4 من ئەوانه که کەفتوینه شون ئی ڕێه تا سەر حەد مردن عەزاوێان دیام و چ پیا و چ ژن دەسگیر کردیام و خستیامیانه زندان.
چوینکه من وەناو ڕەسولەیل له گشتێان کەمترم و شایسەێ ئەوه نیم وه ڕەسول ناوم بوەن، ئەڕا ئیه که وه کلیساێ خودا ستەم کردیام.
له باوەت غیرەت، ئەزیەتکەر کلیسا؛ له باوەت سالح بوینی که له شەریعەتەو تێد، بی نەخسم.
وەلێ له لاێ ئیوه ئێقرار کەم که وه پێ ڕێ رەوشتی که ئیانه ئویشنه پێ ’فرقەێ تازه‘، خوداێ باپیریلمان پەرەسش کەم. وه هەر چی که وەناو تەورات و کتاویل پەێخەمەریل نویسریاس، باوەڕ دێرم.
وه ئی زەمانه، وەبونەێ ئی ڕێه ئاژاوەێ گەوراێگ کەفته ڕێ.
وەلێ بڕێگیان کەلەڕەقی کردیان و نەچیانه ژێر بار و ئیمان ناوردیان و وه نوای مەردمەگه، وه ئی ڕێه خراو وەتیان. جا پولوس له لێان دویرەو گرد و شاگردیلێ وەگەرد خوەێ برد، هەر چی ڕوژه وه تالار تیرانوس خەریک قسیه و باس بی.
ئەوه وه ئازایی وەناو کەنیسه شرو کرده قسیه کردن. وەختێ پریسکیلا و ئاکیلا قسیەیلێ شنەفتن، بردنێ ئەڕا ماڵ خوێان و ڕێ خودا درستر یاێ دان.
ئەوه کەفتیاده شون ئیمه و پولوس و هاوار کردیاد: «ئی پیاێله، خزمەتکاریل خوداێ هەربەرزن و ڕێ نجات وەپێدان جار دەن.»
گشت کەسیلێگ که پێخامێ شنەفتیان سەریان سڕ مەنیاد و وەتیان: «مەر ئیه هەر ئەوه نیه که وه ئورشەلیم کەسیلێ که ئی ناوه وه زوان هاوردیان، نابود کردیا؟ ئێ ئەڕا ئیه ناتیەسه ئێرا تا دەسگیریان بکێ و بوێدیانه لاێ سەران کاهنیل؟»
ئمجا له شار کڕاننەێ دەیشت و گردنەێ کوچگ. شاێەتەگان دڵنگەگانێان کەنین و هیشتنه نوای پاێ جوانێگ که ناوێ سولوس بی.
ئیوه تاریف زنەیی ئەوساێ مه له دین جویلەکە شنەفتینه، که چوی ئازار رەسانیامه کلیساێ خودا و تەقالا کردیام خاپوری بکەم.
قێر فرەێگ کەفنه شون هەرزەیی ئەوانه و وه بونەێان وه ڕێ ڕاسی کفر ئویشریێ.