دویم تیموتاوس 2:24 - کتاب مقدس به زبان کردی جنوبی - گویش کلهوری

²⁴ خزمەتکار خوداوەند نەبایه شەڕ بکێد، بەڵکەم باێه وەگەرد گشتیەکی مێرەبان بود و تویەناێ تالیم و سەور بیاشتوید.

دویم تیموتاوس 2:24 Referans Kwoze

تیتوس 3:2

له باوەت کەسێگ خراو نویشن و له دەمقاڵ دویرەو بگرن و دڵنەرم بون و رێ رەوشتێان وەگەرد گشت مەردم وه حرمەتەو بود.

تیتوس 1:7

ئەڕا ئیه که هێوەتکەر کلیسا کاروەدەس خوداس، جا نەبایه وەناو زنەیی چشتێگ بیاشتوی که بوده بایس سەرزەنشتێ. ئەوه نەبایه لویتبەرز بود یا زوی کەفلەهەرز بود یا سەرخوەشکەر یا زورگو بود یا تەمای پویل بیاشتوی،

یەکم تسالونیکییل 2:7

وەلێ هەر جور داڵگێگ که هێوەت مناڵیلی کەی، وەگەرددانەو‎ وه نەرمی رێ رەوشت کردیمنه.

یەکم نامەێ تیموتاوس 6:11

وەلێ توی ئێ پیاێ خودا، له گشت ئیانه دەر بچو، له شون سالح بوین و دینداری و ئیمان و مابەت و بەردەوامی و دڵنەرمی بو.

نامه وه کولوسییل 3:13

یەکترەکی تاموڵ بکێن و ئەگەر تیەڵێگ له یەکترەکی ها ناو دڵدان، یەکترەکی بوەخشین. هەر ئەوجورە که خوداوەند بەخشیاسەدان، ئیوەیش باێه بوەخشین.

نامەێ فیلیپییل 2:14

هەر کارێگیش بی خوتەخوت یا قسیه و باس وەجێ بارن،

نامەێ فیلیپییل 2:3

هویچ کارێگیش له سەر جێخوازی یا لویتبەرزی نەکەن، بەڵکەم وه بێ فیسەو ئەو باقی مەردم له خوەدان خاستر بزانن.

ئەفسوسیێل 4:2

وه تەمامی بێ فیسی و نەرمی؛ وەگەرد سەور وەناو مابەت یەکترەکی تاموڵ بکێن.

یەکم پتروس 3:8

دەس ئاخر، گشتدان یەێ فکر و هاودەرد بون و مابەت براێانه بیاشتون و دڵسوز و بێ فیس بون.

یاقوب 3:17

وەلێ ئەو زانیاری که له ئاسمانه، یەکم جار پاکه، ئمجا ئاشتیخوازه، نەرم و ئاموژیاری گوشدەره، نیقەڵتوز له بەزەیی و بەریل خاسه، دویر له دوچەوەکی و دوڕوییه!

تیتوس 1:9

ئەوه باێه وه کەڵام دڵنیایگ که تالیم دریاس قورس بلچکێی تا بتویەنێ مەردم وه پێ تالیم درس ئاموژیاری بکێد و هەرئیجوره بخوڕێده مل کەسیلێ که له نوای وسن.

دویم قورنتییل 10:1

من، پولوس، وه ڕوی نەرمی و مێرەبانی مەسیح له لێدان توام - وه پێ وتار بڕێگیدان، وەختێ لەلادان نیم بێ فیسم و وەختێ هامه لادان تنم! -

کاریل ڕەسولەیل 7:26

ئی ڕوژەگەێ، تەقیاده دو نەفەر ئێسرائیلی که چوینه گژ یەکا، تواسیا بخەێدیانه یەکا، وەت: ”ئێ پیاێل، ئیوه براین، ئەڕا وه یەکترەکی ستەم کین؟“

ئنجیل مەتا 12:19

شەڕ نیەکێ و هاوار نیەکیشێ، کەسێگیش دەنگێ وەناو کویچەگان نیەشنەفێ.

یاقوب 4:2

تاسەێ چشتێگ دێرین و نێرینی، جا خوین کین. تەما کین و نیەتویەنین وەدەس بارین، جا شەڕ و مرافه خینه رێ. نێرین، چوینکه داوا نیەکین.

یاقوب 1:1

له یاقوب، خوڵام خودا و خوداوەند عیسا مەسیح، وه دوانزه هوز قەوم ئێسرائیل که وەناو جهان تەفرتوینان. سڵام!

یەهودا 1:3

ئێ عەزیزەیل، ئەگەر چ تاسەێ فرەێگ داشتم تا له باوەت نجاتیگ که وەناوێ بەشداریم ئەڕا ئیوه بنویسم، وەلێ واجو دیم ئیه ئەڕادان بنویسم و بلاڵکمه پێدان که ئەڕا ئەو ئیمانه زورزمەکی بکێن، هەر ئەو ئیمانه که یەێ جار ئەڕا هەمویشه وه ئیمانداریل وه مەسیح سپاریاس.

کاریل ڕەسولەیل 23:9

ئمجا بیه قرموقاڵ گەوراێگ و بڕێگ له ماموستایل تەورات که فەریسی بین، هەڵسان و وه تونی وەگەرد یەکا قسیه کردن و وەتن: «گوناێگ وەناو ئی پیا نیوینیمن. له کوره مالومه که روح یا فریشتەێگ وەگەردێەو قسیه نەکردوی؟»

تیتوس 1:1

له لاێ پولوس، خوڵام خودا و ڕەسول عیسا مەسیح. مه دیاری کریام که ئیمان هەڵوژاریەگان خودا وه قەوەتەو بکەم و ڕاسیێگ که ها مل دینداری، بویشم.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

دویم قورنتییل 10:4

ئەڕا ئیه که چەک شەڕ ئیمه هن ئی جهانه نیه، بەڵکەم وه هێز خوداییه که تویەناێ خاپور کردن قەڵایل هەس.

کاریل ڕەسولەیل 15:2

جا وەشون ئەوه که پولوس و بەرنابا له نوایان وسان و باس و دەمقاڵ سەختێگ کردن، وه ئیه ڕەسین که پولوس و بەرنابا و چەن نەفەرتر لەليان بچنه ئەڕا شار ئورشەلیم ئەڕا لاێ ڕەسولەگان و شێخیل له ئەو باوەتەو پرسیارەلێان بکەن.

یوحەنا 6:52

ئمجا جویلەکەیل وەناو خوێان بیه دەم قاڵیان و وەتیان: «ئی پیا چوی تویەنێ جەسەێ خوەێ بيده پێمان تا بخویم؟»

دویم قورنتییل 6:4

بەڵکەم وه گشت چشتێ نیشان دیم که خزمەتکاریل خودایم، یانێ وه تاموڵ فره وەناو بەردیل، سەختییل، بەڵاێیل،