کاریل ڕەسولەیل 2:22 - کتاب مقدس به زبان کردی جنوبی - گویش کلهوری

²² «ئێ پیاێل ئێسرائیل، ئی قسیەیلمه بشنەفن: هەر ئەوجورە که خوەدان زانین، عیساێ ناسری پیاێگ بی که خودا وەگەرد موجزەیل و کاریل ئەڵاجوی و نیشانەیلێ که خودا وه دەس ئەیو وه ناودان وەجێ هاورد، وه ڕاس بوینی شاێەتی داس.

کاریل ڕەسولەیل 2:22 Referans Kwoze

یوحەنا 3:2

یەێ شەو ئی پیا هاته ئەڕا لاێ عیسا و وەته پێ: «ماموستا، زانیمن تو ماموستاێگی که لەلاێ خوداوه هاتیدە، چوینکه کەس نیەتویەنی ئی نیشانه و موجزەیله بکێ که توی کەید، مەر ئیه که خودا وەگەردێەو بود.»

کاریل ڕەسولەیل 4:10

جا گشت ئیوه و گشت قەوم ئێسرائیل بزانن، وه ناو عیسا مەسیح ناسریه که ئی پیا ساق و بێمزەڕەت وەنوادان وساس، وه ناو ئەیو که ئیوه وه سەلیب کیشاینێ، وەلێ خودا ئەیو له ناو مردگیل زنیەو کرد.

لوقا 11:20

وەلێ ئەگەر من وەگەرد کلک خودا دێویل دەر کەم، دڵنیا بون پادشایی خودا هاتیەسه ملدانەو.

ئنجیل مەتا 12:28

وەلێ ئەگەر مه وەگەرد روح خودا دێویل دەر کەم، دڵنیا بون که پادشایی خودا هاتیەسه ملدانەو.

ئنجیل مەتا 9:8

وەختێ جەماێەت ئی هەڵکەفته دین، زاورێان چی و خوداێگ جەڵاڵ دان که ئیجور دەسڵاتی وه ئنسان بەخشاس.

عبرانییل 2:4

وه حاڵێگەو خودایش وه ئەوه شاێەتی دا، وەگەرد نیشانەیل و چشتیل ئەڵاجوی و موجزەیل جورواجور و خەڵاتییل روح‌القودوس، که ئەوانه وه پێ خاست خوەێ بەشەو کردیاد.

دویم قورنتییل 12:12

نیشانەيل ڕەسول ڕاسەکانی وەناودان، وه تەمام سەور و وەگەرد نیشانەیل و چشتیل ئەڵاجوی و موجزەیل ئاشکراوه بی.

کاریل ڕەسولەیل 26:26

چوینکه پادشا خوەێ ئی چشتیله زانی و منیش وه ئازای وەگەردێ قسیه کەم، ئەڕا ئیه که باوەڕ دێرم هویچکام له ئیانه له وەر چەویان دویر نەمەنیه، چوینکه هویچکامێان وه دزیەو هەڵنەکەفتیه.

کاریل ڕەسولەیل 26:9

«منیش دڵنیا بیم که باێه وه هەر ڕێگەو وەگەرد ناو عیساێ ناسری دشمەنی بکەم.

کاریل ڕەسولەیل 24:5

«ئیمه خاس دڵنیایم که ئی پیا، شەڕئاشو فتفاتکەرێگه که وەناو گشت جویلەکەیل سەرئانسەر جهان ئاژاوە خیده ڕێ. هەر ئیجوره وه سەردەسەیل فرقەێ ناسریه.

کاریل ڕەسولەیل 22:8

«جواو دام: ”خوداوەندا، تو کەێد؟“ «وەپێم وەت: ”من عیساێ ناسرێم که تو عەزاوێ دەێ.“

کاریل ڕەسولەیل 21:28

هاوار کردیان: «ئێ ئێسرائیلیل، مەیەتمان بێەن؛ ئیه هەر ئەوەسه که وه گشت جێ وه دشمەنی قەوم ئیمه و شەریعەت و ئی شونه، گشتیەکی تالیم دەێ. تەنانەت یونانیەگانیش هاوردێەسه ناو مابەد و ئی شون موقەدەسه ناپاکەو کردێه.»

کاریل ڕەسولەیل 14:27

وەختێ ڕەسینه ئەوره، کلیسا وه دەور یەکەو گردەو کردن و باس ئەو چشتیله کردن که خودا وەگەردێان کردوی، هەر ئیجوره که چوی دەر ئیمان ئەڕا ناجویلەکەیل واز کردێه.

کاریل ڕەسولەیل 13:16

جا پولوس هەڵساد و وه دەس ئێشاره کرد، وەت: «ئێ پیاێل ئێسرائیل و ئێ ناجویلەکەیل که له خودا ڕخدان چود، گوش بێەن!

کاریل ڕەسولەیل 6:14

ئەڕا ئیه که خوەمان شنەفتیمنه که وەتیا عیساێ ناسری ئی شونه خراوی کێ و ئەو نەریتیلێگ که موسا وه ئیمه سپاردیه، گویڕنیدەو.»

کاریل ڕەسولەیل 5:35

ئمجا وەپێان وەت: «ئێ پیاێل ئێسرائیل، هوشدان بود که وەگەرد ئی ئایەمیله تواین چه بکێن.

