دویم تیموتاوس 2:15 - کتاب مقدس به زبان کردی جنوبی - گویش کلهوری

¹⁵ سەخت تەقالا بکه که خودا قەبوڵد بکێد، هەر‎جور خزمەتکارێگ که له کارەگەێ شەرمزار نیه و کەڵام ڕاسی وه درسی وه کار بەسێد.

دویم تیموتاوس 2:15 Referans Kwoze

یەکم تسالونیکییل 2:4

بەڵکەم جور کەسیلێگ قسیه کیم که خودا وه ملێانەو مور قەبوڵێ کوتاس و ئینجیل سپاریاسه پێان. ئیمه وەشون خوەشنود کردن مەردم نیمن، بەڵکەم خوەشنودی خوداێگ توایم که دڵمان دەێده تەفرەنج.

دویم پتروس 1:10

جا ئێ برایل، هەر چی فرەتر تەقالا بکەن تا دەنگ کریان و هەڵوژاریای خوەدان مور بکێن، ئەڕا ئیه که ئەگەر ئی چشتیله وه جێ بارین هەرگز نیەکەفین.

یەکم نامەێ تیموتاوس 4:6

ئەگەر ئی کاریله بخیدەێ هویر برایل، بیده خزمەتکار خاس مەسیح عیسا، گەورا بی وەناو کەڵام ئیمان و تالیم خاسێگ که کەفتیدەسه شونێ.

دویم قورنتییل 10:18

چوینکه نه ئەوه که له خوەێ تاریف بکێ قەبوڵ کریەێ، بەڵکەم ئەوه که خودا تاریفی بکێ.

دویم قورنتییل 5:9

جا چ وەناو ئی ماڵه بویمن و چ له دەیشت ئی ماڵه، ئامانجمان خوەشنود کردن ئەیوه.

دویم قورنتییل 4:2

وەلێ ئیمه ڕێیل نادرسێ و شاریایەو نایمنەسه لا. ئیمه فێڵبازی یا دەسەژێیەی ناو کەڵام خودا قەبوڵ نیەکیمن، وەلێ وەگەرد ئاشکرا وەتن ڕاسی، تەقالا کەیمن له لاێ خودا مورکریاێ وژدان گشتیەکی بویمن.

دویم پتروس 3:14

جا ئێ عەزیزەیل، ئیسه که چەوەڕێ ئی کاریلینه، خاس تەقالا بکەن تا له لاێ ئەیو بی لەکه یا بی نەخس وه ناو ئاشتی و سڵامەتی بوین.

نامه وە غەلاتییل 1:10

ئێ ئێرنگه هامه شون ئیه که ئایەمیل مورم بکەن یا خودا؟ یا مه تەقالا کەم ئایەمیل خوەشنودەو بکەم؟ ئەگەر هێمراێ وه شون خوەشنود کردن ئایەمیلەو بویام، خوڵام مەسیح نویام.

دویم پتروس 1:15

مه هەر چی له دەسم تێ کەم تا بتویەنێن وه شون چیێنم له ئی دنیا هەمویشه ئی چشتیله بارینه هویردان.

ئەفسوسیێل 1:13

ئیوەیش وەناو مەسیح، ئەو وەخته که کەڵام ڕاسی، یانێ مزگانی نجات خوەدان شنەفتین و ئیمانه پێ هاوردین، وەگەرد روح‌القودوس واده دریاێ مور کریاین.

یەکم تسالونیکییل 5:14

ئێ برایل، لاڵکێيمنه‎ پێدانەو که لەمتیەیل ئاموژیاری بکەن؛ کەم جرئەتیل هان بێەن؛ وه بی هازیل مەیەت بێەن؛ وەگەرد گشتێان سەور بیاشتوین.

دویم قورنتییل 3:6

ئەیو لیاقەت بەخشیەسه پێمان تا خزمەتکاریل پەێمان نو بویمن، پەێمانێگ که وه کار روح خودا بەردەوامه، نه وه ئەو چشته که نویسریایگ فرەتر نیه. چوینکه ’نویسریای‘ کوشێد، وەلێ روح خودا زنەیی بەخشێد.

رومیەگان 14:18

هەر کەس ویجوره خزمەت مەسیح بکێ، خودا قەبوڵێ کێ و مەردمیش مورێ کەن.

عبرانییل 4:11

جا باین تەقالا بکێم تا وه ئەو شون ئاشاسێگه ڕێ پەێا بکێم، تا هویچکەس وه ئەوجورە ملچەفتەو کردنێگ، نەکەفێد.

یاقوب 1:18

ئەیو وه پێ خاستەی خوەێ ئیمه وەگەرد کەڵام ڕاسی هاورده دی تا وەناو درس کریاێلی وێنەێ نەوبەر بویمن.

یەکم قورنتییل 2:6

وه ئی حاڵەو، ئیمه ەوناو بازڵەێل، زانیاری جار دیمن، هەرچەن ئی زانیاریه هن ئی دەورانه یا فەرمانرەوایەێل ئی دەورانه نیه که ماکوم وه نابودین.

کاریل ڕەسولەیل 2:22

«ئێ پیاێل ئێسرائیل، ئی قسیەیلمه بشنەفن: هەر ئەوجورە که خوەدان زانین، عیساێ ناسری پیاێگ بی که خودا وەگەرد موجزەیل و کاریل ئەڵاجوی و نیشانەیلێ که خودا وه دەس ئەیو وه ناودان وەجێ هاورد، وه ڕاس بوینی شاێەتی داس.

کاریل ڕەسولەیل 20:27

چوینکه گشت کەڵام خودا بێ کەم کوتی ئەڕدان جار دامه.

ئنجیل مەتا 13:52

عیسا فەرمایش کرد: «جا، هەر ماموستاێ تەوراتێگ که له باوەت پادشایی ئاسمان تالیم گردێه، جور ساێو ماڵێگه که له گەنجینەێ خوەێ چشتیل نو و کویەنه دەر تیەرێ.»

رومیەگان 16:10

وه ئاپلیس که وەناو مەسیح قەبوڵ کریاس سڵام برەسنن. وه بنەماڵەگەێ ئاریستوپولوس سڵام برەسنن.

لوقا 12:42

عیسا خوداوەند وه جواوی وەت: «ئێ ئەو کاروەدەس ئەمین و زانا کیه که ئەرواوەگەێ ئەوه ناسه بان سەر خزمەتکاریل ماڵەگەێ خوەێ تا بەش نان ئەوانه وه وەخت خوەێ بێی؟

مەرقوس 4:33

عیسا وەگەرد ئیجور مەسلەتیل فرەێگ، تا ئەوره که تویەنستن دەرک بکەن، وه کەڵام خودا ئەڕاێان وەتیا.

رومیەگان 6:13

ئەنامیل جەسەدان نیەنه دەس گونا تا بونه وەسیلەێگ ئەڕا نادرسێ، بەڵکەم جور کەسیلێ که له مەرگ وەرەو زنەیی هاتنەسەو، خوەدان بێەنه دەس خودا و ئەنامیل جەسەدان بێەنه دەس خودا تا بونه وەسیلەێگ ئەڕا سالح بوین.

یاقوب 1:12

خوەش وه حاڵ ئەوه که وەناو ئەزمونیل بەردەوامه، چوینکه وەختێ له ئەزمون سەربەرز باێه دەیشت، ئەو تاج ژیانه گرید که خودا وه ئەوانه که دوسی دێرن، وادەێ داس.