کاریل ڕەسولەیل 2:10 - کتاب مقدس به زبان کردی جنوبی - گویش کلهوری

¹⁰ فریجیه و پامفیلیه و مسر و دەور و وەر لیبی که داسه قێ قیرەوان و هەر ئیجوریشه زیارەتچییل رومی

کاریل ڕەسولەیل 2:10 Referans Kwoze

کاریل ڕەسولەیل 16:6

وەختێ پولوس و هاوڕێەگانی له ناوچەێل فریجیه و غەلاتیه گوزیشتیان، روح‌القودوس ئەڕا رەسانن پێخام خودا وه ناوچەێ ئاسیا نوایان گرد.

کاریل ڕەسولەیل 18:23

پولوس ماوەێگ وه ئەوره مەن و وه دواره چیه گەردیان، وه سەرئانسەر وڵاتیل غەلاتیه و فریجیه شون وه شون گەردیاد و گشت شاگردیل وەناو ئیمانێان وەقەوەتەو کردیاد.

کاریل ڕەسولەیل 15:38

وەلێ پولوس خاس نەزانست کەسێگ که له پامفیلیه ئەوانه هیشتەجێ و تا ئاخر کار وەگەردێان نەمەن، یەێ جارتر وەگەرد خوەێ بوەی.

کاریل ڕەسولەیل 13:43

جا وەشون ئیه که مەردم له کەنیسەگه دانه‌ دەیشت، قێر فرەێگ له جویلەکەیل و خوداپەرەسەیلێ که بوینه جویلەکە، کەفتنه شون پولوس و بەرنابا. ئەوانیش ئەڕاێان قسیه کردن تا وەناو فیز خودا بەردەوام بمینن.

کاریل ڕەسولەیل 13:13

ئمجا پولوس و هاوڕێەگانی له ڕێ دەریا له پافوس چینه ئەڕا شار پرجەێ پامفیلیه. وەلێ وه ئەوره یوحەنا که وەپێ وەتیان مەرقوس لەليان جیاوه بی و هەڵوگەردیا ئەڕا شار ئورشەلیم.

دویم تیموتاوس 1:17

بەڵکەم چوینکه هاته ئەڕا روم، فره وەشونمەو گەردیاد تا دەس ئاخر پەێام کرد.

رومیەگان 1:15

جا ئەزرەت فرەێگ دێرم که وه ئیوەیش که هاینه روم ئینجیل جار بێەم.

کاریل ڕەسولەیل 27:5

وەشون ئیه که له بەندەریل کیلیکیه و پامفیلیه ڕەد بویمن، وه بەندەر میرا، وەناو شار لیکیه داوەزیمن.

کاریل ڕەسولەیل 14:24

ئمجا له ناوچەێ پیسیدیه ڕەد بین و چینه ئەڕا ناوچەێ پامفیلیه،

کاریل ڕەسولەیل 11:20

وەلێ چەن نەفەرێگ له لێان له مەردم قپرس و قیرەوان بین که وەختێ ڕەسینه ئەنتاکیه، وەگەرد یونانیەگانیش قسیه کردن و مزگانی عیسا خوداوەند دانه پێان.

مەرقوس 15:21

ئەوانه ڕێویارێگ شەمعون ناو له مەردم قیرەوان که باوگ ئەسکەنەر و روفوس بی و له دەیشت شار هاتیاد، ناچاری کردن تا سەلیب عیسا هەڵبگرێ.

ئنجیل مەتا 27:32

وەختێ چیانه دەیشت، پیاێگ دین له مەردم قیرەوان که ناوێ شەمعون بی، ناچاری کردن سەلیبەگەێ عیسا هەڵبگرێ.

وەحی وه یوحەنا 11:8

جا لەشەگانیان له خێاوان ئەو شار گەورا که نمادین وه پێ ئویشن سودوم و مسر، وەبان زەوی مینێد؛ هەر ئەو شاره که خوداوەندیانیش له ئەوره وەسەلیب کیشریا.

