کاریل ڕەسولەیل 17:3 - کتاب مقدس به زبان کردی جنوبی - گویش کلهوری

³ ئەڕاێان شێو کردیاد و مدو هاوردیا که باێه مەسیح رەنج بکیشێد و له مردگیل زنیەو بود. ئەوه وەتیا: «ئی عیسا که ئەڕادان جاڕێ دام، هەر ئەو مەسیح وادەدریایەسه.»

کاریل ڕەسولەیل 17:3 Referans Kwoze

کاریل ڕەسولەیل 18:28

چوینکه وه هێزەو وه نوای گشتیەکی وەگەرد جویلەکەیل قسیه و باس کردیا، باوەڕیلێان وەگەرد مدویل قورس ڕەد کردیاد و له ڕێ کتاو موقەدەس سابت کردیاد که عیسا هەر ئەو مەسیح وادەدریایەسه.

کاریل ڕەسولەیل 9:22

وەلێ شائول هەر ڕوژ تویەناتر بیاد و جویلەکەیل دەمشق دەمکوت کردیا و سابت کردیاد که عیسا، هەر ئەو مەسیحەسه.

لوقا 24:32

ئەوانه وه یەکترەکی پرسین: «دیده چوی وەختێ وەناو ڕێ وەگەردمان قسیه کردیا و کتاو موقەدەس ئەڕامان شێو کردیا، دڵمان ڕپەی ناتیاد و تواسیا ئاگر بگرێ؟»

کاریل ڕەسولەیل 3:18

وەلێ خودا ئەو چشته که وه زوان گشت پەێخەمەریل پێشگویی کردوی، هاورده دی: که مەسیحەگەێ رەنج کیشێد.

لوقا 24:46

وەپێان وەت: «نویسریاس که مەسیح باێه رەنج بکیشێ و ڕوژ سێیەم وەناو مردگیل زنیەو بود،

نامه وە غەلاتییل 3:1

ئێ غەلاتییل نەزان، کی جادودان کردێه؟ مردن عیسا مەسیح وه ڕوشنی ئەڕادان شێو کریا جوری که چماێ لەنواێ چەویلدان وه سەلیب کیشریا.

کاریل ڕەسولەیل 1:4

یەێ جار وەختێ وەگەردێانەو نان خواردیا، وەپێان دەستور دا که: «له ئورشەلیم نەچینه دەیشت، بەڵکەم چەوەڕێ ئەو وادەێ باوگه بوین که له منا شنەفتینه.

یوحەنا 20:9

چوینکه هێمراێ کتاو موقەدەس نەفاموین که عیسا باێه له مردگیل زنیەو بود.

لوقا 24:44

ئمجا وەپێان وەت: «ئیه هەر ئەوەسه که وەختێ وەگەرددانەو بیم، وەتیام؛ که گشت ئەو چشتیله وەناو تەورات موسا و کتاو پەێخەمەریل و زەبور داود له باوەت مه نویسریاس، باێه وه ئەنجام برەسێ.»

کاریل ڕەسولەیل 18:5

وەختێ سیلاس و تیموتاوس له مقدونیه هاتن، پولوس گشت وەخت خوەێ خەریک بانگەوازی کەڵام خودا کرد و وه جویلەکەیل شاێەتی دیاد که عیسا هەر ئەو مەسیحەسه.