کاریل ڕەسولەیل 18:12 - کتاب مقدس به زبان کردی جنوبی - گویش کلهوری

¹² وەلێ وەختێ گالیو، فەرمانرەواێ شار ئەخائیه بی، جویلەکەیل دەس وه یەکی کردن و ڕشیانه سەر پولوس و بردنێ ئەڕا دادگا،

کاریل ڕەسولەیل 18:12 Referans Kwoze

کاریل ڕەسولەیل 18:27

وەختێ ئاپولوس تواسیا بچوده ئەڕا ئەخائیه، برایل هانێ دان و ئەڕا شاگردەگان نویسان تا وه گەرمی بچنه پیریەو. وەختێ ئاپولوس ڕەسیه ئەوره، وه کەسیلێگ که له ڕێ فیز ئیمان هاوردوین، مەیەت فرەێگ دا.

کاریل ڕەسولەیل 13:50

وەلێ جویلەکەیل، ژنيل خوداپەرەس و بەناوبانگ و هەرئیجوره پیاێل ناودار شار ڕشاننه یەکا و وه زد پولوس و بەرنابا گاڵدان. جا عەزاوێان دان و له ئەو مەنتەقه دەرێان کردن.

کاریل ڕەسولەیل 13:7

ئەوه وەگەرد ’سرگیوس پولوس‘ فەرمانرەوا، دوس بی. فەرمانرەوا که پیاێگ زانا بی، بەرنابا و شائول دەنگ کرد تا بانه ئەڕا لاێ چوینکه تواسیا پێخام خودا بشنەفێ.

دویم قورنتییل 11:10

وه ئەو ڕاسی مەسیحه که ها ناو من قەسەم، هویچکەس وەناو مەنتەقەیل ئەخائیه ئی شانازی منه له لێم نیەسیندێ.

دویم قورنتییل 9:2

ئەڕا ئیه که له تاسەدان ئەڕا مەیەت داین ئاگادارم. وه ئی بونه له لاێ ئیمانداریل مەنتەقەێ مەقدونیه شانازی وەپێدان کردمه. وەپێان وەتمه که ئیوه له ناوچەێ ئەخائیه له پارەکه‎ ئەڕا هدیه داین گورجەو بوینه. ئی ئەزرەتدانه فێشتر ئەوانه ئەڕا ئی کاره هان داس.

دویم قورنتییل 1:1

له پولوس که وه خاست خودا ڕەسول عیسا مەسیحه و براگەمان تیموتاوس، وه کلیساێ خودا وەناو شار قورنتوس و گشت ئیمانداریل وه مەسیح وەناو سەرئانسەر ناوچەێ ئەخائیه:

یەکم قورنتییل 16:15

زانين که بنەماڵەێ ئستفاناس یەکمین کەسیلێگ بین که وه ناوچەێ ئەخائیه ئیمان هاوردن، جا خوێان خەریک خزمەت وه ئیمانداریل وه مەسیح کردنه. ئێ برایل، لاڵکمه پێدان

رومیەگان 15:26

چوینکه کلیسایل مەنتەقەیل مەقدونیه و ئەخائیه خوەشنود بین له ئیه که مەیەت کل بکەنه ئەڕا دەستەنگیلێ که هانه ئورشەلیم که وه مەسیح ئیمان دێرن.

کاریل ڕەسولەیل 25:10

وەلێ پولوس وەت: «ئێرنگه وەناو دادگای قیسەر وسامه، که باێه وه ئێرا دادگایی بکریەم. ئیوه خوەدان خاس زانین که هویچ خەتایگ وه جویلەکەیل نەکردمه.

کاریل ڕەسولەیل 17:13

وەلێ وەختێ جویلەکەیل تسالونیکی زانستن که پولوس وه بیریەیش کەڵام خودا بڵاو کێ، چینه ئەوره و مەردم گاڵدان و شێرێان کردن.

کاریل ڕەسولەیل 14:19

وەلێ جویلەکەیلێگ له ئەنتاکیه و قونیه هاتن و مەردمەگه وەگەرد خوێان یەکی کردن و پولوس کوچگواران کردن و وه گومان ئیه که مردگه، له شار کڕاننەێ دەیشت.

کاریل ڕەسولەیل 14:2

وەلێ ئەو جویلەکەیله که ئیمان ناوردوین، ناجویلەکەیل گاڵدان و فکرێان له باوەت برایل، خراو کردن.

ئنجیل مەتا 27:19

وەختێ پیلاتوس وه سەر تەخت داوەری دانیشتوی، ژنەگەێ ئیجور پێخامێگ ئەڕاێ کل کرد: «وەگەرد ئەو پیاێ سالحانه کارێ نیاشتو، چوینکه ئیمڕو خەوێگ له باوەت ئەیو دیمه که وەبونەێ ئەو خەوه رەنج فرەێگ کیشام.»

یاقوب 2:6

وەلێ ئیوه وه دەستەنگ بی حرمەتی کردینه. ئێ مەگەر هەر ئی دەوڵەمەنیله نین که وه ئیوه ستەم کەن و کیشنەدانه دادگا؟

رومیەگان 16:5

هەر ئیجوره وه کلیساێگ که ها ناو ماڵەگەێان سڵام برەسنن. وه ئپینتوس عەزیزم سڵام برەسنن، که یەکمین کەسێگ بی که وه ناوچەێ ئاسیا وه مەسیح ئیمان هاورد.

کاریل ڕەسولەیل 17:5

وەلێ جویلەکەیل حەسویی کردن و چەن نەفەر له جکجاێەڵیل بازار وه دەور یەکەو گردەو کردن و وەناو شار ئاژاوەێگ خستنه ڕێ و هویژم بردنه دەر ماڵ یاسون تا پولوس و سیلاس بارنه ناو جەماێەتەگه.

کاریل ڕەسولەیل 13:12

وەختێ فەرمانرەواگە دی چه هەڵکەفت، ئیمان هاورد، چوینکه له تالیمی که له باوەت خوداوەندەو دیان، سەری سڕ مەنوی.

یوحەنا 19:13

جا وەختێ پیلاتوس ئی قسیەیله شنەفت، عیسا برده دەیشت و خوەێ له سەر کورسی داوەری دانیشت، وەشونێگ که وەپێ وەتیان ’کوچگچن‘ که وه زوان ئارامی وەپێ ئویشن ’جەباتا‘.

کاریل ڕەسولەیل 13:8

وەلێ علیماس جادوکەر - که ماناێ ناوێ زانا بی - وه نوایان وساد و تەقالا کردیا تا نێلی فەرمانرەوا ئیمان بارێ.

کاریل ڕەسولەیل 18:11

جا پولوس یەێ ساڵ و کوتێگ وه ئەوره مەن و پێخام خودا وەپێان تالیم دا.

کاریل ڕەسولەیل 19:21

جا لەشون ئی هەڵکەفتیلە، پولوس وە ڕێنمایی روح تواس تا له ڕێ مەقدونیه و ئەخائیه، بچوده ئەڕا شار ئورشەلیم. وەت: «وەشون ئیه که چیمه ئەوره، باێه سەرێگیش بێەمە روم.»

دویم قورنتییل 11:26

هەمویشه وەناو گەردیان بیم و له هەر لاێگەو تویش خەتەر هاتیام: خەتەر گوزیشتن له چەمیل، خەتەر ڕێگریل؛ خەتەر له لاێ قەومەگەم، خەتەر له لاێ ناجویلەکەیل؛ خەتەر وەناو شار، خەتەر وەناو بیاوان، خەتەر وەناو دەریا؛ خەتەر له لاێ برایل دروەکانی.

یەکم تسالونیکییل 2:14

چوینکه ئێ برایل، ئیوه له کلیسایل خودا له ناوچەێ یەهودیه که وەناو مەسیح عیسان، نمونه گردین: چوینکه ئیوه له هاووڵاتییل خوەدان، هەر ئەو عەزاویله دین که ئەوانه له جویلەکەیل دین،

یەکم تسالونیکییل 2:16

و نێیلن ئیمه وەگەرد ناجویلەکەیل قسیه بکێم تا نجات پەێا بکەن. وەئیجوره هەمویشه پەێمانەی گونایلێان نیقەڵتوزەو کەن. وەلێ خەزەو خودا دەس ئاخر وه ملێانەو ڕشیاس.