دویم تیموتاوس 1:7 - کتاب مقدس به زبان کردی جنوبی - گویش کلهوری

⁷ چوینکه روحێگ که خودا وه ئیمه بەخشاس، نه روح زاور چین، بەڵکەم روح هێز و مابەت و وەسەرخوێا زاڵ بوینه.

دویم تیموتاوس 1:7 Referans Kwoze

رومیەگان 8:15

ئەڕا ئیەکه ئیوه روح خوڵامی پەێا نەکردین تا وەدواره ڕخدان بچود، بەڵکەم روح زڕکوڕی دریاسه پێدان که وه وەسلەێ ئەوه هاوار کێمن: «ئەبا، باوگه.»

یەکم یوحەنا 4:18

وەناو مابەت زاورچین نیه، بەڵکەم مابەت کامڵ، زاورچین کیه دەیشت. چوینکه زاورچین له سزا سەرچاوه گرید و ئەوه که زاورێ چود وەناو مابەت وه کەماڵ نەرەسیه.

نامه وە غەلاتییل 5:22

وەلێ بەر روح خودا، مابەت، خوەشی، ئاشتی و سڵامەتی، سەور، مێرەبانی، خاسێ، وەفاداری،

یوحەنا 14:27

ئاشتی و سڵامەتی ئەڕادان هیلمه جێ؛ ئاشتی و سڵامەتی خوەم دەمه پێدان. ئەوه که مه دەمه پێدان، جور ئەوه نیه که جهان دەێده پێدان. دڵدان پەشێو نود و ڕخدان نەچود.

لوقا 10:19

ئێرنگه دەسڵات دەمه پێدان که ماریل و دمارەکوڵیل و گشت هێز دشمەن پاوڵا بکێن و هویچ چشتێگ وه لێدان زەرەر نیەرەسنێد.

کاریل ڕەسولەیل 1:8

وەلێ وەختێ روح‌القودوس باێده ملدانەو، قەوەت گرين و بوینه شاێەتیل من، وەناو شار ئورشەلیم و گشت یەهودیه و سامره و تا ئەو پەر دنیا.»

رومیەگان 5:5

ئمید نیوده بایس شەرمزاریمان، چوینکه مابەت خودا وه وەسلەێ روح‌القودوس که بەخشریاسە ئیمه، ڕشیاسه ناو دڵمان.

عبرانییل 2:15

گشت ئەو کەسیله که وه سەوەو زاور چین له مردن گشت زنەییان گیروده بین، ڕزگار بکێد.

کاریل ڕەسولەیل 20:24

وەلێ هویچ قێرێگ ئەڕا گیان خوەم دانەنامه، تەنیا تاسەێ مه ئیەسه، ئەگەر بتویەنم دەور خوەم و خزمەتی که له خوداوەند عیسا گردمه، تا وه ئاخر برەسنم و وه ئینجیل فیز خودا شاێەتی بێەم.

یەکم قورنتییل 2:4

جا وتار و پێخامم وەگەرد کەلیمەیل قانێکەر زانیارانەێ جهان نەوەتم، بەڵکەم وەگەرد مدویل روح خودا و هێز خودا وەتمەێ،

لوقا 24:49

من وادەێ باوگم ئەڕادان کل کەم؛ وەلێ ئیوه وەناو ئەو شاره بمینن تا ئەو وەخته که هێز خودا له ئاسمانەو بڕشیەده ملدانەو.»

کاریل ڕەسولەیل 10:38

که چوی خودا، عیساێ ناسری وەگەرد روح‌القودوس و هێز مەسح و دەسنیشان کرد. ئەیو گەردیاد و کاریل خاسێ کردیاد و گشت ئەوانه که وه ژێر ستەم ئبلیس بین، شەفا دیاد، چوینکه خودا وەگەردیەو بی.

یەکم پتروس 1:22

ئیسه که وه گوش تەکانن له ڕاسی، گیانیل خوەدان پاکەو کردينه تا مابەتێگ براێانه و بێ خڵت خەوش بیاشتوین، ها ملدانەو که یەکترەکی وه دڵ و گیان وه یە دڵ پاک دوس بیاشتوین.

کاریل ڕەسولەیل 21:13

وەلێ پولوس جواو دا: «چەدانه گیره کین و دڵم شکنین؟ مه گورجەو بیمه ئەڕا ناو خوداوەند عیسا نه تەنیا بچمه زندان، بەڵکەم وه ئورشەلیم بمرم.»

نامه وه کولوسییل 1:8

ئیمه له مابەتدان که ها ناو روح خودا ئاگادار کردێه.

کاریل ڕەسولەیل 6:8

ئستیفان پڕ له فیز و هێز خودا، موجزەیل و نیشانەیل گەورا وەناو قەوم ئاشکرا کردیاد.

کاریل ڕەسولەیل 9:22

وەلێ شائول هەر ڕوژ تویەناتر بیاد و جویلەکەیل دەمشق دەمکوت کردیا و سابت کردیاد که عیسا، هەر ئەو مەسیحەسه.

لوقا 8:35

ئمجا مەردم هاتنه دەیشت تا هەر چی که هەڵکەفتوی بوینن، وەختێ رەسینه لاێ عیسا و چەویان کەفته ئەو پیا که دێوەگان له لێ هاتوینه دەیشت، دڵنگ کردێەسه وەر و جور ئایەم عاقڵ وه نوای پاێ عیسا نیشته، زاورێان چی.

کاریل ڕەسولەیل 26:25

پولوس وەت: «شێت نیم، فستوس پایەبەرز، بەڵکەم هوش ها سەرم و قسیەێ ڕاس کەم.

لوقا 15:17

دەس ئاخر هاته خوەێ و وەت: ”ئێ خو کارکەرگان باوگم نان زیایەیش دێرن و مه له ئێرا له ورسیایەو دێرم مرم.

کاریل ڕەسولەیل 26:11

فره وەختیل وه گشت کەنیسەیل سزاێان دیام و تەقالا کردیام تا ناچار بون کفر بکەن. ئەوقره قینمه لێان هاتیاد که تەنانەت تا شاریل بیگانەیش کەفتیامه شونێان.