کاریل ڕەسولەیل 13:2 - کتاب مقدس به زبان کردی جنوبی - گویش کلهوری

² وەختێ که ئەوانه خوداوەند پەرەسیان و وه ڕوژه بین، روح‌القودوس فەرمایش کرد: «بەرنابا و شائول ئەڕام جیاێانەو بکێن، ئەڕا کارێ که دەنگیان کردمه.»

کاریل ڕەسولەیل 13:2 Referans Kwoze

نامه وە غەلاتییل 1:15

وەلێ وەختێگ خودا که وەرجه ئیه له زگ داڵگ بامه دنیا، جیامەو کردوی و وه فیز خوەێ دەنگم کردوی،

کاریل ڕەسولەیل 9:15

وەلێ خوداوەند وه حەنانیا وەت: «بچو، چوینکه ئی پیا دەفر هەڵوژاریای منه ئەڕا ئیه که ناو مه لەلاێ ناجویلەکەیل و پادشایلێان و قەوم ئێسرائیل بوەید.

دویم تیموتاوس 1:11

ئەڕا ئیه که مه هەڵوژاریامه تا بانگەوازیکەر، ڕەسول و ماموستاێ ئی ئینجیله بوم.

یەکم قورنتییل 12:11

گشت ئیانه هێز خوەێ له یەێ روح که هەر ئەو روح خوداسه گرێ، که هەر ئەوجورە که تواێ وه هەر کەسێ بەش دێ.

رومیەگان 1:1

له پولوس، خوڵام مەسیح عیسا، که دەنگ کریاس تا بوده یەێ ڕەسول، جیاوه بیه تا مزگانی ئینجیل خودا جار بیێ؛

یەکم نامەێ تیموتاوس 2:7

ئەڕا ئیه که مه هەر وه ئی بونه هەڵوژاریامه تا بانگەوازیکەر و ڕەسول و ماموستاێ ئیمان ڕاسەکانی ئەڕا ناجویلەکەیل بوم، ڕاس ئویشم و درو نیویشم.

کاریل ڕەسولەیل 22:21

«ئەیو وەپێم وەت: ”بچو؛ کلد کەم ئەڕا جایل دویر، ئەڕا لاێ ناجویلەکەیل.“»

کاریل ڕەسولەیل 14:26

له ئاتالیه وەگەرد کەشتیەو چینه ئەنتاکیه، یانێ شونێ که وەبونەێ خزمەتێ که ئەنجام داوین، سپاردوینێانه دەس فیز خودا.

نامه وه کولوسییل 4:17

وه ئارخیپوس بویشن: «هوشد بود تا خزمەتی که وەناو خوداوەند پەێا کردیده وه کەماڵ برەسنێ.»

لوقا 2:37

جا تا هەیشتا و چوار ساڵگی بێوه ژن مەنوی. حەنا هەراێهەر مابەدەگه نێشتویه جێ بەڵکەم شەو و ڕوژ، وه ڕوژه و دوعا خەریک پەرەسش بی.

دویم تیموتاوس 2:2

و ئەو چشته که له لاێ شاێەتیل فرەێگ له مه شنەفتی، وه مەردمیل ئەمینێگ بسپار که بتویەنن وه کەسێلێگتر یاێ بێەن.

ئەفسوسیێل 3:7

مه وه پێ خەڵاتی فیز خودا بیمەسه خزمەتکار ئی ئینجیله که وه وەسلەێ هێز ئەیو که ها ناو کار، بەخشریاسە پێم.

کاریل ڕەسولەیل 13:3

ئمجا، وەشون ڕوژه و دوعا، دەس نانه سەریان و مەسح و دەسنیشانێان کردن و کلێان کردنه ئەڕا گەردیان.

کاریل ڕەسولەیل 10:30

کورنلیوس وەت: «چوار ڕوژ پێش هەر ئی وەخته، نزیک سات سێ نیمەڕو، له ماڵ خوەم خەریک دوعا بیم. که لەناکاوه پیاێگ وه دڵنگێگ نویرانی وه نوام وساد و

کاریل ڕەسولەیل 10:19

وه ئەو وەخته که پتروس وه رویاگه فکر کردیا، روح خودا وەپێ وەت: «بنوڕ، سێ نەفەر مینێ تو کەن.

کاریل ڕەسولەیل 8:29

ئمجا روح خودا وه فیلیپوس وەت: «بچوه نوا و بکەفه گەرد ئەو ئەرابەێا.»

