کاریل ڕەسولەیل 1:11 - کتاب مقدس به زبان کردی جنوبی - گویش کلهوری

¹¹ وەتن: «ئێ پیاێل جەلیلی، ئەڕا وساینه و چەو بڕینەسه ئاسمان؟ هەر ئی عیسا که له لاێ ئیوه بڕیاده ئاسمان، هەر ئەوجورە که دین چیه ئاسمان، وه دواره تێیدەو.»

کاریل ڕەسولەیل 1:11 Referans Kwoze

وەحی وه یوحەنا 1:7

بنوڕن ئەیو وەگەرد هەوریلەو تێید، و هەر چەوێگ دوینێدێ، تەنانەت چەو ئەوانه که سنان دانەلێ؛ و گشت هوزیل زەوی وه بونەێ ئازیەتباری کەن. بەڵێ ئیجوره بود. ئامین.

یەکم تسالونیکییل 4:16

چوینکه خوداوەند خوەێ وه فەرمانێگ که وه دەنگ بەرزه، وەگەرد دەنگ سەروک فریشتەیل و دەنگ شەیپور خودا، له ئاسمانەو تێدە خوار. ئەو وەخته یەکم جار ئیمانداریل وه مەسیح که مردنه، زنیەو بون.

مەرقوس 13:26

ئەو وەخته مەردم کوڕ ئنسان دوینن که وه هێز و جەڵاڵ گەوراێگ وەناو هەوریلەو تێی.

یوحەنا 14:3

ئمجا که چیم و شونێگ ئەڕادان گورجەو کردم، وەدواره تیەمەو بەمەدانه ئەڕا لاێ خوەم، تا ئەو شونه که مه هەم ئیوەیش بوین.

ئنجیل مەتا 25:31

«وەختێ کوڕ ئنسان وەناو جەڵاڵ خوەێ وەگەرد گشت فریشتەگان باێد، ئەوسا وه سەر تەخت پڕ جەڵاڵ خوەێ دانیشێد و

ئنجیل مەتا 24:30

ئمجا نیشانەێ کوڕ ئنسان وەناو ئاسمان کەفێه دەیشت، ئەوسا گشت هوزیل زەوی ئازیەتباری کەن و کوڕ ئنسانیش دوینن که وه هێز و جەڵاڵ فره گەوراێگ وه مل هەوریل ئاسمانەو تێید.

ئنجیل مەتا 16:27

«ئەڕا ئیه که کوڕ ئنسان وەناو جەڵاڵ باوگ ئاسمانی خوەێ وەگەرد فریشتەگانێ تێیدەو، ئەوسا دەسخوەشانەێ هەر کەسێگ وه پێ کردەوێ دەێدەو.

یەکم تسالونیکییل 1:10

و تا چەوەڕێ هاتن کوڕ خودا له ئاسمان بوین، هەر ئەوه که خودا له مردگیل زنیەو کرد، یانێ عیسا، که ئیمه له خەزەوێگ که ها له وەرەڕوی ڕزگاری بەخشێد.

لوقا 21:27

ئمجا کوڕ ئنسان دوینن که وه هێز و جەڵاڵ فره گەوراێگ وەناو هەوریگ تێد.

کاریل ڕەسولەیل 13:31

ماوەێ فرەێگیش ئەوانه که وەگەردیەو له ناوچەێ جەلیل هاتوینه ئەڕا ئورشەلیم وه چەو خوێان دینەێ، ئێرنگەیش له لاێ قەوم شاێەتی ئەڕاێ دەن.

لوقا 24:5

ژنیل ئەوقره زاورێان چوی که سەریان خستوینه خوار. ئەو دو پیا وەپێان وەتن: «ئەڕا چه وەناو مردگیل وەشون ئایەم زنیەو گەردین؟

کاریل ڕەسولەیل 3:12

وەختێ پتروس ئیه دی، ڕوی کرده مەردم و وەت: «ئێ پیاێل ئێسرائیل، ئەڕا له ئی هەڵکەفته ئەڵاجویدان تێد؟ ئەڕا ئیجوره چەو بڕینەسه ئیمه، چماێ وه هێز و پارێزکاری خوەمان کارێ کردیمنه تا ئی پیا بکەفیده ڕێ؟

کاریل ڕەسولەیل 2:7

ئەوانه حیران بین و سەریان سڕ مەن و وەتن: «ئێ مەر گشت ئیانه که قسیه کەن جەلیلی نین؟

مەرقوس 14:70

وەلێ پتروس وه دواره دا ژێرێ. قێرێ تر، کەسیلێ که وه ئەوره وساوین، یەێ جارتر وه پتروس وەتن: «بێ گومان تنیش یەکی له ئەوانەێ، چوینکه جەلیلید.»

ئنجیل مەتا 16:28

وه ڕاسی، وەپێدان ئویشم بڕێگ وه ئەوانه که وه ئێرا وسانه، تا کوڕ ئنسان نوینن که وەناو پادشاێ خوەێ تێدەو، تام مەرگ نیەکەن.»

مەرقوس 16:19

خوداوەند عیسا وەشون ئیه که ئی قسیەیله وەپێان وەت، بڕیاده ئاسمان بەرز و نیشته دەس ڕاس خودا.

کاریل ڕەسولەیل 1:2

تا ڕوژی که بەرزەو کریا، وەشون ئەوه که له ڕێ روح‌القودوس وه ڕەسولەیلێ که خوەێ هەڵوژاردوی دەستوریلێگ دا.

کاریل ڕەسولەیل 1:9

وەختێ عیسا قسیەيلی تەمام بی، ئەوانیشە هەر ئەوجورە که نوڕیانه پێەو، بەرزەو کریا و هەوریگ ئەیو له وەر چەویان شاردەو.

کاریل ڕەسولەیل 1:22

له وەخت تەعمید یەحیا تا ڕوژیگ که عیسا له لامان بەرزەو کریا، یەکی له ئەو پیاێله باێه وەگەردمانا بوده شاێەت زنیەو بین عیسا.»

کاریل ڕەسولەیل 3:21

که باێه بمێنێده ناو ئاسمان، تا وەخت خاسەو کردن گشت چشتێگ، هەر ئەو جوره که خودا له جارانەو وه زوان گشت پەێخەمەریل موقەدەس خوەێ وەتیه.

عبرانییل 9:28

مەسیحیش لەشون ئەوه که یەێ جار قوروانی بی تا گونایل قێر فرەێگ بگرێده سەر شانێ، دویم جار ئاشکراوه بود، نه ئەڕا پەرچەو کردن گونا، بەڵکەم تا ئەوانه که وه تاسەوه چەوەڕێ ئەوەن، نجات بێید.