دویم تیموتاوس 3:16 - کتاب مقدس به زبان کردی جنوبی - گویش کلهوری

¹⁶ گشت کتاو موقەدەس وەحی خوداس و ئەڕا تالیم و ئەدەو بوین و درس بوین و پەروەرانن له سالح بوین فایده دێرێد،

دویم تیموتاوس 3:16 Referans Kwoze

رومیەگان 15:4

چوینکه هەر چشتێ که وه ڕوژیل جارانەو نویسریاس، ئەڕا تالیم ئیمه نویسریاس تا له ڕێ بەردەوامی و له ڕێ دڵگەرمیێگ که نویسریایل موقەدەس بەخشێد، ئمید بیاشتویمن.

عبرانییل 4:12

چوینکه کەڵام خودا زنیه و کارکەره و تێژتر له هەر شمشێر دو دەمێگه و ئەوجورە چوده ناو که گیان و روح، مەفسەلیل و مەخز سقانیل جیاوه کەید و فکریل و نیەتیل دڵ هەڵسەنگنێد.

مەرقوس 12:24

عیسا وەپيان وەت: «ئیه خوەێ مەر نیشان نیەی ئیوه گومڕاین، وه ئی بونه که نه له کتاو موقەدەس ئاگادارین و نه له هێز خودا؟

دویم تیموتاوس 4:2

کەڵام بانگەوازی بکێد و وەخت و بی وەخت ئەڕا ئی کاره گورج بوێد و وەگەرد سەور فره و تالیم فره درس، وه درس بوین و گازتاوه و هانداین کار بکێد.

دویم تیموتاوس 2:25

باێه ئەوانه که له نوای وسن وه دڵنەرمی ڕێنمایی بکێد، وەئی ئمیده که خودا بیلێد تا ئەوانه توبه بکەن و ڕاسی بناسن

کاریل ڕەسولەیل 20:20

ئیوه زانين وه هەر چی که ئەڕادان فایده داشتیه دریخ نەکردمه، بەڵکەم پێخامەگه وەپێدان بانگەوازی کردمه، چ وەناو جەم و چ وەناو ماڵيلدان تالیمدان دامه.

یوحەنا 3:20

چوینکه هەر کەسێگ کاریل خراو کەێد له نویر فره قینێ تێ و وەرەو لاێ نویر نیەتێی، نەخواێ کردەوێ ئاشکرا بود.

ئنجیل مەتا 13:52

عیسا فەرمایش کرد: «جا، هەر ماموستاێ تەوراتێگ که له باوەت پادشایی ئاسمان تالیم گردێه، جور ساێو ماڵێگه که له گەنجینەێ خوەێ چشتیل نو و کویەنه دەر تیەرێ.»

کاریل ڕەسولەیل 18:25

ئەوه له ڕێ خوداوەند تالیم گردوی و وه روحێگ پڕ له شور و شوق، چشتیلی له باوەت عیسا وه درسی تالیم دیاد، هەر چەن تەنیا له تەعمید یەحیا خەوەر داشت.

رومیەگان 2:20

مالم نەزانیل و ماموستاێ مناڵیل و ساێو شەریعەتێگید و ماریفەت و ڕاسی ها نوای چەود،

نامه وە غەلاتییل 3:8

کتاو موقەدەس وەرجه ئەوه دی که خودا ناجویلەکەیل وه ڕوی ئیمان سالحان وه حساو تیەرێد، وه ئی بونه وەرجەوە مزگانی دا ئێبراهیم که: «گشت ملەتیل وه وەسلەێ تنەو بەەرکەتدارەو بون.»

عبرانییل 3:7

جا هەر ئەوجورە که روح‌القودوس فەرمایش کەید: «ئیمڕو، ئەگەر دەنگ ئەیو شنەفین،

یەکم قورنتییل 12:7

خەڵاتی روح خودا وەناو هەر کەسێگ خوەێ ئاشکرا کێ ئەڕا خێریەت گشتیەکی.

کاریل ڕەسولەیل 20:27

چوینکه گشت کەڵام خودا بێ کەم کوتی ئەڕدان جار دامه.

یوحەنا 10:35

ئەگەر خودا کەسیلێ که کەڵامەگەێ ڕەسیەسه پێان، خودایل خوەنری - و ئیەیشه زانیم هویچ بەشێگ له کتاویل موقەدەس باێەخێان له دەس نیەن -

ئنجیل مەتا 26:56

وەلێ ئیانه گشتێ هەڵکەفتیه تا پێشگویییل پەێخەمەریل باێه دی.» ئمجا گشت شاگردەگان هیشتنەێ جێ و دەر چین.

کاریل ڕەسولەیل 1:16

وەت: «ئێ برایل، ئەو نویسریاێ کتاو موقەدەسه باێه باتیاده دی که روح‌القودوس وەرجەوە له زوان داود پادشا له باوەت یەهودا وەتوی، که بیه ڕێنماێ کەسیلێ که عیسا دانه دەسەو.

ئنجیل مەتا 21:42

عیسا وەپێان وەت: «هویچ وەخت وەناو کتاو زەبور نەخوەنینه که: «”کوچگی که بەناگان ڕەدێ کردن، بیەسه گرنگترین کوچگ بنەوا؛ خوداوەند ئیجوره کردێه و لەوەر چەو ئیمه کار ئەڵاجویێگە“؟

رومیەگان 4:23

وەلێ ئی قسیەێ «ئەڕاێ وه حساو هات»، تەنیا وه خاتر ئەوه نەنویسریا،

عبرانییل 11:1

ئیمان، دڵنیایی وه ئەو چشتیلەسه که ئمیدەپێ بەسایمنه و خاترجەم بوین وه چشتیلێگه که نیەوینریەن.

رومیەگان 3:2

له هەر باوەتەو فرەس. یەکم جار ئیه که کەڵام خودا وه ئەمانەت سپاریاسه جویلەکەیل.

کاریل ڕەسولەیل 28:25

ئمجا وەختێ وەگەرد یەکترەکی بیه دەمقاڵیان، ئەو شونه هیشتنەجێ. وەلێ وەرجه ئیه که بچن، پولوس کەڵام ئاخرێ ئەڕاێان وەت: «روح‌القودوس له ڕێ ئەشعەیاێ پەێخەمەر وه باپیریلدان چەنێ درس وەت:

مەرقوس 12:36

داود، خوەێ وه وەحی روح‌القودوس، وەت: ”خوداوەند وه خوداوەند مه وەت: «وه دەس ڕاس مه بنیش تا وەختێ دشمەنیلد بکەمه کورسی ژێر پاد.“

ئنجیل مەتا 26:54

وەلێ چوی باێه پێشگویییل کتاو موقەدەس باێه دی که ئویشێ ئی چشتیله باێه هەڵبکەفێ؟»

ئنجیل مەتا 22:43

عیسا وەپێان وەت: «ئێ چوی داود وه روح خوداوه، وەپێ ئویشێ خوداوەند؟ چوینکه ئویشێ: