کاریل ڕەسولەیل 11:3 - کتاب مقدس به زبان کردی جنوبی - گویش کلهوری

³ «تو چیدەسه ماڵ خەتەنه نەکریایەگان و وەگەردێان نان خواردی!»

کاریل ڕەسولەیل 11:3 Referans Kwoze

کاریل ڕەسولەیل 10:28

جا وەپێان وەت: «ئیوه زانین که ڕەوا نیه جویلەکەێگ وەگەرد کەسیلێگ که له یەێ ملەتێگترن هات بچو بکێ یا بچوده ماڵیان. وەلێ خودا وەپێم نیشان داس که وه هویچکەس نویشم حەرام یا ناپاک.

نامه وە غەلاتییل 2:12

چوینکه وەرجه ئەوه که کەسیلێگ لەلاێ یاقوب بان، کیفا وەگەرد ناجویلەکەیل نان خواردیان، وەلێ هەر ئیه که ئەو دەسه هاتن چوینکه ڕخێه له ئەوانه که پامل خەتەنه کردن بین چیاد، پا کیشاده دویاوه و خوەێ جیاوه کرد.

لوقا 15:2

وەلێ زانایل فرقەێ فەریسی و ماموستایل تەورات وه خوتەخوت کردن وەتیان: «ئی پیا گوناکاریل قەبوڵ کەید و وەگەردێانەو هاوسفره بود.»

دویم یوحەنا 1:10

ئەگەر کەسێگ هاته ئەڕا لادان و ئی تالیمه ناورد، ڕێ میەنه ماڵەگەدان یا ڕوی خوەش وەپێ نیشان مەێه‌ن،

یەکم قورنتییل 5:11

وەلێ ئێرنگه ئەڕادان نویسم که وەگەرد کەسێگ که خوەێ وه برا زانی، وەلێ خیز، یا تەماکار یا بتپەرەس یا خراودەر یا سەرخوەشکەر یا فێڵبازه، هاتبچو نەکێن و تەنانەت وەگەرد ئیجور کەسێگ هاوسفره نەون.

کاریل ڕەسولەیل 10:48

جا دەستور دا وه ناو عیسا مەسیح تەعمیدیان بێەن. ئمجا له پتروس تواسن چەن ڕوژیگ وەگەردێانەو بمینێ.

کاریل ڕەسولەیل 10:23

جا پتروس دەنگیان کرد ئەڕا ماڵ تا بونه مێوانێ. ئی ڕوژەگەێ پتروس هەڵساد و وەگەردێان چی. هەر ئیجوره قێرێ له براگانێ وه مەردم یافایش وەگەردیەو چین.

ئنجیل مەتا 9:11

وەختێ زانایل فرقەێ فەریسی ئیه دین، وه شاگردەگان عیسا وەتن: «ئەڕا چه ماموستاگەدان وەگەرد باجگریل و گوناکاریل نان خوەێ؟»

یوحەنا 18:28

جا عیسا له لاێ قیافاوه بردنێ ئەڕا کاخ فەرماندار. شەوەکی شەفەق بی. ئەوانه خوێان نەچینه ناو کاخ فەرماندار تا ناپاک نەون تا بتویەنن نان پسەخ بخوەن.

کاریل ڕەسولەیل 10:32

کەسیلێ کل بکه ئەڕا یافا وەشون شەمعون ماروف وه پتروس تا بارنێ ئەڕا ئێرا. ئەوه لەلاێ شەمعون چەرمەوگر که ماڵەگەێ ها لیوەێ دەریا، مێوانه.“