کاریل ڕەسولەیل 23:11 - کتاب مقدس به زبان کردی جنوبی - گویش کلهوری

¹¹ هەر ئەو شەوه، خوداوەند له لاێ پولوس وساد و فەرمایش کرد: «دڵد قورس بو! هەر ئەوجورە که وەناو شار ئورشەلیم وه مه شاێەتی داید، وەناو رومیش باێه شاێەتی بێی.»

کاریل ڕەسولەیل 23:11 Referans Kwoze

کاریل ڕەسولەیل 19:21

جا لەشون ئی هەڵکەفتیلە، پولوس وە ڕێنمایی روح تواس تا له ڕێ مەقدونیه و ئەخائیه، بچوده ئەڕا شار ئورشەلیم. وەت: «وەشون ئیه که چیمه ئەوره، باێه سەرێگیش بێەمە روم.»

کاریل ڕەسولەیل 18:9

یەێ شەو خوداوەند له رویا وه پولوس وەت: «زاورد نەچود! قسیه بکه و بێدەنگ مەو!

دویم تیموتاوس 4:17

وەلێ خوداوەند له لاێ مه وساد و تویەنایی دا پێم تا کەڵام له ڕێ مه وه کەماڵ بانگەوازی بکرێید و گشت ناجویلەکەیل بشنەفنێ. جا، له دەم شیر دەرچیم.

ئنجیل مەتا 14:27

وەلێ عیسا زویزی وەته پێان: «دڵدان قورس بو. منم، ڕخدان نەچود!»

نامەێ فیلیپییل 1:13

جوری که وه گشت نگابانیل کاخ سەڵتەنەتی و ئەڕا گشتیەکیگ دیار داس که مه وەخاتر مەسیح هامه ناو زندان؛

ئنجیل مەتا 9:2

ئمجا چەن نەفەر که پیاێ فەلەجێ کەفتویه ناو جێ، هاوردنه ئەڕا لاێ. وەختێ عیسا ئیمان ئەوانه دی، وه فەلەجەگه وەت: «کوڕەگەم دڵد قورس بو، گونایلد بەخشریا.»

کاریل ڕەسولەیل 22:18

خوداوەند دیم که وەپێم وەتیا: ”زویکه وه پەله له ئورشەلیم بیه دەیشت، چوینکه ئەوانه شاێەتی تو له باوەت مه قەبوڵ نیەکەن.“

کاریل ڕەسولەیل 20:22

«ئێرنگه، روح خودا داسەمە وەر بچمه ئەڕا ئورشەلیم و نيەزانم وه ئەوره چه تێدە سەرم؛

کاریل ڕەسولەیل 2:25

داود پادشا له باوەتێەو ئویشێد: «”هەمویشه خوداوەند له نوای چەوم دیمه، چوینکه ئەیو ها دەس ڕاسمەو تا نەجویلیەمەو.

یوحەنا 16:33

ئیانه وەپێدان وەتمه تا وەناو مه ئاشتی و سڵامەتی بیاشتوین. وەناو جهان تویش بەرد تێین؛ وەلێ دڵدان قورس بو، مه وه مل ئی جهانه زاڵەو بیمه.»

یوحەنا 14:18

«ئیوه یەتیم نێیلم؛ تیەمەو ئەڕا لادان.

ئنجیل مەتا 28:20

تالیمیان بێەن تا گشت ئەو چشتیله که وەپێدان فەرمان دامه وه جا بارن. بنوڕن، من هەر ڕوژ تا ئاخر ئی دەورانه هامه گەرددانەو!»

لوقا 16:28

چوینکه مه پەنج برا دێرم. کلی بکه تا هەڕەشه بیده براگانم، نەخواێ ئەوانیش بکەفنه ئی شون عەزاوه.

کاریل ڕەسولەیل 22:15

چوینکه ئەڕا گشت مەردم، بویده شاێەت ئەیو، وە هەر چێ که دیده و شنەفتیدە، شاێەتی دەێ.

یەکم قورنتییل 9:1

ئێ مه ڕزگار نیم؟ ئێ مه ڕەسول نیم؟ ئێ خوداوەندمان عیسا نێیمه؟ ئێ ئیوه بەر کار من وەناو خوداوەند نین؟