کاریل ڕەسولەیل 3:12

وەختێ پتروس ئیه دی، ڕوی کرده مەردم و وەت: «ئێ پیاێل ئێسرائیل، ئەڕا له ئی هەڵکەفته ئەڵاجویدان تێد؟ ئەڕا ئیجوره چەو بڕینەسه ئیمه، چماێ وه هێز و پارێزکاری خوەمان کارێ کردیمنه تا ئی پیا بکەفیده ڕێ؟

یوحەنا 19:19

پیلاتوسیش دا وەبان تەختەێگ نویسان و کوتانێ بان سەلیبەگه. له بانی نویسریاوی: ’عیساێ ناسری، پادشاێ جویلەکەیل‘.

یوحەنا 15:24

ئەگەر وەناوێان ئەو کاریله نەکردیام که کەسێگ بێجگه مه نەکردیه، گوناێگ نیاشتن؛ وەلێ ئێرنگه، هەر چەن ئەو کاریله دینه، هەم له من و هەم له باوگم قینێان تێ.

یوحەنا 12:17

ئەو جەماێەتیشه که وەختێگ عیسا، ئیلعازەر وەناو مەقبەرەگه چڕێ و وەناو مردگیل زنیەو کرد وەگەردیەو بین، هەر وەئیجوره وه ئی هەڵکەفته شاێەتی دیان.

یوحەنا 11:47

جا سەران کاهنیل و فەریسیەیل گردەو بوین، وەتن: «باێه چه بکێم؟ ئەڕا ئیه که ئی پیا نیشانه و موجزەیل فرەێگ کەی.

یوحەنا 10:37

ئەگەر مه کارەیل باوگم وه جا نیەتێەرم، جا باوەڕه پێم مەکەن.

یوحەنا 9:33

ئەگەر ئی پیا له لاێ خودا نویاد، کارێ له دەسێ ناتیاد.»

یوحەنا 7:31

وەلێ، قێر فرەێگ له مەردمەگە وەپێ ئیمان هاوردن. ئەوانه وەتیان: «ئێ مەگەر وەختێ مەسیح ئاشکرا بود، نیشانه و موجزەیل فرەترێگ وه ئی پیا، کەید؟»

یوحەنا 6:27

ئەڕا خواردمەنێگ کار مەکەن که له بین چود، بەڵکەم ئەڕا خواردمەنێگ کار بکەن که تا زنەیی ئەبەدی مینێدەو، یانێ ئەو خواردمەنیه که کوڕ ئنسان دەیده پێدان. چوینکه خوداێ باوگ مور خوەێ وه ملێەو کوتاس.»

یوحەنا 6:14

وەختێ مەردم ئی نیشانه و موجزەێ که عیسا کردوی دین، وەتن: «وه ڕاسی که ئیه هەر ئەو پەێخەمەرەسه که باێه، باێده ئی جهانه.»

یوحەنا 5:36

وەلێ مه شاێەتێگ دێرم که له شاێەتی یەحیا گەوراتره، چوینکه کاریلێ که باوگ ئاسمانی وه من سپاردیه تا وه ئەنجام برەسنم، یانێ هەر ئی کاریله که کەم له باوەت مه شاێەتی دەن که باوگ کلم کردێه.

یوحەنا 4:48

جا عیسا وەپێ وەت: «تا نیشانه و موجزەیل و کاریل سەرسڕهاوەر نوینین، ئیمان نیەتێەرین.»

یوحەنا 1:45

فیلیپوس نەتەنائیل پەێا کرد و وەپێ وەت: «ئەوه که موسا وەناو تەورات و هەر ئیجوره پەێخەمەریلیش له باوەتێ نویسانه، دیمنەسەو! ئەیو عیسای ناسری، کوڕ یوسفه.»

لوقا 24:18

ئمجا یەکی له لێان کلئوپاس ناوێ بی، وه جواوی وەت: «تو تەنیا غەریو ناو ئورشەلیمی، که له ئەو چشتیله وەناو ئی ڕوژیله هەڵکەفتیه بی خەوەری؟»

ئنجیل مەتا 2:23

جا یوسف چی و لەناو شارێگ که ناسره ناوێ بی نیشتەجێ بی. تا ئەو چشته که پەێخەمەریل وەتوین، باێه دی که وه ’ناسری‘ ناوێ بەن.

کاریل ڕەسولەیل 2:19

له بان، له ئاسمانیل، چشتیل ئەڵاجوی، له خوار، له بان زەوی، نیشانەیلێگ ئاشکرا کەم، له خوین و ئاگر و تەم و دویکەڵ.

کاریل ڕەسولەیل 2:43

گشتیەکی له ناخەو سەریان سڕ مەنوی، چوینکه چشتیل ئەڵاجوی و نیشانەیل فرەێگ وه دەس ڕەسولەیل هاتیاده دی.

کاریل ڕەسولەیل 3:6

وەلێ پتروس وەت: «تەڵا و نقره نێرم، وەلێ ئەو چشته که دێرم دەمه پێد! وه ناو عیسا مەسیح ناسری هەڵسه پا و بکەفه ڕێ!»

لوقا 18:37

وەتن: «عیساێ ناسری دێرێ ڕەد بود.»