دویم تیموتاوس 3:2 - کتاب مقدس به زبان کردی جنوبی - گویش کلهوری

² مەردمیل خود‎پەرەس، پویلدوس، قتقوز، لویتبەرز، خراودەر، ملچەفتەوکەر وه داڵگ و باوگ، قێر نەزان، ناپاک،

دویم تیموتاوس 3:2 Referans Kwoze

نامەێ فیلیپییل 2:21

ئەڕا ئیه که ئەوانه گشتێان هانه شون نەف خوێان، نه نەف عیسا مەسیح.

یەهودا 1:16

ئیانه خوتەخوتکەر و گلەییکەرن و کەفتنەسه شون ئاوەختیێل گونابار خوێان؛ قوڕات قوین و وەبونەێ وه دەس هاوردن نەف خوێان پشت بڕێگ گرن.

دویم تیموتاوس 3:4

خەیانەتکار، دەربەن هویچ نوی و له لویتبەرزی پف کردنه. لەزەت، فرەتر له خودا دوس دێرن

یەکم نامەێ تیموتاوس 6:10

چوینکه تەما وه پویل ریشەێگه که گشت جور خراوی له لێ تێدە بار و بڕێگ له تاسەێ ماڵ و دارایی، له ئیمان دویرەو کەفتنه، خوێان تویش ژانیل فره زام‎دار کردنه.

دویم پتروس 2:18

چوینکه ئەوانه وه دەنگ بەرز قسیەيلێگ کەن که له ڕوی لویتبەرزی و گیلگەوجیه و وه وەسلەێ هەواوهەوەسیل هەرزەی جەسه، کەسیلێگ گیر تیەرن که تازه له چنگ گومڕایێل دەرچینه.

یاقوب 4:6

وەلێ فیزێگ که خودا بەخشێد، فڕه فرەترە. وەئی بونه وەناو کتاو مەسلەتیل سلێمان پادشا، نویسریاس: «خودا لەنواێ لویتبەرزیل وسێد، وەلێ وه بێ فیسیل فیز بەخشێد.»

نامه وه کولوسییل 3:5

جا، هەر چی وەناودان هن زەویه، بکوشنێ، یانێ خیزی، ناپاکی، هەواوهەوەس، خاستەیل گەن و تەما که هەر ئەو بتپەرسیەسه.

یەکم پتروس 5:5

هەرئیجوره ئیوه ئێ جوانیل، له شێخیل گوش بتەکنن. گشتدان وەناو ڕێ رەوشتدان وەگەرد یەکترەکی دڵنگ بێ فیسی بکەنه وەردان چوینکه، «خودا وه نوای لویتبەرزەیل وسێد، وەلێ وه بێ فیسیل فیز بەخشێد.»

یەکم نامەێ تیموتاوس 6:4

مەس لویتبەرزی بیه و هویچ نیەفامێ. ئیجوره کەسێگ خودپەسەن و نەفامه و خوەشی تێ له سەر کلیمەیل دەمقاڵ و باس و مرافه بکێد، که له لێ حەسویی و دەسەبەنی و دشمین داین و بەێ گومانی هەڵسێده پا

لوقا 12:15

ئمجا عیسا وه مەردم وەت: «هوشدان بود و له هەر جور حرس و تەما پارێز بکێن، چوینکه زنەیی ئنسان وه فراوانی دارایەگەێ نیه.»

وەحی وه یوحەنا 16:11

وه سەوەو ژانیل و زامیل خوێان، لانەت کردیانه خوداێ ئاسمان. ئەوانه له کاریل خوێان توبه نەکردن.

دویم پتروس 2:12

وەلێ ئیانه هەر جور گیانەوەریل نەفامن که ڕێ رەوشتیان له ڕوی سریشتێانه و هاتنەسه دنیا تا بکەفنه تەله و نابود بون. ئیانه له باوەت چشتیلی که نیەزانن چەس، کفر کەن. جا ئەوانه وەناو گەنیان خوێان، نابود بون.

دویم پتروس 2:3

ئیانه له ڕوی تەما، وەگەرد قسیەيل گولدەر، تاڵاندان کەن. ماکومیەتیان که له جارانەو دیاری کریاس، بێکار نەنیشتیه و له بین چینێان نەخەفتیه.

یاقوب 4:16

ئیوه وه لویتبەرزیدان شانازی کین. گشت ئیجور شانازییله، خراوه!

