کاریل ڕەسولەیل 21:13 - کتاب مقدس به زبان کردی جنوبی - گویش کلهوری

¹³ وەلێ پولوس جواو دا: «چەدانه گیره کین و دڵم شکنین؟ مه گورجەو بیمه ئەڕا ناو خوداوەند عیسا نه تەنیا بچمه زندان، بەڵکەم وه ئورشەلیم بمرم.»

کاریل ڕەسولەیل 21:13 Referans Kwoze

کاریل ڕەسولەیل 20:24

وەلێ هویچ قێرێگ ئەڕا گیان خوەم دانەنامه، تەنیا تاسەێ مه ئیەسه، ئەگەر بتویەنم دەور خوەم و خزمەتی که له خوداوەند عیسا گردمه، تا وه ئاخر برەسنم و وه ئینجیل فیز خودا شاێەتی بێەم.

نامەێ فیلیپییل 2:17

تەنانەت ئەگەر هەوەجی وه ئیه بود که خوین مه هەر جور شراو پیشکەش کریاێ، وه مل پیشکەشی قوروانی ئیماندان بڕشێید، وەناو وه جێ هاوردن ئی کاره خوەشاڵم و وەگەرد گشتدان خوەشی کەم.

دویم تیموتاوس 4:6

چوینکه خوین مه، هەر جور پیشکەشی شراو، هەر وه ئی زویه ڕشێید و وەخت چیێنم له ئی جهانه ڕەسیه

وەحی وه یوحەنا 12:11

ئەوانه وەگەرد خوین وەرکەگه و وەگەرد کەڵام شاێەتی خوێان له ئەوه بردنەسەو. چوینکه گیان خوێان عەزیز نەزانستنه، تەنانەت تا وه قێ مردن.

نامه وه کولوسییل 1:24

ئێرنگه له رەنجیلێ که وەبونەێ ئیوه کیشام خوەشاڵم و هەر کەم کەسری بەردیلی که مەسیح وەبونەێ جەسەێ یانێ کلیسا کیشاس، وەناو جەسەێ خوەم کامڵەو کەم.

دویم پتروس 1:14

چوینکه زانم ئەو جورەکه خوداوەند ئیمه عیسا مەسیح ڕوشنامەو کرد، وه ئی زوی ئی جەسه هیلمه جێ و چم.

کاریل ڕەسولەیل 20:37

گشتێان تێر پڕ گیره کردیان و گردیانەێ باوشەو و ماچێ کردیان.

کاریل ڕەسولەیل 5:41

ڕەسولەگان وه شادی لەلاێ ئاڵ شورا چینه دەیشت، چوینکه شایسه وه حساو هاتن که وەبونەێ ناو عیسا سوکەو بکریەن.

وەحی وه یوحەنا 3:10

وه بونەێ ئیه که قسیه مه له باوەت سەور و بەردەوام بین پارێزانیده، منیش توی له سات ئەزمونێگ که وه سەر تەمام جهان تێد تا نیشتەجێیل زەوی ئەزمون بکێد، پارێزنم.

دویم تیموتاوس 1:4

چوینکه ئەسریل توی تیەرمه هویرم، ئاوەختی کەم بوینمەد تا وه دێن توی نیقەڵتوز خوەشی بم.

یەکم قورنتییل 15:31

ئێ برایل، قەسەم وه ئەو شانازیه که وەناو خوداوەندمان عیسا مەسیح له باوەت ئیوه دێرم، هەر چی ڕوژه مەرگ قویرتم دەێ.

کاریل ڕەسولەیل 9:16

چوینکه وەپێ نیشان دەم وەبونەێ ناو من چ رەنجیلێ باێه بکیشێد.»

نامەێ فیلیپییل 2:26

چوینکه تاسەێ دین گشتدان دێرێ و له باوەت ئیەک شنەفتین نەخوەش کەفتوی، پەشێوه.