دویم تیموتاوس 3:3 - کتاب مقدس به زبان کردی جنوبی - گویش کلهوری

³ بێ ئافتوهەست، بێ گوزیشت، بختکەر، زاڵ نوی وه سەر خوەێ، دڕنه، دشمەن خاسێ،

دویم تیموتاوس 3:3 Referans Kwoze

یەهودا 1:18

ئەوانه وەتنه پێدان: «له زەمانیل ئاخر، تویلەکی کەریلێگ تیەن که کەفتنەسه شون هەواوهەوەسیل خودانەناسانەێ خوێان.»

رومیەگان 1:31

گیلگەوج، بێ وەفا، بێ ئافتوهەست و بێ بەزەیین.

ئنجیل مەتا 10:21

برا، براگەێ و باوگ، ڕوڵەگەێ دەێه دەس مەرگ. مناڵیل ئەڕا داڵگ و باوگێان هەڵسن و دەنێانه وەر کوشت.

دویم پتروس 2:14

چەویلێگ دێرن پڕ له داوانپێسی که له گونا کردن تێر نیود. ئی مناڵیل لانەت کریایه، ئایەمیلێگ خەڵەتنن که بەردەوام نین، ئەوانه دڵیلێان هوکارەێ تەما بیه!

یەکم نامەێ تیموتاوس 3:11

هەر وه ئیجور، ژنیلیانیش باێه سەنگین ڕەنگین بون و نه بختکەر، بەڵکەم هوشیار بون و وه گشت چشتێگ وەفادار بون.

ئنجیل مەتا 4:1

ئمجا روح خودا عیسا برد وەرەو بیاوان تا ئبلیس ئەزمونێ بکێ.

وەحی وه یوحەنا 17:6

ئەو ژنه دیم که له خوین موقەدەسیل و خوین کەسیلێ که وەبونەێ عیسا شەهید بوین، سەرخوەشه. هەر ئیه که ئەوه دیم فره سەرم سڕ مەن.

وەحی وه یوحەنا 16:6

چوینکه ئەوانه خوین موقەدەسیل و پەێخەمەریل ڕشاننه، جا وه ئەوانه خوین دایده تا بنوشن که سزاێان هەر ئیەسه!»

وەحی وه یوحەنا 13:17

تا هویچکەسێگ نەتویەند، بسێنێد یا بفروشێد، مەر ئیه که ئەو نیشانه بیاشتود که ئەو نیشانه، یا ناو ئەو گیانەوەر دڕنه بی، یا ژمارەێ ناوێ.

وەحی وه یوحەنا 13:15

ئجازه دریاده پێ که له هەناس خوەێ پف بکێده پێکەر گیانەوەر دڕنەگه تا پێکەر ئەو گیانەوەر دڕنه تەنانەت بتویەنێ قسیه بکێ و بایس کوشتن کەسیلێگ بود که پێکەر گیانەوەر دڕنه پەرەسش نیەکەن.

یەهودا 1:16

ئیانه خوتەخوتکەر و گلەییکەرن و کەفتنەسه شون ئاوەختیێل گونابار خوێان؛ قوڕات قوین و وەبونەێ وه دەس هاوردن نەف خوێان پشت بڕێگ گرن.

دویم پتروس 3:3

وەرجه هەر چشتێگ، بزانن که له ڕوژیل ئاخر تویلەکی کەریلیگ تیەن که هانه شون ئاوەختیێل گونابار خویان و هەر ئیجوره که تویلەکی کەن،

یاقوب 2:6

وەلێ ئیوه وه دەستەنگ بی حرمەتی کردینه. ئێ مەگەر هەر ئی دەوڵەمەنیله نین که وه ئیوه ستەم کەن و کیشنەدانه دادگا؟

تیتوس 2:3

هەر ئیجوره، ژنيل سن و ساڵ دار باێه ڕێ رەوشتیان وه حرمەتەو بود. نەباێه بختکەر بون یا گیرودەێ شراو بون، بەڵکەم باێه ئەو چشتێ که خاسه تالیم بێەن،

تیتوس 1:8

بەڵکەم باێه مێواندار و خێرخواز بود و وەسەرخوێا زاڵ بود و درسکار و موقەدەس و ڕێک‎وپێک؛

یەکم تسالونیکییل 4:8

جا، هەر کەسێگ که ئی تالیمه ڕەد بکێ، نه ئنسان، بەڵکەم خوداێگ ڕەد کردێه که روح قودوس خوەێ دەێده ئیوه.

یەکم قورنتییل 7:9

وەلێ ئەگەر وەسەرخوێان زاڵ نیەون، باێه هاوسەر بگرن، ئەڕا ئیه که هاوسەرگیری خاستره له سزیاین وەناو ئاگر شاوەت.

یەکم قورنتییل 7:5

جا یەکترەکی له حەق ژن شویی بی‎بەش مەکەن، مەر وه رزایەت یەکترەکی و ئەڕا ماوەێ کەمێگ، تا خوەدان خەریک دوعا بکێن. ئمجا وەدواره وەگەرد یەکترەکی جفت بوین، نەخواێ شەیتان وەبونەێ ئیه که وەسەرخوەدان زاڵ نیەوین، بخەڵەتنێدەدان.

یوحەنا 6:70

عیسا وەپێان جواو دا: «مەر خوەم ئیوه دوانزه نەفەره هەڵنەوژاردمه؟ وەلێ، یەکی له لێدان ئبلیسیه.»

لوقا 16:14

زانایل فرقەێ فەریسی پویل دوس وەختێ ئی قسیەیله شنەفتن، وه عیسا تویلەکی کردن.

لوقا 10:16

«هەر کەس گوش بێیده ئیوه، وه من گوش داس؛ هەر کەیش ئیوه قەبوڵ نەکێ، مه قەبوڵ نەکردیه؛ وەلێ هەر کەس مه قەبوڵ نەکێ، ئەوه که مه کل کردێه قەبوڵ نەکردیه.»

دویم پتروس 2:19

وه ئەوانه وادەێ ڕزگاری دەن، وەحاڵێگەو خوێان خوڵام گە‎نیانن؛ چوینکه هەر چشتێ که وه مل ئایەم زاڵ بود، ئایەم بوده خوڵام هەر ئەو چشته.

رومیەگان 1:29

ئیانه نیقەڵتوز بین له هەر لەون نادرسێ، شەڕئاشویی، تەما و دڵپێسی. ئەوانه پڕن له حەسویی، خوین کردن، مرافه، فریو و دڵپێسی. قسیه تیەرن و بەن،