کاریل ڕەسولەیل 21:11 - کتاب مقدس به زبان کردی جنوبی - گویش کلهوری

¹¹ ئەوه هاته ئەڕا لاێ ئیمه و قەێوەنەگەێ پولوس گرد و دەس و پاێ خوەێ بەساد و وەت: «روح‌القودوس فەرمایش کەێ: ”جویلەکەیل ئورشەلیم ساێو ئی قەێوەنه هەر ئیجوره بەسنێ و دەنێ دەس ناجویلەکەیل.“»

کاریل ڕەسولەیل 21:11 Referans Kwoze

کاریل ڕەسولەیل 21:33

فەرماندەگه هاته نزیک و پولوس دەسگیر کرد و دەستور دا وەگەرد دو گله زنجیر بوەسنێ. ئمجا پرسی که ئەوه کیه و چه کردێه.

کاریل ڕەسولەیل 20:23

بێجگه ئیه که روح‌القودوس وه هەر شارێگ شاێەتیه پێم دەی که زندان و بەرد چەوەڕێمه.

یەکم پتروس 1:12

ئەڕاێان ئاشکرا بی که نه وه خوەێان بەڵکەم وه ئیوه خزمەت کردیان، ئەو وەخته که له چشتیلی قسیه کردیان که ئێرنگه له باوەتێانەو له ڕێ جار دەریل ئەو مزگانیه وه ئیوه، شنەفین. له ئەوانه که له ڕێ روح‌القودوس که له ئاسمانەو کل کریاس، مزگانی دەنه پێدان. تەنانەت فریشتەیلیش ئاوەخت نوڕین وه ئی چشتیله دێرن.

عبرانییل 10:34

وەگەرد ئەوانه که وەناو زندان بوین، هاودەردی کردیاين و وەختێ ماڵ ئەموالدان تاڵان کردیان وه خوەشیەو قەبوڵ کردیاین، چوینکه زانستیاین که خوەدان دارایی خاسترێگ دێرین که مینێد.

عبرانییل 3:7

جا هەر ئەوجورە که روح‌القودوس فەرمایش کەید: «ئیمڕو، ئەگەر دەنگ ئەیو شنەفین،

دویم تیموتاوس 2:9

که وه بونەێ هامه ناو رەنج، تا وه ئەو ئەنازه که هەر جور جرم کەریل کیشانەسەمه زنجیر. وەلێ کەڵام خودا له زنجیر نیه.

ئەفسوسیێل 6:20

هەر ئەو ئینجیلێگ که مه سەفیر ئەوەمه، هەر چەن هامه ناو زنجیر! دوعا بکەن که ئەوه وه ئازای جار بێەم، ئەوجورە که باێه بویشم.

ئەفسوسیێل 4:1

جا من که وەخاتر خوداوەند هامه زندان، لاڵکمه پێدان وه لەونێگ زنەیی بکێن که شایسەی داوەتێگ بود که ئیوه ئەڕاێ دەنگ کریاینه،

ئەفسوسیێل 3:1

له ئی باوەته، مه پولوس، که وەبونەێ ئیوه ناجویلەکەیل زندانی مەسیح عیسام

کاریل ڕەسولەیل 28:25

ئمجا وەختێ وەگەرد یەکترەکی بیه دەمقاڵیان، ئەو شونه هیشتنەجێ. وەلێ وەرجه ئیه که بچن، پولوس کەڵام ئاخرێ ئەڕاێان وەت: «روح‌القودوس له ڕێ ئەشعەیاێ پەێخەمەر وه باپیریلدان چەنێ درس وەت:

کاریل ڕەسولەیل 28:20

وه ئی باوەته تواسم بوینمەدان و وەگەرددان قسیه بکەم، چوینکه وەبونەێ ئەو ئمید ئێسرائیلەسه که وەگەرد ئی زنجیره بەسانەسەم.»

کاریل ڕەسولەیل 28:17

وەشون سێ ڕوژ، پولوس گەورایل جویلەکە دەنگ کرد، وەختێ گردەو بین، وەپێان وەت: «برایل، هەر چەن هویچ دشمەنی وەگەرد قەومەگەمان و نەریت باپیریلمان نەکردویم وەلێ وه شار ئورشەلیم گردنەم و دانەمه دەس رومیەگان.

کاریل ڕەسولەیل 26:29

پولوس وه جواوی وەت: «له خودا توام که دێر یا زوی، نه تەنیا ئیوه، بەڵکەم گشت کەسیلێ که ئیمڕو گوش دەنه مه، جور منه پێان باێ، هەڵبەت نه وەناو زنجیر!»

کاریل ڕەسولەیل 24:27

وەشون دو ساڵ، پورکیوس فستوس شونەگەێ فلیکس گرد. وەلێ فلیکس، که تواسیا دڵ جویلەکەیل وه دەس بارێ، پولوس هیشته ناو زندان.

کاریل ڕەسولەیل 22:25

وەختێ خەفاننی تا قەمچی بێەن، پولوس وه ئەفسەرێگ که وه ئەوره وساوی، وەت: «ئێ یاسا چو هیلێ یەێ نەفەر شاروەند روم قەمچی بیەین، وەختێ هێمراێ دادگایی نویه؟»

کاریل ڕەسولەیل 16:6

وەختێ پولوس و هاوڕێەگانی له ناوچەێل فریجیه و غەلاتیه گوزیشتیان، روح‌القودوس ئەڕا رەسانن پێخام خودا وه ناوچەێ ئاسیا نوایان گرد.

کاریل ڕەسولەیل 13:2

وەختێ که ئەوانه خوداوەند پەرەسیان و وه ڕوژه بین، روح‌القودوس فەرمایش کرد: «بەرنابا و شائول ئەڕام جیاێانەو بکێن، ئەڕا کارێ که دەنگیان کردمه.»

کاریل ڕەسولەیل 9:16

چوینکه وەپێ نیشان دەم وەبونەێ ناو من چ رەنجیلێ باێه بکیشێد.»

یوحەنا 18:1

عیسا وەشون ئی قسیەیله، وەگەرد شاگردەگانێ چیه ئەڕا ئەو دەس گڵاڵ قدرون. وه ئەوره باخێگ بی و عیسا و شاگردەگانێ چینه ناوێ.

کاریل ڕەسولەیل 8:29

ئمجا روح خودا وه فیلیپوس وەت: «بچوه نوا و بکەفه گەرد ئەو ئەرابەێا.»

کاریل ڕەسولەیل 21:4

جا وه ئەوره شاگردیل دیمنەو و هەفت ڕوژ وه لاێان مەنیمن. ئەوانه وه ڕێنمایی روح خودا وه پولوس وەتن نەچوده ئەڕا شار ئورشەلیم.

یەکم نامەێ تیموتاوس 4:1

وەلێ روح خودا، ئاشکرا فەرمایش کەی که له زەمانیل ئاخر، بڕێگ له ئیمان هەڵوگەردیەن و کەفنه شون روحیل سەر له ئایەم شیون و تالیمیل دێویل.