رومیەگان 1:7

وه گشت ئەوانه که وەناو شار روم، خودا دوسیان دێرێ و دەنگ کریانه تا له موقەدەسیل بون: فیز و ئاشتی و سڵامەتی لەلاێ خودا، باوگ ئیمه و خوداوەند عیسا مەسیح، وەگەرددانەو بود.

کاریل ڕەسولەیل 28:15

برایل ئەوره شنەفتوین که هایمنه ناو ڕێ، تا بازار ئاپیوس و ئاوایێگ وه ناو ’سێ مەیخانه‘ هاتنه پیریمانەو. وەختێ پولوس دێیان سپاس خودا کرد و دڵی قورسەو بی.

کاریل ڕەسولەیل 18:2

وه ئەوره جویلەکەێگ ئاکیلا ناو دی که له مەردمیل پونتوس بی، تازه وەگەرد ژنەگەێ پریسکیلا له ئیتالیاوه هاتوی، چوینکه کلودیوس قیسەر دەستور داوید گشت جویلەکەیل له روم بچنه دەیشت. پولوس چی بوینیدیان،

کاریل ڕەسولەیل 13:1

وەناو کلیساێ شار ئەنتاکیه چەن گله نەبوەتکەر و ماموستا بین: بەرنابا، شەمعون ماروف وه نیجر، لوکیوس قیرەوانی، مانائن که له ڕەفیقەیل قەدیمی هیرودیس حاکم بی که له مناڵێ وەگەردیەو گەورا بوی وەگەرد شائول.

کاریل ڕەسولەیل 6:9

جا چەن نەفەر له کەنیسەێگ که وەپێ وەتیان ’کەنیسەی ڕزگار کریایێەگان‘، له جویلەکەیل قیرەوان و ئەسکەنەریە و ئەوانەێ که له ناوچەێل کیلیکیه و ئاسیا بین، هەڵسان و وەگەرد ئستیفان بیه دەمقاڵیان.

کاریل ڕەسولەیل 6:5

ئی قسیه گشتێان خوەشنودەو کرد. جا ئستیفان هەڵوژاردن، که پیاێگ پڕ له ئیمان و روح‌القودوس بی، وەگەرد فیلیپوس و پروخوروس و نیکانور و تیمون و پەرمیناس و نیکولائوس ئەنتاکی که بویه جویلەکە.

ئنجیل مەتا 2:15

جا تا وەختێگ هیرودیس مرد وه ئەوره مەن. ئیه هەڵکەفت تا ئەو چشته که خوداوەند وه زوان هوشەع پەێخەمەر وەتوی، باێه دی که ئویشێ: «مه کوڕ خوەم له مسر چڕیم.»

کاریل ڕەسولەیل 23:11

هەر ئەو شەوه، خوداوەند له لاێ پولوس وساد و فەرمایش کرد: «دڵد قورس بو! هەر ئەوجورە که وەناو شار ئورشەلیم وه مه شاێەتی داید، وەناو رومیش باێه شاێەتی بێی.»

ئنجیل مەتا 23:15

«وای وه حاڵ ئیوه ماموستایل تەورات و فەریسیەیل، ئێ دوڕوییل! چوینکه ئیوه دەریا و وشکی گەردین تا یەکی بکێنه شاگرد خوەدان، وەختێ بیه شاگرددان، ئەوسا دو ئەوقره بەتر وه خوەدان سزاوار جەهەنمی کین.

کاریل ڕەسولەیل 2:11

چ جویلەکە و چ ئەوانه که بینەسه جویلەکە؛ هەر ئیجوره مەردمیل کریتی و عەرەب، گشتمان شنەفیمن که وه زوان خوەمان باس کاریل گەوراێ خودا کەن.»

کاریل ڕەسولەیل 17:21

گشت ئاتنیێل و غەریویلێگ که وه ئەوره زنەیی کردیان، بێجگه ئیه که وەخت خوێان وه باس کردن و شنەفتن له باوەت باوەڕیل تازه بێەنه سەر، کارێگ نیاشتن.