه که باێه توبه بکەن و ڕوی بارنه خودا و ئیمان بارنه خوداوەند ئیمه عیسا مەسیح.

لوقا 24:47

وه ناو ئەیو توبه و بەخشین گونایل باێه وه گشت ملەتیل بانگەوازی بکرێی، له ئورشەلیم شرو کریەد.

وەحی وه یوحەنا 21:27

وەلێ هویچ چشت ناپاک و هویچکەسێگ که کاریل قیزهاوەر یا گولدەر وەجێ بارێ، هەراێهەر نیەچوده ناوێ، بەڵکەم تەنیا کەسیلێگ که ناوێان له دەفتەر ژیان وەرکەگه نویسریاس، چنه ناوێ.

یەکم پتروس 2:25

چوینکه هەر جور پەسیل ڕێ گوم کریاێگ بین، وەلێ ئیسه وەرەو شوان و هێوەتکەر گیانیلدان هەڵوگەردیاینه.

عبرانییل 11:6

بی ئیمان مەحاڵ کەسێگ بتویەنێ خودا خوەشنودەو بکێ، چوینکه هەر کەسێگ وه خودا نزیکەو بود، باێه ئیمان بیاشتود که ئەیو هەس و ئیه که دەسخوەشانه دەێده کەسیلێگ که وەشونیەو گەردن.

کاریل ڕەسولەیل 13:47

چوینکه خوداوەند وەناو کتاو ئەشعەیاێ پەێخەمەر وه ئیمه ئیجوره دەستور داس که: «مه تو کردمه نویریگ ئەڕا ناجویلەکەیل، تا نجات برەسنیه ئەو پەر زەوی.“

کاریل ڕەسولەیل 15:9

ئەیو وەناو ئیمه و ئەوانه هویچ جیاوازێگ نەنا، بەڵکەم وه ئیمان، دڵیلێان پاکەو کرد.

کاریل ڕەسولەیل 5:31

خودا ئەیو کرده گەورا و نجات دەر و بەرزێەو کرده دەس ڕاس خوەێ، تا قەوم ئێسرائیل ئی دەرفەته بیاشتون که توبه بکەن و گونایلێان بوەخشرێد.

یوحەنا 9:5

تا وەختێ هامه ئی جهانه، نویر جهانم.»

یوحەنا 3:19

جا مدوێ ماکومیەتەگەێ ئیەسه که نویر هاتیەسه ناو جهان، وەلێ مەردم وه جێ نویر تیەریکی دوس داشتن، چوینکه کردەوەێان خراو بی.

یەکم یوحەنا 2:12

ئێ ڕوڵەیل ورد، ئەڕا ئیوه نویسم، چوینکه وەبونەێ ناو ئەیو گونایلدان بەخشریاس.

یەکم پتروس 1:4

ئەڕا میراتیێگ که له بین نیەچود و بی لەکەس و نیەسیسێید که ئەڕا ئیوه وەناو ئاسمان نریاسه لا؛

یوحەنا 17:17

وەناو ڕاسی تەقدیسان بکه؛ کەڵام تو ڕاسیه.

لوقا 1:77

تا قەوم خودا ئاگادار بکێ که وەگەرد بەخشین گونایلێان، نجات پەێا کەن.

یەهودا 1:1

له یەهودا، خوڵام عیسا مەسیح و براێ یاقوب، وه دەنگ کریایلێگ که وەناو خوداێ باوگ عەزیزن و ئەڕا عیسا مەسیح پارێزیانه:

یاقوب 2:5

برایل عەزیزم، گوش بگرن! مەر خودا دەستەنگیل ئی جهانه هەڵنەوژاردیه تا وەناو ئیمان دەوڵەمەن بون و پادشایێگ وه میراتی بوەن که ئەیو وه ئەوانه که دوسی دێرن، واده داس؟

عبرانییل 10:14

چوینکه وەگەرد یەێ قوروانی، تەقدیس بیەگان ئەڕا هەمویشه کامڵەو کردێه.

