کاریل ڕەسولەیل 1:16 - کتاب مقدس به زبان کردی جنوبی - گویش کلهوری

¹⁶ وەت: «ئێ برایل، ئەو نویسریاێ کتاو موقەدەسه باێه باتیاده دی که روح‌القودوس وەرجەوە له زوان داود پادشا له باوەت یەهودا وەتوی، که بیه ڕێنماێ کەسیلێ که عیسا دانه دەسەو.

کاریل ڕەسولەیل 1:16 Referans Kwoze

یوحەنا 13:18

ئیه که ئویشم له باوەت گشتدان نیه. من ئەوانه که هەڵوژاردمه، ناسمێان. وەلێ ئی قسیەێ کتاو موقەدەسه باێه وه دی باێ که ئویشێ ”ئەوه که نان مه خوارد، وەگەردمەو دشمەنی کردێه.“

کاریل ڕەسولەیل 1:20

«چوینکه وەناو کتاو زەبور نویسریاس: ”با ماڵەگەێ چوڵ بود و کەسێگ وه ئەوره نیشتەجێ نود،“ هەر ئیجوره هاتێه: «”با یەکیگ تر کارەگانێ بگرێه دەس.“

ئنجیل مەتا 26:56

وەلێ ئیانه گشتێ هەڵکەفتیه تا پێشگویییل پەێخەمەریل باێه دی.» ئمجا گشت شاگردەگان هیشتنەێ جێ و دەر چین.

ئنجیل مەتا 26:54

وەلێ چوی باێه پێشگویییل کتاو موقەدەس باێه دی که ئویشێ ئی چشتیله باێه هەڵبکەفێ؟»

ئنجیل مەتا 26:47

عیسا هێمراێ داشت قسیه کردیا که یەهودا، یەکی وه ئەو دوانزه شاگرده، وەگەرد جەماێەت فرەێگ که شمشێر و کوتەک له دەسێان بی، له لاێ سەران کاهنیل و شێخیل قەوم هاتن.

یەکم پتروس 1:11

ئەوانه تەقالا کردیان بزانن وەختێگ که روح مەسیح وەناو ئیانه، رەنجیل مەسیح و جەڵاڵ وەشون ئەو پێشگویی کردیاد، چ کەسێگ یا کام وەخت وەتیا.

مەرقوس 14:43

عیسا هێمراێ داشت قسیه کردیا که لەناکاوا یەهودا، یەکی له ئەو دوانزه شاگرده، وەگەرد قێرێ که شمشێر و کوتەک له دەسێان بی، له لاێ سەران کاهنیل و ماموستایل تەورات و شێخیل هاتن.

دویم پتروس 2:21

چوینکه ئەڕا ئەوانه خاستر بی که هویچ وەخت ڕێ سالح بوین نیەناسیان، تا ئیەک وه شون ناسینێ، له حوکم موقەدەسیگ که سپاریاسه پێان، هەڵوگەردن.

کاریل ڕەسولەیل 23:6

وەختێ پولوس زانست بڕێگیان له فرقەێ سەدوقین و بڕێگتر له فرقەێ فەریسی، کردی هاوار و وەت: «برایل، مه فەریسیم و کوڕ فەریسیگم. وەبونەێ ئمید وه زنیەو بوین مردگیله که دادگایی بوم.»

کاریل ڕەسولەیل 23:1

پولوس چەو بڕیە ئاڵ شورا و وەت: «برایل، مه تا ئیمڕو له لاێ خوداوه وەگەرد وژدان پاکێگەو زنەیی کردمه.»

کاریل ڕەسولەیل 22:1

«ئێ برایل و باوگیل، ئێرنگه گوش بێەنه دەفای که له خوەم کەم.»

کاریل ڕەسولەیل 15:7

وەشون ئیه که باس فرەێگ کردن، دەس ئاخر پتروس هەڵساد و وەپێان وەت: «ئێ برایل، ئیوه زانین که ماوەێگ پێش، خودا مه وەناودان هەڵوژارد تا ناجویلەکەیل له زوان من پێخام ئینجیل بشنەفن و ئیمان بارن.

