کاریل ڕەسولەیل 14:1 - کتاب مقدس به زبان کردی جنوبی - گویش کلهوری

¹ وەناو شار قونیەیش پولوس و بەرنابا چینه ناو کەنیسەی جویلەکە و جورێ قسیه کردن که قێر فرەێگ له جویلەکەیل و یونانیەگان ئیمان هاوردن.

کاریل ڕەسولەیل 14:1 Referans Kwoze

کاریل ڕەسولەیل 18:4

ئەوه هەر شەبات که هەر ئەو شەمەێ موقەدەس جویلەکەیله، وەناو کەنیسه باس کردیاد و تەقالا کردیاد تا جویلەکەیل و یونانیەگان قانێ بکێ.

کاریل ڕەسولەیل 13:51

وەلێ پولوس و بەرنابایش وه نیشانەێ ئیه که ئاگر خەزەو خودا تێدە ملێانەو، توز پایلێان وه زدیان تەکانن و چین وەرەو شار قونیه.

کاریل ڕەسولەیل 13:46

ئمجا پولوس و بەرنابا وه ئازای وەتن: «باێه پێخام خودا وەرجه گشتیەکی ئەڕاێ ئیوه بویشرێی. وەلێ وەبونەێ ئیەکه ڕەدێ کردین و خوەدان شایسەێ زنەیی ئەبەدی نەزانستین، ئەوەسه چیمنه ئەڕا لاێ ناجویلەکەیل.

کاریل ڕەسولەیل 14:21

ئەوانه وه ئەو شاریشه مزگانی دان و قێر فرەێگ کردنه شاگرد. ئمجا هاتنەو ئەڕا لستره و قونیه و ئەنتاکیه.

نامه وە غەلاتییل 3:28

دیتر نه جویلەکە مانا دێرێ نه یونانی، نه خوڵام نه ڕزگار، نه پیا نه ژن، چوینکه ئیوه گشتدان وەناو مەسیح عیسا یەکیگین.

رومیەگان 10:12

چوینکه له بین جویلەکە و یونانی جیاوازیگ نیه، ئەڕا ئیەک هەر ئەو خوداوەنده، خوداوەند گشتیەکیگه و فره فره بەەرکەت دەێه گشت ئەوانه که ئەیو بچڕن.

رومیەگان 1:16

چوینکه مه له ئینجیل شەرمزار نیم، ئەڕا ئیەکه هێز خوداس ئەڕا نجات هەر کەسێگ که ئیمان بارێ، یەکم جار جویلەکە و لەشونی یونانی.

کاریل ڕەسولەیل 19:17

ئی هەڵکەفته ڕەسیه گوش نیشتەجێیل ئەفسوس، چ جویلەکە و چ یونانی گشت خەوەردار بین، ترس هاته سەر گشتێان، جوری که فره حرمەت ناو خوداوەند عیسا گردیان.

کاریل ڕەسولەیل 19:8

ئمجا پولوس چیه ئەڕا کەنیسه و ئەوره سێ مانگ وه ئازای قسیه کردیاد و له باوەت پادشاێ خودا، مەردمەگه قانێ کردیاد.

کاریل ڕەسولەیل 18:8

کریسپوس، سەروک کەنیسه، خوەێ و گشت بنەماڵەگەێ وه خوداوەند ئیمان هاوردن. هەر ئیجوره قێر فرەێگ له مەردم شار قورنتوس وەختێ پێخامەگه شنەفتن، ئیمان هاوردن و خوسڵ تەعمید گردن.

کاریل ڕەسولەیل 17:12

هەر ئیجوره، قێر فرەێگ له جویلەکەیل و قێر فرەێگ له ژن و پیاێل بەناوبانگ یونانی ئیمان هاوردن.

کاریل ڕەسولەیل 17:4

بڕێگ له ئەوانه، هەر ئیجوره قێر فرەێگ له یونانیەگان خوداپەرەس و جەم گەوراێگ له ژنيل بەناوبانگ که ژمارەیانیش کەم نوی، قانێ بوین و له لاێ پولوس و سیلاس، ئیمان هاوردن.

کاریل ڕەسولەیل 13:43

جا وەشون ئیه که مەردم له کەنیسەگه دانه‌ دەیشت، قێر فرەێگ له جویلەکەیل و خوداپەرەسەیلێ که بوینه جویلەکە، کەفتنه شون پولوس و بەرنابا. ئەوانیش ئەڕاێان قسیه کردن تا وەناو فیز خودا بەردەوام بمینن.

کاریل ڕەسولەیل 11:21

دەس خوداوەندیش وەگەردێان بی و قێر فرەێگ ئیمان هاوردن و ڕوی کردنه خوداوەند.