نامه وە غەلاتییل 3:14

ئەیو ئیجوره کرد تا بەەرکەت ئێبراهیم وەناو مەسیح عیسا نسیو ناجویلەکەیل بود، تا روح خودا که وه ئیمه وادەێ دریاوی، له ڕێ ئیمان بێرێیده پێمان.

لوقا 24:45

ئمجا، زەینێان ڕوشنەو کرد تا بتویەنن کتاو موقەدەس دەرک بکەن.

دویم تیموتاوس 2:26

و بانه خوێانا، له دام ئبلیس که ئیانه ئەڕا وەجێ هاوردن خاست خوەێ گیروده کردێه، دەر بچن.

ئەفسوسیێل 2:8

چوینکه وه وەسلەێ فیز و له ڕێ ئیمان نجات پەێا کردینه، ئیه کار خوەدان نیه؛ ئیه خەڵاتی خوداس،

ئەفسوسیێل 1:11

ئیمه وەناو مەسیح میراتیێگ وه دەس هاوردیمنه، چوینکه وه پێ ئامانجەگەێ که گشت چشتێگ وه پێ نەخشەێ خاست خوەێ وه جێ تیەرێ، له جارانەو دیاری کریاویمن،

یەکم قورنتییل 1:30

جا وەبونەێ ئەیوه که ئیوه وەناو عیسا مەسیح‎ بینەسه یەکی، که له لاێ خوداوه ئەڕاێ ئیمه بیەسه زانیاری، یانێ سالح بوین، قودوسیەت و ڕزگاریمان.

لوقا 4:18

«روح خوداوەند ها ملمەو، چوینکه من مەسح و دەسنیشان کردێه تا وه دەستەنگیل مزگانی بێەم. کلم کردێه تا ڕزگاری گیرودەیل و بینایی کوریل جار بێەم و ستەم کیشەیلیش ڕزگاریان بکەم و

لوقا 2:32

نویریگ ئەڕا ئاشکرا کردن ڕاسی وه باقی قەومیل و جەڵاڵی ئەڕا قەوم تو ئێسرائیل.»

ئنجیل مەتا 4:16

ئەو قەومه که وەناو تیەریکی نیشتەجێ بین، نویر گەوراێگ دینه و ئەوانه که نیشتەجێیل میلکان ساێەڕ مەرگ بین، نویر هاتیە‎سه ملێانەو.»

عبرانییل 10:10

وەگەرد هەر ئی خاسته، ئیمه له ڕێ قوروانی جەسەێ عیسا مەسیح یەێ جار ئەڕا هەمویشه تەقدیسەو بیمنه.

عبرانییل 9:15

وه ئی بونه، مەسیح ناوجێکەر پەێمانێگ تازەس، تا ئەوانه که دەنگ کریانه بتویەنن میراتی ئەبەدی که وادەێ دریاس، بگرنەوەر. چوینکه مردنێگ ڕوی داس که ئەوانه له خەتایلێگ که وەناو پەێمان یەکم هەڵکەفت، ڕزگاری بەخشێد.

ئەفسوسیێل 5:14

چوینکه هەر چشتێگ که بوینرید، نویره. له ئی باوەته وەتریاس: «ئێ ئەو کەسه که خەفتیدە، له خەو هەڵس، له مردگیل زنیەو به، که مەسیح نویر خوەێ وه سەرد درەوشنێد.»

ئەفسوسیێل 1:14

روح‌القودوس بەیانەی میراتی ئیمەس تا وەختێگ وه تەمامی بکێمنه هن خوەمان، تا جەڵاڵ خودا ستایش بود.

