کاریل ڕەسولەیل 13:10 - کتاب مقدس به زبان کردی جنوبی - گویش کلهوری

¹⁰ «ئێ کوڕ شەیتان، ئێ دشمەن هەر چی سالح بوینه، که پڕ له فێڵ و فریوی! ئەڕا وه چەفت کردن ڕێیل ڕاس خوداوەند نیەوسیدەو؟

کاریل ڕەسولەیل 13:10 Referans Kwoze

یوحەنا 8:44

ئیوه وه باوگدان ئبلیس تالوق دێرین و تواین خاستەیل باوگدان وەجێ بارین. ئەوه له سەرەتاوه خوینکەر بی و وەگەرد ڕاسیەو میانەێگ نێرید، چوینکه هویچ ڕاسی وەناوێ نیه. هەر وەخت درو ئویشێ، له زات خوەێ ئویشێ؛ ئەڕا ئیه که دروزنه و باوگ گشت درویله.

نامه وە غەلاتییل 1:7

هەڵبەت ئینجیلێگ تر نیه، وەلێ کەسیلێگ هەن که پەشێودان کەن و توان که ئینجیل مەسیح بگویڕنن.

دویم قورنتییل 11:3

وەلێ ڕخم چود هەر ئەوجورە که حەوا فریو فێڵبازی مارەگه خوارد، فکریلدانیش له ئەو سەرسپردەیی ڕاسەکانی و خاڵسه که ئەڕا مەسیح دێرین، له ڕێ وه دەر بچود.

ئنجیل مەتا 13:38

زەویزار، ئی جهانەسه؛ تویەم خاسیش، ڕوڵەیل پادشایی خوەدان. غەلتاسەگان، ڕوڵەیل ئەو شەڕئاشونه؛

یەکم یوحەنا 3:8

هەر کەسێگ وەناو گونا زنەیی بکێ له ئبلیسه، چوینکه ئبلیس هەر له سەرەتا گونا کردیاد و گونا کەی. کوڕ خودا وه ئی بونه ئاشکرا بی تا کاریل ئبلیس نابود بکێ.

لوقا 11:52

وای وه حاڵ ئیوه ئێ قازییل شەریعەت! چوینکه کلیل ماریفەت هەڵگردینه، نه خوەدان چینه ناو، نه هیلین کەسیل تر بچنه ناو.»

دویم پتروس 2:15

ئەوانه ڕێ ڕاس نانەسه لا و له ڕێ دەرچینه. ئەوانه ڕێ بەلعام کوڕ بعور گردنەسه وەر که له ‎حەقدەس نادرسێ خوەشی هاتیاد.

کاریل ڕەسولەیل 20:30

تەنانەت وەناو خوەدان کەسیلێگ پەێا بون که ڕاسی چەواشه کەن، تا شاگردیل بکەنه پێرەو خوێان و له ڕێ وه دەر بکەن.

ئنجیل مەتا 23:13

«وای وه حاڵ ئیوه ماموستایل تەورات و فەریسیەیل، ئێ دوڕوییل! چوینکه ئیوه دەر پادشایی ئاسمان وه ڕوی مەردم بەسین؛ خوەدان نیەچینه ناو و نوای کەسیلێ که توان بچنه ناو، گرین.

ئنجیل مەتا 15:19

چوینکه له دڵه که فکریل خراو، خوین‎کردن، داوانپێسی، خیزی، دزی، شاێەتی درو، بخت کردن تێدە دەیشت.

ئنجیل مەتا 3:7

وەلێ وەختێگ یەحیا دی که قێر فرەێگ له زانایل فرقەیل فەریسی و سەدوقی ئەڕا خوسڵ تەعمید تیەنه ئەڕا لاێ، وەپێان وەت: «ئێ هەفی زادەیل کی هەڕەشه لێدان کرد تا له خەزەو وەرەڕوی دەر بچین؟

یوحەنا 1:23

یەحیا وەت: «مه دەنگ ئەوەمه که وه بیاوان هاوار کەی، ”ڕێ خوداوەند ڕاس بارن.“» درس هەر ئەوجورە که ئەشعەیاێ پەێخەمەر وەت.

لوقا 11:39

ئمجا عیسا خوداوەند وەپێ وەت: «ئیوه فەریسیەیل دەیشت پیاڵه و پێشقاو پاکەو کین، وەلێ وه ناخەو پڕ وه تەما و ناپاکیین!

ئەفسوسیێل 4:14

ئەو وەخته دی جور مناڵیل نیمن که تافیل وه ئی لا و ئەو لا فڕەمان دەن و هەر وای تالیمیل جورواجور و فەن و فيڵ ئایەمیل، وەناو نەخشەیلی که ئەڕا له ڕێ دەرچین کیشن، ئیمه وه ئی لاو ئەو لا فڕه بێید.