کاریل ڕەسولەیل 18:4 - کتاب مقدس به زبان کردی جنوبی - گویش کلهوری

⁴ ئەوه هەر شەبات که هەر ئەو شەمەێ موقەدەس جویلەکەیله، وەناو کەنیسه باس کردیاد و تەقالا کردیاد تا جویلەکەیل و یونانیەگان قانێ بکێ.

کاریل ڕەسولەیل 18:4 Referans Kwoze

دویم قورنتییل 5:11

جا وەختێ ماناێ زاور چین له خوداوەند زانیمن، تەقالا کیم تا مەردم قانێ بکێم. ئەو چشته که هیمن ئەڕا خودا ئاشکراس و ئمیدوارم ئەڕا وژدان ئیوەیش ئاشکرا بود.

کاریل ڕەسولەیل 28:23

جا ڕوژێگ دیاری کردن و قێر فرەێگ هاتنه ماڵەگەێ تا بویننێ. ئەویش له شەوەکیەو تا ئێواره، ئەڕاێان له باوەت پادشاێ خودا شێو کردیاد و وەگەردێان قسیه کرد و تەقالا کردیا له تەورات موسای پەێخەمەر و کتاو پەێخەمەریل، له باوەت عیسا قانێیان بکێ.

کاریل ڕەسولەیل 17:17

جا له کەنیسه وەگەرد جویلەکەیل و یونانیەگان خوداپەرەس هەر ئیجوره هەر ڕوژ وه مەێدان شار وەگەرد ڕێویاریل باس کردیا.

کاریل ڕەسولەیل 26:28

ئاگریپاس وه پولوس وەت: «وه ئی زویه تواێ مه قانێ بکێ تا بومه مەسیحی؟»

کاریل ڕەسولەیل 19:26

ئەوجورە که دوینین و شنەفین، ئی پولوسه نه تەنیا وەناو ئەفسوس، بەڵکەم هەڵاێه وه سەرئانسەر ئاسیا، فرەێگ له مەردم قانێ کردێه و له ڕێ دەریان کردێه. ئەوه ئویشێ خودایل درس کریاێ وه دەس بەشەر، خودا نین.

کاریل ڕەسولەیل 19:8

ئمجا پولوس چیه ئەڕا کەنیسه و ئەوره سێ مانگ وه ئازای قسیه کردیاد و له باوەت پادشاێ خودا، مەردمەگه قانێ کردیاد.

کاریل ڕەسولەیل 18:13

وەتن: «ئی پیا مەردم وادار کێ تا وەگەرد ڕێ رەوشتێگ وه پێچەوانەێ شەریعەت، خودا بپەرەسن.»

کاریل ڕەسولەیل 17:11

جویلەکەیل نیشتەجێ ئەوره له جویلەکەیل تسالونیکی نەجیم تر بین. ئەوانه کەڵام خودا وه تاسەوه قەبوڵ کردن و هەر ڕوژ وردەو بویانه کتاو موقەدەس تا وه ڕاسدرسی قسیەیل پولوس دڵنیا بون.

کاریل ڕەسولەیل 13:14

ئەوانه له پرجەوه ڕەد بین و ڕەسینه شار ئەنتاکیەێ پیسیدیه. وه ڕوژ شەبات که هەر ئەو شەمەێ موقەدەس جویلەکەیله، چینه ناو کەنیسه و دانیشتن.

لوقا 16:31

ئێبراهیم وەپێ وەت: ”ئەگەر گوش نێەنه موسا و پەێخەمەریل، تەنانەت ئەگەر کەسێ وەناو مردگیل زنیەو بود، باوەڕ نیەکەن.»

لوقا 4:16

عیسا چیه ئەڕا شار ناسره که وه ئەوره گەورا بوی، وه ڕوژ شەبات که هەر ئەو شەمەێ موقەدەس جویلەکەیله، جور هەمویشه چیه ناو کەنیسه. هەڵسا تا کەڵام خودا بخوەنێ.

یوحەنا 7:35

جویلەکەیل وه یەکترەکی وەتیان: «ئی پیا تواێ بچوده ئەڕا کوره که ئیمه پەێاێ نیەکیم؟ یانێ تواێ بچوه ئەڕا لاێ جویلەکەیلێگ که وەناو یونانیەگان تەفرتویناوه بینه و یونانیەگان تالیم بێی؟

کاریل ڕەسولەیل 9:20

ئەوه زویزی وەناو کەنیسەيل جار دیاد که عیسا کوڕ خوداس.

کاریل ڕەسولەیل 14:1

وەناو شار قونیەیش پولوس و بەرنابا چینه ناو کەنیسەی جویلەکە و جورێ قسیه کردن که قێر فرەێگ له جویلەکەیل و یونانیەگان ئیمان هاوردن.

کاریل ڕەسولەیل 18:19

وەختێ ڕەسینه شار ئەفسوس، پولوس ئەوانه هیشتەجێ و خوەێ چیه ئەڕا کەنیسه و وەگەرد جویلەکەیل نیشته قسیه و باس کردن.