کاریل ڕەسولەیل 1:14 - کتاب مقدس به زبان کردی جنوبی - گویش کلهوری

¹⁴ ئیانه گشتێان وەگەرد ژنيل و هەر ئیجوره مریەم داڵگ عیسا و براگانێ، وه یەێ دڵ وەخت خوێان ناوینه ئەڕا دوعا کردن.

کاریل ڕەسولەیل 1:14 Referans Kwoze

ئەفسوسیێل 6:18

گشت وەختێگ، وه گشت جور دوعا و لاڵکیان، وەناو روح خودا دوعا بکەن. ئەڕا ئیه وه تەمام هوشیاریەو وه خەوەر بون و هەمویشه وه پاوه گەزداین ئەڕا گشت ئیمانداریل وه مەسیح دوعا بکەن.

کاریل ڕەسولەیل 6:4

وەلێ ئیمه خوەمان خەریک دوعا و خزمەت کەڵام کەیمن.»

نامه وه کولوسییل 4:2

وەناو دوعا کردن پا بینه گەز و بچنه نوا و وەناو دوعا وه شوکرکردن، هوشیار بون.

کاریل ڕەسولەیل 2:42

ئەوانه وەخت خوێان ناوین ئەڕا تالیم گردن له ڕەسولەیل و رەفاقەت و لەت کردن نان و دوعا.

رومیەگان 12:12

وەناو ئمید دڵشاد بون، وەناو بەرد سەور بیاشتون و وەناو دوعا بەردەوام بون.

لوقا 18:1

عیسا ئەڕا شاگردیل مەسلەتیگ هاورد تا نیشان بێید باێه هەمویشه دوعا بکەن و هەراێهەر دڵسەرد نەون.

ئنجیل مەتا 21:22

جا هەر چی وەناو دوعا وه ئیمان داوا بکێن، وه دەس تیەرێن.»

کاریل ڕەسولەیل 2:1

وەختێ ڕوژ پنتیکاست هات، گشت وه یەکەو له یەێ شون گردەو بوین.

لوقا 11:13

جا ئەگەر ئیوه وەگەرد گشت بەێ زاتیدان زانین که باێه وه مناڵیلدان خەڵاتییل خاس بیەین، چەنێ فرەتر باوگ ئاسمانیدان، روح‌القودوس وه هەر کەس که داوا له لێ بکێ، بەخشێدن.»

کاریل ڕەسولەیل 2:46

جا هەر ڕوژ، یەێ دڵ وەناو مابەد گردە‎و بویان، وەناو ماڵيل خوێانیش نان لەت کردیان و وه خوەشی و دڵپاکی وه یەکەو نان خواردیان و

لوقا 24:53

یەێ‌سەر وەناو مابەد بوین و سپاس و ستایش خودا کردیان.

ئنجیل مەتا 12:46

وه ئەو وەخته که هێمراێ عیسا وەگەرد مەردمەو قسیه کردیا، داڵگ و برایلێ وه دەیشت وساوین و تواسیان وەگەردێ قسیه بکەن.

لوقا 24:10

ژنیلی که ئی خەوەره وه ڕەسولەیل دان، مریەم مەجدەلیه، یوانا، مریەم داڵگ یاقوب و ژنیلێگ بین که وەگەردێانەو بین.

لوقا 23:55

ژنیلی که له جەلیلەو وەشون عیسا هاتوین، کەفتنه شون یوسف و مەقبەرەگه و جنازەگه دین که چوی نانەێ ناوێ.

لوقا 23:49

وەلێ گشت کەسیلێگ که عیسا ناسیان و ژنیلی که له جەلیل وەشونیەو کەفتوینه ڕێ، هاتوین وه ئەو دویرەو وساین و نوڕیانه ئی هەڵکەفتیله.

مەرقوس 16:1

وەختێ ڕوژ شەبات که هەر ئەو شەمەێ موقەدەس جویلەکەیله تەمام بی، مریەم مەجدەلیه و سالومه و مریەم، داڵگ یاقوب، چشتیل خوەش بویگ سەنن تا بچن بماڵنی جنازەێ عیسا.

مەرقوس 15:40

قێرێ له ژنيلیش له دویرەو نوڕیان. وەناوێان مریەم مەجدەلیه، مریەم داڵگ یاقوب بویچگ و یوشا و سالومه بین.

ئنجیل مەتا 27:55

قێرێ له ژنيلیش وه ئەوره بین و له دویرەو نوڕیان، ئەوانه له ناوچەێ جەلیل کەفتوینه شون عیسا و خزمەتی کردیان.

لوقا 24:33

ئمجا زویزی هەڵسان و هاتنەو ئەڕا ئورشەلیم. وه ئەوره ئەو یانزه ڕەسوله دین که وەگەرد ڕەفیقەگانێان گردەو بوین،

لوقا 8:20

ئمجا وەپێ خەوەر دان: «داڵگ و برایلد وه دەیشت وسانه توان بویننەد.»

یەکم قورنتییل 14:13

وه ئی بونه، ئەوه که وه زوانێگتر قسیه کێ باێه دوعا بکێ تا قسیەگانی هەڵوگەردنێ.