دویم تسالونیکییل 2:4

ئەوه له نوای هەر چی که خودا خوەنریەد و پەرەسیەد، وسێد و خوەێ نێده بانتر، جوری که له ناو مابەد خودا دانیشێد و خوەێ وه خودا ناسنێد.

رومیەگان 11:18

شانازی وه سەر ئەو پەلیله مەکه. ئەگەر ئیجوره کەی، وه هویرد بود تو نید که ریشەگه پارێزنێد، بەڵکەم ریشەگەس که پارێزنێدەد.

وەحی وه یوحەنا 16:21

له ئاسمان تەگر سەخت قورسیگ واریاده مل مەردم که هەر دەنگی، نزیک پەنجا کیلو بی و ئایەمیل له باوەت بەڵای تەگر خودا لانەت کردن، چوینکه بەڵاێ فره سەختێگ بی.

یاقوب 2:8

ئەگەر وه ڕاسی شەریعەت شاهانه وه پێ ئی وەتریای کتاو موقەدەسه وه جێ بارین که فەرمایش کەێد: «هاوساگەد هەر جور خوەد دوس بیاشتو،» کار خاسێگ کین.

یەکم نامەێ تیموتاوس 3:3

نه سەرخوەشکەر یا زورگو، بەڵکەم دڵنەرم، نه مرافەکەر یا پویل دوس.

یەکم نامەێ تیموتاوس 1:20

هیمنائوس و ئەسکەنەر له ئی دەسەنه، که ئیانه دامه دەس شەیتانەو تا بوده مایەێ عبرەتێان و دیتر کفر نەکەن.

کاریل ڕەسولەیل 5:36

چەن وەخت پێش، پیاێگ تئوداس ناو هەڵساد که خوەێ وه کەسێگ زانستیا، نزیک چوارسەد نەفەریش وه دەور خوەێ گردەو کرد. وەلێ ئەوه کوشریا و ئەوانه که کەفتوینه شونێ گشتێان تەفرتوینا بین.

لوقا 16:14

زانایل فرقەێ فەریسی پویل دوس وەختێ ئی قسیەیله شنەفتن، وه عیسا تویلەکی کردن.

وەحی وه یوحەنا 16:9

مەردم له تین گەرما سزیان و ناو خودا که هێز ئی بەڵایله ها دەسێ، لانەت کردن، ئەوانه توبه نەکردن و ئەیو جەڵاڵ نیان.

وەحی وه یوحەنا 13:1

ئمجا دیم گیانەوەر دڕنەێگ له دەریا تێده دەیشت. ده گله شاخ داشت و هەفت گله سەر، وەگەرد ده گله تاج وه بان شاخیلێ؛ له بان هەر سەری ناوێگ هامیته وه کفر نویسریاوید.

دویم قورنتییل 5:15

ئەیو ئەڕا گشتیەکی مرد تا زنییل دیتر ئەڕا خوێان زنەیی نەکەن، بەڵکەم ئەڕا کەسێگ زنەیی بکەن که وەبونەێانەو مرد و زنیەو بی.

ئنجیل مەتا 15:6

دی نیەتواید حرمەت باوگێ بگرێ. جا وەبونەێ نەریت خوەدان کەڵام خودا ڕەد کردینه.

لوقا 6:35

وەلێ ئیوه، دشمەنیلدان دوس بیاشتون و وەپێان خاسێ بکەن و قەرد بێەنه پێان و ئی ئمیده نیاشتون که له لێان بسینینێەو، چوینکه پاداشدان فره گەوراس و بوینه ڕوڵەێ خوداێ هەربەرز، چوینکه ئەوه وەگەرد ناسپاسیل و بەدکارەیل، مێرەبانه.

یەکم نامەێ تیموتاوس 1:9

هەر ئیجوره زانیمن که شەریعەت نه ئەڕا درسکاریل، بەڵکەم ئەڕا یاسا شکەنیل و ملچەفتەوکەریل نویسریاس، ئەڕا خودانەناسیل و گوناکاریل، ناپاکیل و کفرچییل؛ قاتڵیل باوگ و قاتڵیل داڵگ؛ ئایەم کوشیل،

دویم پتروس 2:10

وه تایبەتی ئەوانه که خوێان وەناو شاوەت هەواوهەوەسیل پێسکەر وێڵ کەن و دەسڵات سوک وه‎ حساو تیەرێن. ئیانه ئەوجورە کەلەڕەقن و لویتبەرز که له کفرکردن وه گەورایل ئاسمانی رخێان نیەچود؛