کاریل ڕەسولەیل 16:3 - کتاب مقدس به زبان کردی جنوبی - گویش کلهوری

³ پولوس تواسیا وەگەرد خوێەو بویدەێ، جا وەبونەێ جویلەکەیلی که وه ئەو مەنتەقه زنەیی کردیان، خەتەنەێ کرد، ئەڕا ئیه که گشت زانستيان باوگێ یونانیە.

کاریل ڕەسولەیل 16:3 Referans Kwoze

نامه وە غەلاتییل 2:3

وەلێ تەنانەت تیتوس که وەگەردمەو بی، هەرچەن یونانی بی، زوره لێ نەکردن تا خەتەنه بود.

یەکم قورنتییل 9:20

له لاێ جویلەکەیل جور جویلەکە زنەیی کردم، تا جویلەکەیل وه ئیمان بارم. ئەڕا ئەوانه که هانه ژێر شەریعەت، خوەم جور کەسێگ کردم که ها ژێر شەریعەت، هەر چەن خوەم وه ژێر شەریعەت نویم - تا ئەوانه که هانه ژێر شەریعەت وه ئیمان بارم.

نامه وە غەلاتییل 5:6

چوینکه وه ناو مەسیح عیسا نه خەتەنه بین و نه خەتەنه نوین هویچ نیەتیەرزێد، بەڵکەم تەنیا ئەو ئیمانه گرنگه که وه پێ مابەت کار کەی.

نامه وە غەلاتییل 2:8

چوینکه خوداێگ که هێز داده پتروس تا ڕەسول خەتەنه کریایل بود وه منیش هێز دا تا بومه ڕەسول ناجویلەکەیل.

یەکم قورنتییل 7:19

ئەڕا ئیه که خەتەنه کردن یا نەکردنی گرنگ نیه، بەڵکەم وه جێ هاوردن حوکمیل خودا گرنگه.

کاریل ڕەسولەیل 15:40

وەلێ پولوس، سیلاس هەڵوژارد، وەشون ئیه که برایل سپاردنەێ دەس فیز خوداوەند، کەفته ڕێ.

کاریل ڕەسولەیل 15:37

بەرنابا تواس یوحەناێ ماروف وه مەرقوسیش وەگەرد خوەێ بوەید،

کاریل ڕەسولەیل 15:20

بەڵکەم باێه ئەڕاێان بنویسیم که له چشتیلی که وەخاتر پیشکەشی وه بتیل ناپاکەو بینه و له خیزی و گوشت گیانەوەریل خنکریای و خوین، دویرێ بکەن.

نامەێ فیلیپییل 2:22

وەلێ ئیوه زانين که تیموتاوس ئەزمون خوەێ داسەو، چوینکه وەگەردمەو، هەر جور کوڕێگ وەگەرد باوگ خوەێ، وەناو کار ئینجیل خزمەت کردێه.