کاریل ڕەسولەیل 22:3 - کتاب مقدس به زبان کردی جنوبی - گویش کلهوری

³ «من پیاێگ جویلەکەم و ناو شار تارسوس کیلیکیه هاتمەسه دنیا. وەلێ وه ئی شاره گەوراوه بیمه. وه لاێ گامالائیل وه خاسێ وه پێ شەریعەت باپیریلمان تالیم گردمه و ئیمڕو جور گشتدان ئەڕا خودا غیرەت دێرم.

کاریل ڕەسولەیل 22:3 Referans Kwoze

کاریل ڕەسولەیل 26:5

ئەوانه هەر له زوی تا ئیسه مه ناسن و ئەگەر بتوان، تویەنن شاێەتی بێەن که من وه پێ سەخترین فرقەێ دینمان یانێ یەێ فەریسی، زنەیی کردمه.

کاریل ڕەسولەیل 9:11

خوداوەند وەپێ وەت: «هەڵس بچوه ئەڕا کویچەێگ که وەپێ ئویشن ’ڕاس‘، له ماڵ یەهودا مینێ پیاێگ تارسوسی بکه که ناوێ شائوله، ئەوه خەریک دوعا کردنه،

کاریل ڕەسولەیل 5:34

وەلێ پیاێگ له فرقەێ فەریسی وه ناو گامالائیل که ماموستاێ تەورات بی و گشت حرمەتی گردیان، وەناو شورا هەڵساد و دەستور دا ڕەسولەگان ئەڕا ماوەێ کەمێگ بوەنه دەیشت.

کاریل ڕەسولەیل 21:39

پولوس جواو دا: «من جویلەکەم، له مەردم تارسوس کیلیکیه، شار بی ناو و نیشانەیگ نیه. لاڵکیەمه پێدان تا بیلين وەگەرد مەردم قسیه بکەم.»

کاریل ڕەسولەیل 21:20

وەختێ شنەفتن، ستایش خودا کردن. ئمجا وه پولوس وەتن: «ئێ برا، هەر ئەوجورەکە دوینی هەزاران جویلەکە ئیمان هاوردنه و گشتێان ئەڕا شەریعەت غیرەت دێرن.

دویم قورنتییل 11:22

ئێ عبرانێن؟ منیش هەم! ئێ ئێسرائیلین؟ منیش هەم! ئێ له نەتەوەێ ئێبراهیمن؟ منیش هەم!

لوقا 10:39

مارتا خویشکێ داشت مریەم ناو. مریەم له لاێ پاێ خوداوەند دانیشتوی وه قسیەیلی گوش دیاد.

رومیەگان 11:1

جا پرسم: ئێ خودا قەومەگەێ خوەێ ڕەد کردێه؟ هەراێهەر؛ چوینکه من خوەم ئێسرائیلیم، له نەتەوەێ ئێبراهیم پەێخەمەر و له هوز بنیامین.

کاریل ڕەسولەیل 23:6

وەختێ پولوس زانست بڕێگیان له فرقەێ سەدوقین و بڕێگتر له فرقەێ فەریسی، کردی هاوار و وەت: «برایل، مه فەریسیم و کوڕ فەریسیگم. وەبونەێ ئمید وه زنیەو بوین مردگیله که دادگایی بوم.»

کاریل ڕەسولەیل 6:9

جا چەن نەفەر له کەنیسەێگ که وەپێ وەتیان ’کەنیسەی ڕزگار کریایێەگان‘، له جویلەکەیل قیرەوان و ئەسکەنەریە و ئەوانەێ که له ناوچەێل کیلیکیه و ئاسیا بین، هەڵسان و وەگەرد ئستیفان بیه دەمقاڵیان.

نامه وە غەلاتییل 1:21

جا وەشون ئەوه، چیمه ئەڕا مەنتەقەیل سوریه و کیلیکیه.

نامه وە غەلاتییل 1:14

وەناو جویلەکایەتی له قێر فرەێگ له هاوسن ساڵیلم له ناو قەومەگەم کەفتویمه نوا و فره وه غیرەت بیم تا که نەریتیل باوگ و باپیریلم وه جێ بارم.

کاریل ڕەسولەیل 23:34

فەرمانرەوا نامەگه خوەن و له پولوس پرسی له مەردم کام وڵاتی. وەختێ زانست له مەردم کیلیکیەس،

کاریل ڕەسولەیل 15:41

پولوس له سەر ڕێ سوریه و کیلیکیه، کلیسایل وه قەوەتەو کردیا.

کاریل ڕەسولەیل 15:23

ئمجا ئیجور نامەێگ نویسان و دانه دەسێان: «له ئیمه ڕەسولەیل و شێخیل، برایل ئیوه، وه برایل ناجویلەکەێ ئەنتاکیه و سوریه و کیلیکیه، سڵام!

کاریل ڕەسولەیل 11:25

جا وەشون ئەوه، بەرنابا چیه ئەڕا شار تارسوس تا شائول بوینێدەو.

کاریل ڕەسولەیل 9:30

وەختێ براگان ئیه فامین، بردنێ ئەڕا شار قیسەریه و له ئەوره کلی کردن ئەڕا شار تارسوس.

لوقا 8:35

ئمجا مەردم هاتنه دەیشت تا هەر چی که هەڵکەفتوی بوینن، وەختێ رەسینه لاێ عیسا و چەویان کەفته ئەو پیا که دێوەگان له لێ هاتوینه دەیشت، دڵنگ کردێەسه وەر و جور ئایەم عاقڵ وه نوای پاێ عیسا نیشته، زاورێان چی.

لوقا 2:46

دەس ئاخر وەشون سێ ڕوژ، وەناو مابەد دینیەو. له لای مەلاگان دینەێ نیشتوی و گوش دیاده قسیەیلیان و له لێان پرسیار کردیاد.

کاریل ڕەسولەیل 9:1

وەلێ شائول هێمراێ له هەڕەشه کردن و کوشتن شاگردیل خوداوەند دەس هەڵنەگردوی، جا چیه ئەڕا لاێ کاهن گەورا و

کاریل ڕەسولەیل 26:9

«منیش دڵنیا بیم که باێه وه هەر ڕێگەو وەگەرد ناو عیساێ ناسری دشمەنی بکەم.