ئەفسوسیێل 1:7

وەناو مەسیح، ئیمه وه وەسلەێ خوین ئەیو ڕزگاری پەێا کردیمنه، که ئیه هەر ئەو بەخشیان خەتایلمانەسه، که وه پێ دەوڵەمەنی فیز خوەێ،

نامه وە غەلاتییل 3:2

بیلێن تەنیا ئیه لەلێدان بپرسم: ئێ وەگەرد وەجێ هاوردن کردەوەێ شەریعەته که روح خودا وه دەس هاوردین یا وه ئیمان وه ئەو چشته که شنەفتین؟

نامه وە غەلاتییل 2:20

وەگەرد مەسیحەو وه سەلیب کیشریامه. دیتر مه نیم که زنەیی کەم، بەڵکەم مەسیحه که وەناو منەو زنەیی کەی؛ ئێرنگه زنەیی که له جەسەوه کەم، وەگەرد ئیمان وه کوڕ خوداس که مابەتم کرد و گیان خوەێ ئەڕا مه دا.

یەکم قورنتییل 1:2

وه کلیساێ خودا له شار قورنتوس، که وەناو مەسیح عیسا تەقدیس کریانه و دەنگ کریانه تا بونه قەوم موقەدەس خودا، وەگەرد گشت ئەوانه که وه هەر شون ترێگە‎و ناو خوداوەندمان عیسا مەسیح خوەنن، که خوداوەند ئیمه و خوداوەند ئەوانەسه:

رومیەگان 8:17

ئەگەر ڕوڵەیلیم، جا میراتی خوەریش هیمن، یانێ میراتی خوەریل خودا و هاومیراتی مەسیح. وه ئی مەرجه که ئیمه وەگەرد ئەیو عەزاو بکیشیم تا ئیمەیش وەگەردیەو جەڵاڵ پەێا بکێم.

کاریل ڕەسولەیل 26:23

ئیه که مەسیح باێه رەنج بکیشێ و یەکمین کەسێگ بود که له ناو مردگیل زنیەو بود، تا ڕوشنایی وه ئی قەوم و قەومیل تر جار بێی.»

کاریل ڕەسولەیل 10:43

پەێخەمەریل گشتێان شاێەتی ئەڕاێ دەن که هەر کەس ئیمان وەپێ بارێ، وه ناو ئەیو گونایلێ بەخشریەد.»

کاریل ڕەسولەیل 3:19

جا توبه بکەن و هەڵوگەردینه لاێ خودا تا که گونایلدان پاکەو بود،

یوحەنا 9:39

عیسا وەت: «مه ئەڕا داوەری هاتمەسه ئی جهانه، تا کوریل بینا و بینایل کور بون.»

یوحەنا 4:14

وەلێ هەر کەس له ئاوێ که من دەمه پێ بخوێ، هەراێهەر تیەنی نیود. ئاوێگ که دەمه پێ وەناو گیانێ بوده کیەنی ئاوێگ که تا زنەیی ئەبەدی قوڵ دەێ و سەرڕێژ بود.»

یوحەنا 4:10

عیسایش جواو دا: «ئەگەر بەخشین خودا بزانستیاێ و هەر ئیجوره بزانستیاێ کیه که وه پێد ئویشێ ”تکێ ئاو بیه پێم،“ ئەوسا توی له لێ داوا کردیای ئەیویش ئاو زنەییدەر دیاده پێد.»

ئنجیل مەتا 4:10

ئمجا عیسا وەته پێ: «دویرەو بکەفه مه ئێ شەیتان، چوینکه وەناو تەورات نویسریاس: «”خوداوەند، خوداێ خوەد بپەرەس و تەنیا وه ئەیو خزمەت بکه“»

کاریل ڕەسولەیل 26:19

«جا شا ئاگریپاس، له ئەو رویای ئاسمانیه مل چەفتەو نەکردمه.

ئەفسوسیێل 5:11

وەناو کردەوەیل بی بەر تیەریکی بەشدار نوین، بەڵکەم ئاشکراێان بکەن.

ئەفسوسیێل 6:12

چوینکه ئیمه وەگەرد ئایەمیل که له خوین و گوشتن زوران نیەگریم، بەڵکەم ئیمه وه زد فەرمانرەوایل و دەسڵاتداریل، وه زد هێزیلێ که هانه مل ئی جهان تیەریکه و وه زد لەشکەریل روحیل شەڕئاشو که هانه ناو شونیل ئاسمانی، زوران گریم.