ئنجیل مەتا 9:38

جا، وه ساێو کشتکاڵەگه داوا بکەن تا کارکەریل ئەڕا درەو کشتکاڵەگەێ کل بکێ.»

ئنجیل مەتا 6:16

وەختێ ڕوژه گرین، جور دوڕوییل دەمچەو تیەڵ نەون، چوینکه ئەوانه دەمچەو خوێان گویڕنن، تا وه لاێ مەردم نیشان بێەن هانه ڕوژه. وه ڕاسی وەپێدان ئویشم، ئەوانه پاداش خوێان گردنه.

عبرانییل 5:4

هویچکەسێگ خوەێ ئی شانازی کاهن گەورا بوینه نیەکەێده هن خوەێ، بەڵکەم ئی شانازیه تەنیا زەمانێگ بوده نسیو کەسێگ که خودا ئەو ئایەمه دەنگ بکەی، هەر ئەوجورە که هارون دەنگ کرد.

دویم تیموتاوس 4:11

تەنیا لوقا ها گە‎رد منەو. مەرقوس هەڵگر وەگەرد خوەد بارێ، چوینکه ئەڕا خزمەتەگەم فایده دێرێد.

دویم تیموتاوس 4:5

وەلێ توی وه هەر حاڵێگەو هوشد بود؛ سەختییل ئەڕا خوەد هامارەو بکه؛ کار مزگانیدەر وه جێ بار و خزمەت خوەد وه کەماڵ وه جێ بار.

دویم قورنتییل 11:27

وەناو سەختی و مینەت، وەناو شەو نەخەفتەنیل فرەێگ؛ وەناو ورسیایی و تیەنیایی، فره وەختیل بی نان، وەناو سەرما و ڕویتی.

دویم قورنتییل 6:5

له وەخت فەڵەکه بینیل، وەناو زندانیل، وەناو ئاژاوەێیل، وەناو کاریل سەخت، وەناو شەونەخەفی، وەناو ورسیایی؛

یەکم قورنتییل 7:5

جا یەکترەکی له حەق ژن شویی بی‎بەش مەکەن، مەر وه رزایەت یەکترەکی و ئەڕا ماوەێ کەمێگ، تا خوەدان خەریک دوعا بکێن. ئمجا وەدواره وەگەرد یەکترەکی جفت بوین، نەخواێ شەیتان وەبونەێ ئیه که وەسەرخوەدان زاڵ نیەوین، بخەڵەتنێدەدان.

رومیەگان 15:16

تا بومه خزمەتکار مەسیح عیسا ئەڕا ناجویلەکەیل و خزمەت کاهنی جارداین ئینجیل خودا وه جێ بارم، تا ناجویلەکەیل پیشکەشی قەبوڵ کریاێگ بون وه دەرگاێ خودا که له ڕێ روح‌القودوس تەقدیس بینه.

رومیەگان 10:15

چوی بانگەوازی بکەن، ئەگەر کل نەکریەن؟ هەر ئەوجورە که وەناو کتاو ئەشعەیاێ نویسریاس: «چ ڕەنگینه پاێ کەسیلێ که ئەو مزگانیه بانگەوازی کەن.»

کاریل ڕەسولەیل 20:28

هوشدانه خوەدان و گشت ڕیەنێگ بود که روح‌القودوس ئیوه کردێەسه هێوەتکەر وه سەریان. شوانی کلیساێ خودا بکەن که وه خوین خوەێ سەندیەسێ.

کاریل ڕەسولەیل 6:4

وەلێ ئیمه خوەمان خەریک دوعا و خزمەت کەڵام کەیمن.»

لوقا 10:1

وەشون ئەوه، عیسا خوداوەند هەفتا نەفەرتریش دەس نیشان کرد و دو وه دو وەرجه خوەێ کلیان کرد ئەڕا هەر شار و هەر شونێگ که تواسیا بچود.

کاریل ڕەسولەیل 4:36

یوسفیش که له هوز لاوی له مەردم قپرس بی و ڕەسولەیل وەتیانه پێ بەرنابا که وه ماناێ ’کوڕ هاندەر‘ بی،

کاریل ڕەسولەیل 13:4

ئەو دو نەفەره که روح‌القودوس کلێان کردوی، چینه ئەڕا شار سلوکیه و له ئەوریشه له ڕێ دەریاوه چینه ئەڕا جەزیرەی قپرس.

ئنجیل مەتا 17:21

وەلێ ئی جنس دێوه بێجگه وه ڕوژه و دوعا دەر نیەکرێید.»