کاریل ڕەسولەیل 9:20

ئەوه زویزی وەناو کەنیسەيل جار دیاد که عیسا کوڕ خوداس.

کاریل ڕەسولەیل 21:28

هاوار کردیان: «ئێ ئێسرائیلیل، مەیەتمان بێەن؛ ئیه هەر ئەوەسه که وه گشت جێ وه دشمەنی قەوم ئیمه و شەریعەت و ئی شونه، گشتیەکی تالیم دەێ. تەنانەت یونانیەگانیش هاوردێەسه ناو مابەد و ئی شون موقەدەسه ناپاکەو کردێه.»

کاریل ڕەسولەیل 20:21

هەم وه جویلەکەیل و هەم یونانیەگان شاێەتی دامه که باێه توبه بکەن و ڕوی بارنه خودا و ئیمان بارنه خوداوەند ئیمه عیسا مەسیح.

کاریل ڕەسولەیل 17:17

جا له کەنیسه وەگەرد جویلەکەیل و یونانیەگان خوداپەرەس هەر ئیجوره هەر ڕوژ وه مەێدان شار وەگەرد ڕێویاریل باس کردیا.

کاریل ڕەسولەیل 16:1

پولوس هاته ئەڕا شاریل دربه و لستره. وه ئەوره شاگردێگ تیموتاوس ناو زنەیی کردیا، داڵگێ جویلەکە و ئیماندار بی، وەلێ باوگێ یونانی بی.

کاریل ڕەسولەیل 14:2

وەلێ ئەو جویلەکەیله که ئیمان ناوردوین، ناجویلەکەیل گاڵدان و فکرێان له باوەت برایل، خراو کردن.

کاریل ڕەسولەیل 13:5

وەختێ ڕەسینه شار سەلامیس، پێخام خودا وەناو کەنیسەیل جویلەکە بانگەوازی کردن. یوحەنا که وەپێ وەتیان مەرقوس، یاریدەرێان بی.

یوحەنا 12:20

وەناو کەسیلێ که ئەڕا پەرەسین خودا وەناو جەشن پسەخ هاتوینه ئەڕا ئورشەلیم، بڕێگ یونانی بین.

یوحەنا 7:35

جویلەکەیل وه یەکترەکی وەتیان: «ئی پیا تواێ بچوده ئەڕا کوره که ئیمه پەێاێ نیەکیم؟ یانێ تواێ بچوه ئەڕا لاێ جویلەکەیلێگ که وەناو یونانیەگان تەفرتویناوه بینه و یونانیەگان تالیم بێی؟

نامه وه کولوسییل 3:11

وەناو ئی ئایەم تازه نه یونانی نه جویلەکە نه خەتەنه کریاێ نه خەتەنه نەکریای نه بەربەر نه سەکایی نه خوڵام نه ڕزگار دیتر مانا نێرید، بەڵکەم مەسیح گشت چشتێگەو ها ناو گشتیەکیگ.

نامه وە غەلاتییل 2:3

وەلێ تەنانەت تیتوس که وەگەردمەو بی، هەرچەن یونانی بی، زوره لێ نەکردن تا خەتەنه بود.

کاریل ڕەسولەیل 19:10

ئیه ئەڕا ماوەێ دو ساڵ بەردەوام بی، جورێ که گشت نیشتەجێیل ناوچەێ ئاسیا، چ جویلەکە و چ یونانی، کەڵام خوداوەند شنەفتن.

مەرقوس 7:26

ئەو ژنه که یونانی بی و له مەردمیل فینیقیەێ سوریه بی، لاڵکیاده عیسا تا دێو له دویەتەگەێ بکێده دەيشت.

کاریل ڕەسولەیل 2:47

ستایش خودا کردیان. لەلاێ گشت مەردم عەزیز بین؛ خوداوەندیش هەر ڕوژ ئەوانه که نجات پەێا کردیان، وه جەمیان فێشترەو کردیا.

کاریل ڕەسولەیل 14:19

وەلێ جویلەکەیلێگ له ئەنتاکیه و قونیه هاتن و مەردمەگه وەگەرد خوێان یەکی کردن و پولوس کوچگواران کردن و وه گومان ئیه که مردگه، له شار کڕاننەێ دەیشت.

کاریل ڕەسولەیل 16:2

برایل له شاریل لستره و قونیه، وه خاسێ ناوه لێ بردێان.

دویم تیموتاوس 3:11

عەزاویلێگ که کیشامه و رەنجیلێ که دیمه، دیده‎ و له ئەو چشته که له شاریل ئەنتاکیه، قونیه و لستره وه سەرمەو هات و عەزاویلێگ که و مه رەسێ، خاس ئاگاداری. وەلێ خوداوەند مه له ناو گشت ئەوانه دەراورد.