کاریل ڕەسولەیل 19:8 - کتاب مقدس به زبان کردی جنوبی - گویش کلهوری

⁸ ئمجا پولوس چیه ئەڕا کەنیسه و ئەوره سێ مانگ وه ئازای قسیه کردیاد و له باوەت پادشاێ خودا، مەردمەگه قانێ کردیاد.

کاریل ڕەسولەیل 19:8 Referans Kwoze

کاریل ڕەسولەیل 1:3

ئەیو وەشون رەنج کیشاینێ، خوەێ ئەڕاێان ئاشکرا کرد و وەگەرد مدویل فرەێگ نیشان دا که زنیەو بیه. جا وه ماوەێ چل ڕوژ وەپێان ئاشکرا بی و له باوەت پادشایی خودا وەگەردێانەو قسیه کردیا.

کاریل ڕەسولەیل 28:23

جا ڕوژێگ دیاری کردن و قێر فرەێگ هاتنه ماڵەگەێ تا بویننێ. ئەویش له شەوەکیەو تا ئێواره، ئەڕاێان له باوەت پادشاێ خودا شێو کردیاد و وەگەردێان قسیه کرد و تەقالا کردیا له تەورات موسای پەێخەمەر و کتاو پەێخەمەریل، له باوەت عیسا قانێیان بکێ.

یەهودا 1:3

ئێ عەزیزەیل، ئەگەر چ تاسەێ فرەێگ داشتم تا له باوەت نجاتیگ که وەناوێ بەشداریم ئەڕا ئیوه بنویسم، وەلێ واجو دیم ئیه ئەڕادان بنویسم و بلاڵکمه پێدان که ئەڕا ئەو ئیمانه زورزمەکی بکێن، هەر ئەو ئیمانه که یەێ جار ئەڕا هەمویشه وه ئیمانداریل وه مەسیح سپاریاس.

کاریل ڕەسولەیل 19:9

وەلێ بڕێگیان کەلەڕەقی کردیان و نەچیانه ژێر بار و ئیمان ناوردیان و وه نوای مەردمەگه، وه ئی ڕێه خراو وەتیان. جا پولوس له لێان دویرەو گرد و شاگردیلێ وەگەرد خوەێ برد، هەر چی ڕوژه وه تالار تیرانوس خەریک قسیه و باس بی.

کاریل ڕەسولەیل 18:19

وەختێ ڕەسینه شار ئەفسوس، پولوس ئەوانه هیشتەجێ و خوەێ چیه ئەڕا کەنیسه و وەگەرد جویلەکەیل نیشته قسیه و باس کردن.

کاریل ڕەسولەیل 18:4

ئەوه هەر شەبات که هەر ئەو شەمەێ موقەدەس جویلەکەیله، وەناو کەنیسه باس کردیاد و تەقالا کردیاد تا جویلەکەیل و یونانیەگان قانێ بکێ.

کاریل ڕەسولەیل 17:17

جا له کەنیسه وەگەرد جویلەکەیل و یونانیەگان خوداپەرەس هەر ئیجوره هەر ڕوژ وه مەێدان شار وەگەرد ڕێویاریل باس کردیا.

کاریل ڕەسولەیل 14:1

وەناو شار قونیەیش پولوس و بەرنابا چینه ناو کەنیسەی جویلەکە و جورێ قسیه کردن که قێر فرەێگ له جویلەکەیل و یونانیەگان ئیمان هاوردن.

کاریل ڕەسولەیل 13:46

ئمجا پولوس و بەرنابا وه ئازای وەتن: «باێه پێخام خودا وەرجه گشتیەکی ئەڕاێ ئیوه بویشرێی. وەلێ وەبونەێ ئیەکه ڕەدێ کردین و خوەدان شایسەێ زنەیی ئەبەدی نەزانستین، ئەوەسه چیمنه ئەڕا لاێ ناجویلەکەیل.

کاریل ڕەسولەیل 13:14

ئەوانه له پرجەوه ڕەد بین و ڕەسینه شار ئەنتاکیەێ پیسیدیه. وه ڕوژ شەبات که هەر ئەو شەمەێ موقەدەس جویلەکەیله، چینه ناو کەنیسه و دانیشتن.

کاریل ڕەسولەیل 18:26

ئەوه وه ئازایی وەناو کەنیسه شرو کرده قسیه کردن. وەختێ پریسکیلا و ئاکیلا قسیەیلێ شنەفتن، بردنێ ئەڕا ماڵ خوێان و ڕێ خودا درستر یاێ دان.

کاریل ڕەسولەیل 19:7

ئەو پیاێله، گشتێان نزیک دوانزه نەفەر بین.

کاریل ڕەسولەیل 19:10

ئیه ئەڕا ماوەێ دو ساڵ بەردەوام بی، جورێ که گشت نیشتەجێیل ناوچەێ ئاسیا، چ جویلەکە و چ یونانی، کەڵام خوداوەند شنەفتن.

کاریل ڕەسولەیل 20:31

جا هوشدان بود و له هویردان نەچود که من وه ماوەێ سێ ساڵ تەمام شەو و ڕوژ، وه ئەسر چەویلم وه ئاموژیاری کردن گشتدان نەوسامەسەو.