کاریل ڕەسولەیل 23:6 - کتاب مقدس به زبان کردی جنوبی - گویش کلهوری

⁶ وەختێ پولوس زانست بڕێگیان له فرقەێ سەدوقین و بڕێگتر له فرقەێ فەریسی، کردی هاوار و وەت: «برایل، مه فەریسیم و کوڕ فەریسیگم. وەبونەێ ئمید وه زنیەو بوین مردگیله که دادگایی بوم.»

کاریل ڕەسولەیل 23:6 Referans Kwoze

کاریل ڕەسولەیل 24:21

بێجگه ئیه که وەناوێان هاوار کردم: ”وەخاتر زنیەو بوین مردگیله که ئیمڕو وه لاێ ئیوه دادگایی بوم.“»

کاریل ڕەسولەیل 24:15

منیش هەر جور ئی پیاێله ئمید وه خودا دێرم که هەم ئایەمیل سالحان و هەم ئایەمیل ستەمکەر له مردگیل زنیەو بون.

نامەێ فیلیپییل 3:5

خەتەنه کریاێ له ڕوژ هەیشتم، له قەوم ئێسرائیلم، له هوز بنیامین، مناڵ عبرانی له داڵگ و باوگ عبرانیم؛ له باوەت شەریعەت، له فرقەێ فەریسی؛

کاریل ڕەسولەیل 28:20

وه ئی باوەته تواسم بوینمەدان و وەگەرددان قسیه بکەم، چوینکه وەبونەێ ئەو ئمید ئێسرائیلەسه که وەگەرد ئی زنجیره بەسانەسەم.»

ئنجیل مەتا 22:23

هەر ئەو ڕوژه، سەدوقییل که زنیەو بین مردگیل حاشا کەن، هاتنه ئەڕا لاێ عیسا و پرسیاره لێ کردن

کاریل ڕەسولەیل 22:5

کاهن گەورا و گشت شوراێ جویلەکە شاێەتی ئەڕام دەن، چوینکه له ئیانه نامەیلی ئەڕا برایلێان وه شار دەمشق گردم تا بچمه ئەوره و ئی مەردمیله وه دەس بەسریاێ بارمێانه شار ئورشەلیم تا سزاێان بوینن.

ئنجیل مەتا 10:16

«بنوڕن مه ئیوه جور پەسیل کلدان کەمه ناو گورگێل. جا جور مار هوشیار بون و جور کەموتەر بیتاوان.

ئنجیل مەتا 3:7

وەلێ وەختێگ یەحیا دی که قێر فرەێگ له زانایل فرقەیل فەریسی و سەدوقی ئەڕا خوسڵ تەعمید تیەنه ئەڕا لاێ، وەپێان وەت: «ئێ هەفی زادەیل کی هەڕەشه لێدان کرد تا له خەزەو وەرەڕوی دەر بچین؟

کاریل ڕەسولەیل 22:3

«من پیاێگ جویلەکەم و ناو شار تارسوس کیلیکیه هاتمەسه دنیا. وەلێ وه ئی شاره گەوراوه بیمه. وه لاێ گامالائیل وه خاسێ وه پێ شەریعەت باپیریلمان تالیم گردمه و ئیمڕو جور گشتدان ئەڕا خودا غیرەت دێرم.

کاریل ڕەسولەیل 22:30

وەلێ ئی ڕوژەگەێ، فەرماندەگه تواس بزانێ ئەڕا جویلەکەیل بخت کردنەسه پولوس، وازێ کرد و دەستور دا سەران کاهنيل و گشت شوراێ جویلەکە گردەو بون. ئمجا، پولوس هاورده خوار له لێ تواس وه نوایان بوسێ.

کاریل ڕەسولەیل 23:1

پولوس چەو بڕیە ئاڵ شورا و وەت: «برایل، مه تا ئیمڕو له لاێ خوداوه وەگەرد وژدان پاکێگەو زنەیی کردمه.»

کاریل ڕەسولەیل 23:7

وەختێ ئیه وەت، ناکوکی کەفته ناو فەریسیەیل و سەدوقیيل و جەماێەتەگه بینه دو دەسەوه،

کاریل ڕەسولەیل 23:15

ئێرنگه ئیوه و ئاڵ شورا وه فەرماندەگه بویشن ئەوه بارێده ئەڕا لادان، وه ئی دەسپێچکه که تواین وردتر له باوەت ئەوه بازخواز بکێن. ئیمەیش گورجەو بیمنه تا وەرجه ئیه که برەسێه ئێرا بکوشیمنێ.»

کاریل ڕەسولەیل 23:20

وەت: «جویلەکەیل دەس وه یەکی کردنه که داوا له لێد بکەن سو پولوس بارێده ئەڕا شورا، وه ئی دەسپێچکه که وردتر له باوەتێەو بازخواز بکەن.

نامه وه کولوسییل 1:5

ئیانه له ئمیدێگ سەرچاوه گری که وەناو ئاسمان ئەڕا ئیوه نریاس. وەرجه ئیه له باوەت ئی ئمیده وەناو کەڵام ڕاسی یانێ ئینجیل شنەفتینه،

عبرانییل 6:19

ئی ئمیده، هەر چماێ لەنگەرێگ دڵنیا و قورس ئەڕا گیان ئیمەس، ئمیدێگ که چوده ئەو لاێ پەردەێ دەوار، وه قودس‌الاقداس،