کاریل ڕەسولەیل 16:9 - کتاب مقدس به زبان کردی جنوبی - گویش کلهوری

⁹ هەر ئەو شەوه، پولوس رویاێگ دی که پیاێگ مەقدونی وساسه نوای، لاڵکیاده پێ و وەتیا: «بەو ئەڕا مەقدونیه و مەیەتمان بیه.»

کاریل ڕەسولەیل 16:9 Referans Kwoze

کاریل ڕەسولەیل 19:21

جا لەشون ئی هەڵکەفتیلە، پولوس وە ڕێنمایی روح تواس تا له ڕێ مەقدونیه و ئەخائیه، بچوده ئەڕا شار ئورشەلیم. وەت: «وەشون ئیه که چیمه ئەوره، باێه سەرێگیش بێەمە روم.»

کاریل ڕەسولەیل 18:5

وەختێ سیلاس و تیموتاوس له مقدونیه هاتن، پولوس گشت وەخت خوەێ خەریک بانگەوازی کەڵام خودا کرد و وه جویلەکەیل شاێەتی دیاد که عیسا هەر ئەو مەسیحەسه.

رومیەگان 15:26

چوینکه کلیسایل مەنتەقەیل مەقدونیه و ئەخائیه خوەشنود بین له ئیه که مەیەت کل بکەنه ئەڕا دەستەنگیلێ که هانه ئورشەلیم که وه مەسیح ئیمان دێرن.

کاریل ڕەسولەیل 20:1

وەختێ ئاژاوەگه خەفت، پولوس شاگردەگان چڕێ و وەشون ئیه که هانێان دا، وەگەردێان ماڵئاوایی کرد و وەرەو مقدونیه کەفته ڕێ.

یەکم تسالونیکییل 4:10

وه ڕاسی که وه گشت برایل له سەرئانسەر مەنتەقەێ مەقدونیه مابەت کین. وەلێ ئێ برایل، لاڵکێیمنه پێدان که ئی کاره فرەتر و فرەتر وه جێ بارین.

دویم قورنتییل 12:7

وەلێ ئەڕا ئیه که گەورایی بی ئەنازەی ئی وەحیێله لویتبەرزم نەکێ، دڕگیگ وەناو جەسه دریاسه پێم، جور کل کریاێ شەیتان، تا عەزاوم بێی، تا که لویتبەرز نەوم.

دویم قورنتییل 11:9

جا وەختێ وەگەرددان بیم و هەوەجیم وه چشتێگ کەفتوی، بارێگ نەناویمه سەر کوڵ کەسێگ، ئەڕا ئیه که برایلێ که له مەنتەقەێ مەقدونیەوه هاتوین هەوەجییەلم پەرچەو کردن. جا مه بێ گومان بارێگ وه سەر کوڵدان نویمه و وەشون ئیەیشه نیوم.

دویم قورنتییل 9:2

ئەڕا ئیه که له تاسەدان ئەڕا مەیەت داین ئاگادارم. وه ئی بونه له لاێ ئیمانداریل مەنتەقەێ مەقدونیه شانازی وەپێدان کردمه. وەپێان وەتمه که ئیوه له ناوچەێ ئەخائیه له پارەکه‎ ئەڕا هدیه داین گورجەو بوینه. ئی ئەزرەتدانه فێشتر ئەوانه ئەڕا ئی کاره هان داس.

دویم قورنتییل 8:1

ئێرنگه ئێ برایل، توایم له فیزێگ که خودا وه کلیسایل مەنتەقەێ مەقدونیه بەخشاس، ئاگاداردان بکەم.

دویم قورنتییل 7:5

ئەڕا ئیه که وەختێ ڕەسیمنه مەنتەقەێ مەقدونیه، لەشمان ئاشاسێگ نیاشت، بەڵکەم له هەر لاێگەو وەناو بەرد بویمن - وه دەیشت مرافەیل داشتیم و لەناو زاورچین.

کاریل ڕەسولەیل 20:3

سێ مانگ وه ئەوره مەن. وەختێ تواسیا وەگەرد کەشتی بچوده سوریه، جویلەکەیل ئەڕاێ نەخشه کیشان. جا تواس له ڕێ مقدونیه باێدەو.

کاریل ڕەسولەیل 10:30

کورنلیوس وەت: «چوار ڕوژ پێش هەر ئی وەخته، نزیک سات سێ نیمەڕو، له ماڵ خوەم خەریک دوعا بیم. که لەناکاوه پیاێگ وه دڵنگێگ نویرانی وه نوام وساد و

کاریل ڕەسولەیل 10:3

یەێ ڕوژ نزیک سات سێ دویانیمەڕو ئاشکرا وەناو رویا دی که فریشتەێ خودا هاته لاێ وەپێ وەت: «ئێ کورنلیوس!»

کاریل ڕەسولەیل 9:38

چوینکه لوده نزیک یافا بی، وەختێ شاگردیل ئاگادار بین که پتروس ها ئەوره، دو نەفەر کل کردنه ئەڕا لاێ و وەتنه پێ: «بیزامەت زویزی خوەد برەسنه لامان.»

کاریل ڕەسولەیل 16:10

وەختێ ئی رویا دی، زویزی کەفتیمنه ڕێ وەرەو مەقدونیه، چوینکه دڵنیا بیمن که خودا دەنگمان کردێه تا وه ئەوانه مزگانی بێیم.

کاریل ڕەسولەیل 16:12

له ئەوره چیمنه ئەڕا فیلیپی که یەکی له گرنگترین شاریل ناوچەێ مەقدونیه و ژێر دەس روم بی، چەن ڕوژیگ وه ئەو شاره مەنیمن.

کاریل ڕەسولەیل 19:22

ئمجا دو نەفەر له یاریدەریلێ، تیموتاوس و ئراستوس کل کرد ئەڕا مەقدونیه و خوەێ قێرێ وه ناوچەێ ئاسیا مەن.

کاریل ڕەسولەیل 19:29

ئاژاوە کەفته ناو گشت شارەگه! مەردم هویژم بردن و گایوس و ئاریستارخوس که له مەردم مەقدونیه و له هاوڕێیل پولوس بین، کڕاننێانه ناو تماشاخانەێ شار.

کاریل ڕەسولەیل 27:2

جا سوار کەشتیێگ بیمن که له ئەدرامیتینوس هاتیاد و چیاده ئەڕا چەن بەندەر له ناوچەێ ئاسیا و کەفتیمنه ڕێ. ئاریستارخوس مەقدونی وەگەردمانەو بی که له مەردمیل تسالونیکی بی.