دویم تیموتاوس 4:10 - کتاب مقدس به زبان کردی جنوبی - گویش کلهوری

¹⁰ چوینکه دیماس وه بونەێ دوس داشتن ئی جهانه وێڵم کردێه و چیەسه ئەڕا شار تسالونیکی. کریسکیس وەرەو شار غەلاتیه و تیتوسیش چیەسه ئەڕا شار دەلماتیه.

دویم تیموتاوس 4:10 Referans Kwoze

دویم تیموتاوس 1:15

ئاگاداری که نیشتەجێیل ناوچەێ ئاسیا، گشتێان له لێم ڕوی هەڵوگەرداننه که فیگلوس و هرموگنس له ئەوانەنە.

دویم قورنتییل 2:13

وەلێ وەدواره ئارام و قەرار نیاشتم چوینکه براگەێ خوەم تیتوس نیمەو. جا وەگەرد نیشتەجێیل ئەوره ماڵ‎ئاوایی کردم و چیمه ئەڕا مەنتەقەێ مەقدونیه.

کاریل ڕەسولەیل 16:6

وەختێ پولوس و هاوڕێەگانی له ناوچەێل فریجیه و غەلاتیه گوزیشتیان، روح‌القودوس ئەڕا رەسانن پێخام خودا وه ناوچەێ ئاسیا نوایان گرد.

نامه وه فیلیمون 1:24

هەر ئیجوره هاوکارەگانم، مەرقوس، ئاریستارخوس، دیماس و لوقا سڵامد رەسنن.

دویم تیموتاوس 4:16

له یەکمین دەفای مه، هویچکەسێگ پشتم نەگرد، بەڵکەم گشتیەکی وازه لێم هاوردن. نەخواێ که ئیه وه حساویان بنریێد.

نامەێ فیلیپییل 2:21

ئەڕا ئیه که ئەوانه گشتێان هانه شون نەف خوێان، نه نەف عیسا مەسیح.

دویم قورنتییل 7:6

وەلێ خودا، که دڵنەوایی مات ‎و مەلولیل کێ، وەگەرد هاتن تیتوس دڵنەواییمان کرد و

کاریل ڕەسولەیل 17:11

جویلەکەیل نیشتەجێ ئەوره له جویلەکەیل تسالونیکی نەجیم تر بین. ئەوانه کەڵام خودا وه تاسەوه قەبوڵ کردن و هەر ڕوژ وردەو بویانه کتاو موقەدەس تا وه ڕاسدرسی قسیەیل پولوس دڵنیا بون.

کاریل ڕەسولەیل 17:1

پولوس و سیلاس له شاریل ئامفیپولیس و ئاپولونیا گوزیشتن و هاتنه ئەڕا شار تسالونیکی که کەنیسەی جویلەکەیل وه ئەوره بی.

دویم پتروس 2:15

ئەوانه ڕێ ڕاس نانەسه لا و له ڕێ دەرچینه. ئەوانه ڕێ بەلعام کوڕ بعور گردنەسه وەر که له ‎حەقدەس نادرسێ خوەشی هاتیاد.

تیتوس 1:4

وه تیتوس، ڕوڵەێ ڕاسەکانیم وەناو ئیمانێگ که نسیو گشتمان بیه: له لاێ خوداێ باوگ و نجات دەر ئیمه مەسیح عیسا فیز و ئاشتی و سڵامەتی وه ملدەو بود.

یەکم نامەێ تیموتاوس 6:17

وه دەوڵەمەنیل ئی دنیا حوکم بکه که قتقوز نەون وه ماڵ ئی دنیا که بەردەوام نیه پشت نەوەسن. بەڵکەم وه مل خوداێگ پشت بوەسن که گشت چشتێگ وه فراوانی ئەڕا ئیمه گورجەو کەێد تا له ئەوانه لەزەت بویم.

یەکم نامەێ تیموتاوس 6:10

چوینکه تەما وه پویل ریشەێگه که گشت جور خراوی له لێ تێدە بار و بڕێگ له تاسەێ ماڵ و دارایی، له ئیمان دویرەو کەفتنه، خوێان تویش ژانیل فره زام‎دار کردنه.

نامه وە غەلاتییل 1:2

هەر ئیجوره له لاێ گشت براگانێ که هانەگەرد منەو، وه کلیسایل مەنتەقەێ غەلاتیه:

دویم قورنتییل 8:16

وەلێ سپاس ئەڕا خودا که هەر ئەو ئەزرەتە ناسه دڵ تیتوس که من ئەڕا ئیوه دێرم.

دویم قورنتییل 8:6

وه ئی بونه، له تیتوس تواسیم هەر ئەوجورە که ئی کار خیر دەسدڵوازانه وەناودان شرو کردوی، تا وه ئاخر بویدێ سەر.

کاریل ڕەسولەیل 18:23

پولوس ماوەێگ وه ئەوره مەن و وه دواره چیه گەردیان، وه سەرئانسەر وڵاتیل غەلاتیه و فریجیه شون وه شون گەردیاد و گشت شاگردیل وەناو ئیمانێان وەقەوەتەو کردیاد.

کاریل ڕەسولەیل 17:13

وەلێ وەختێ جویلەکەیل تسالونیکی زانستن که پولوس وه بیریەیش کەڵام خودا بڵاو کێ، چینه ئەوره و مەردم گاڵدان و شێرێان کردن.

کاریل ڕەسولەیل 15:38

وەلێ پولوس خاس نەزانست کەسێگ که له پامفیلیه ئەوانه هیشتەجێ و تا ئاخر کار وەگەردێان نەمەن، یەێ جارتر وەگەرد خوەێ بوەی.

کاریل ڕەسولەیل 13:13

ئمجا پولوس و هاوڕێەگانی له ڕێ دەریا له پافوس چینه ئەڕا شار پرجەێ پامفیلیه. وەلێ وه ئەوره یوحەنا که وەپێ وەتیان مەرقوس لەليان جیاوه بی و هەڵوگەردیا ئەڕا شار ئورشەلیم.

لوقا 17:32

ژنەگەێ لوت وه هویردان بارن!

لوقا 16:13

هویچ خزمەتکارێگ نیەتویەنی دو گله ئەرواو خزمەت بکێ، چوینکه یا له یەکی قینێ تێی و دوس ئەواکه دێرێ، یا سەرسپاردەێ یەکی بود و ئەواکه وه هویچ حساو کەی. نیەتویەنین هەم خزمەتکار خودا بوین، هەم خزمەتکار پویل.»

لوقا 14:33

جا هەر ئیجوره هویچ کام وه ئیوەیش تا وه گشت دارایی خوەدان دەس نەشورین، نیەتویەنین بوینه شاگرد مه.

ئنجیل مەتا 26:56

وەلێ ئیانه گشتێ هەڵکەفتیه تا پێشگویییل پەێخەمەریل باێه دی.» ئمجا گشت شاگردەگان هیشتنەێ جێ و دەر چین.

ئنجیل مەتا 12:32

هەر کەس وه زد کوڕ ئنسان قسیەیگ بویشی، بەخشریەد، وەلێ هەرکەس وه زد روح‌القودوس قسیەیگ بویشی، نه وه ئی دەوره و نه وه دەورەی وەرەڕوی، نیەوەخشرێی.

دویم قورنتییل 8:23

له باوەت تیتوس، باێه بویشم که له خزمەت مه ئەڕا ئیوه هاوبەش و هاوکار منه؛ هەرئیجوره له باوەت برایلمانیش باێه بویشم که کل کریاێەگان کلیسایل و جەڵاڵ مەسیحن.