کاریل ڕەسولەیل 13:38

جا، ئێ برایل، بزانن له ڕێ عیسا بەخشین گونایل وه پێدان جار دریاس.

کاریل ڕەسولەیل 13:15

لەشون خوەنین تەورات و کتاویل پەێخەمەریل، ڕابەریل کەنیسه کل کردنه ئەڕا لاێان و وەتن: «برایل، ئەگەر پێخامێگ ئەڕا ئاموژیاری ئی مەردمه دێرین، بویشن.»

کاریل ڕەسولەیل 7:2

ئستیفان وەت: «ئێ برایل و ئێ باوگیل گوش بێەنه لێم، خوداێ پڕ جەڵاڵ، وەختێ وه باوگمان ئێبراهیم ئاشکرا بی که وەناو بین النهرین نیشتەجێ بی، وەرجه ئەوه که بار بکێ ئەڕا میلکان حەران،

کاریل ڕەسولەیل 2:37

وەختێ ئیه شنەفتن، خەمبارەو بین، وه پتروس و ئەو باقی ڕەسولەگان وەتن: «ئێ برایل، چه بکێم؟»

کاریل ڕەسولەیل 2:23

ئی عیسا وه پێ نەخشه و پێشدانی خودا دریاد دەسدانەو، ئیوه وه دەس گوناباریل وه سەلیب کیشاینێ و کوشتینێ.

یوحەنا 19:36

ئیانه هەڵکەفت تا کتاو موقەدەس باێه دی که: «هویچکام له سقانیلێ نیەشکێ،»

یوحەنا 10:35

ئەگەر خودا کەسیلێ که کەڵامەگەێ ڕەسیەسه پێان، خودایل خوەنری - و ئیەیشه زانیم هویچ بەشێگ له کتاویل موقەدەس باێەخێان له دەس نیەن -

لوقا 22:47

عیسا هێمراێ داشت قسیه کردیا که یەێ بڕ له ڕێەو ڕەسین. یەهودا، که یەکی له ئەو دوانزه شاگرده بی، کەفتویه نواێان. ئەوه هاته نزیک عیسا تا ماچێ بکێ،

مەرقوس 12:36

داود، خوەێ وه وەحی روح‌القودوس، وەت: ”خوداوەند وه خوداوەند مه وەت: «وه دەس ڕاس مه بنیش تا وەختێ دشمەنیلد بکەمه کورسی ژێر پاد.“

کاریل ڕەسولەیل 28:25

ئمجا وەختێ وەگەرد یەکترەکی بیه دەمقاڵیان، ئەو شونه هیشتنەجێ. وەلێ وەرجه ئیه که بچن، پولوس کەڵام ئاخرێ ئەڕاێان وەت: «روح‌القودوس له ڕێ ئەشعەیاێ پەێخەمەر وه باپیریلدان چەنێ درس وەت:

کاریل ڕەسولەیل 28:17

وەشون سێ ڕوژ، پولوس گەورایل جویلەکە دەنگ کرد، وەختێ گردەو بین، وەپێان وەت: «برایل، هەر چەن هویچ دشمەنی وەگەرد قەومەگەمان و نەریت باپیریلمان نەکردویم وەلێ وه شار ئورشەلیم گردنەم و دانەمه دەس رومیەگان.

کاریل ڕەسولەیل 15:13

وەختێ قسیەيلیان تەمام بی، یاقوب وەت: «ئێ برایل، گوش بێەنه مه!

ئنجیل مەتا 26:14

ئمجا یەکی له ئەو دوانزه شاگرده که ناوێ یەهوداێ ئەسخەریوتی بی، چیه ئەڕا لاێ سەران کاهنیل و

یوحەنا 17:12

تا وەختێگ که وەگەردێانەو بیم، ئەوانه وه ئەو ناوده که تو بەخشایده پێم، پارێزانمێان و پاسەوانیان کردم. کەسێگیان نابود نوینه بێجگه کوڕ نابودی، تا قسیەێ کتاو موقەدەس باێه دی.

دویم پتروس 1:21

چوینکه هویچ نەبوەتێگ هویچ وەخت وه خاست ئنسان نیه، بەڵکەم ئایەمیل وه وەسلەێ روح‌القودوس له لاێ خوداوه قسیه کردن.