دویم تیموتاوس 1:1 - کتاب مقدس به زبان کردی جنوبی - گویش کلهوری

¹ له پولوس، که وه خاست خودا و وه بونەێ وادەێ ژیانێگ که وەناو مەسیح عیسا پەێا بود، ڕەسول مەسیح عیساس،

دویم تیموتاوس 1:1 Referans Kwoze

عبرانییل 9:15

وه ئی بونه، مەسیح ناوجێکەر پەێمانێگ تازەس، تا ئەوانه که دەنگ کریانه بتویەنن میراتی ئەبەدی که وادەێ دریاس، بگرنەوەر. چوینکه مردنێگ ڕوی داس که ئەوانه له خەتایلێگ که وەناو پەێمان یەکم هەڵکەفت، ڕزگاری بەخشێد.

یوحەنا 17:3

زنەیی ئەبەدی ئیەسه، ئەوانه توی که تەنیا خوداێ ڕاسەکانید و عیسا مەسیح که کلی کردیده، بناسن.

دویم قورنتییل 1:1

له پولوس که وه خاست خودا ڕەسول عیسا مەسیحه و براگەمان تیموتاوس، وه کلیساێ خودا وەناو شار قورنتوس و گشت ئیمانداریل وه مەسیح وەناو سەرئانسەر ناوچەێ ئەخائیه:

یوحەنا 10:28

منیش زنەیی ئەبەدی دەمه پێان و هەراێهەر نابود نیەون. هویچکەیش له دەسم نیەقاپێدێان.

تیتوس 1:2

ئی ڕاسیه وه پێ ئمید وه زنەیی ئەبەدیه که خوداێگ که هەراێهەر درو نیویشی، له ئەزەڵ وادەێ داسه پێمان و

ئەفسوسیێل 3:6

ئەو رازه ئیەسه که ناجویلەکەیل وەناو مەسیح عیسا و له ڕێ ئینجیل وەگەرد جویلەکەیل هاومیراتین، ئەنامیل یەێ جەسەن و وەناو وادەێ خودا هاوبەشن.

یوحەنا 6:40

چوینکه خاست باوگم ئیەسه که هەر کەس چەو بوڕیه کوڕ و ئیمانه پێ بارێ، زنەیی ئەبەدی بیاشتوید و مه وه ڕوژ ئاخر زنیەو کەم.»

یەکم یوحەنا 2:25

ئیەسه وادەێ که ئەیو دا پێمان، یانێ زنەیی ئەبەدی.

یەکم نامەێ تیموتاوس 6:19

و ئیجوره، گە‎نجیگ ئەڕا خوێان خەنه پشت دەس که بوده بنەواێ قورس ژیان وەرەڕوییان و لچکینه ئەو ژیانه که ژیان ڕاسەکانیه.

دویم قورنتییل 1:20

چوینکه گشت وادەیل خودا وەناو مەسیح ’ئەرێه‘ و وەئی بونه وەناو ئەوەسه که ئیمه ’ئامین‘ وه زوان تیەرێم، تا خودا جەڵاڵ پەێا بکێ.

یەکم قورنتییل 1:1

له پولوس، که وه خاست خودا دەنگ کریایه تا بوده ڕەسول مەسیح عیسا، هەر ئیجوره له براگەمان سوستنس،

رومیەگان 6:23

چوینکه حەقدەس گونا مەرگه، وەلێ خەڵات خودا زنەیی ئەبەدی وەناو خوداوەندمان مەسیح عیساس.

رومیەگان 5:21

تا هەر ئەوجورە که گونا وەناو مەرگ حوکمرانی کرد، فیزیش له ڕێ سالح بوین حوکمرانی بکێد و له ڕێ خوداوەندمان عیسا مەسیح، وەرەو ژیان ئەبەدی بوێد.

رومیەگان 1:1

له پولوس، خوڵام مەسیح عیسا، که دەنگ کریاس تا بوده یەێ ڕەسول، جیاوه بیه تا مزگانی ئینجیل خودا جار بیێ؛

یوحەنا 6:54

هەر کەس جەسەێ مه بخوێ و خوینم بنوشێ، زنەیی ئەبەدی دێرێ، منیش وه ڕوژ ئاخر زنیەو کەم.

یوحەنا 5:24

وه ڕاسی، وه ڕاسی، وەپێدان ئویشم، هەر کەس کەڵام مه بشنەفێ و وه ئەوه که کلم کرد، ئیمان بارێ زنەیی ئەبەدی دێرێ. ئەوه ماکوم نیود، بەڵکەم له مەرگ گوزیشتێه و رەسیەسه ژیان.

نامه وە غەلاتییل 3:26

چوینکه وەناو مەسیح عیسا، ئیوه گشتدان له ڕێ ئیمان، کوڕيل خوداین.

نامه وە غەلاتییل 3:28

دیتر نه جویلەکە مانا دێرێ نه یونانی، نه خوڵام نه ڕزگار، نه پیا نه ژن، چوینکه ئیوه گشتدان وەناو مەسیح عیسا یەکیگین.

دویم تیموتاوس 1:9

هەر ئەو خوداێگ که ئیمه نجات داس و ئەڕا زنەیی موقەدەس دەنگ کردێه. ئیه نه وه سەوەو کاریل ئیمه، بەڵکەم وه خاتر خاست و فیز خود ئەیوه، فیزێگ که وه ناو مەسیح عیسا له ڕوژگاریل ئەزەڵ وه ئیمه بەخشا،

دویم تیموتاوس 1:10

وەلێ ئێرنگه وه ئاشکرابوین نجات دەر ئیمه مەسیح عیسا دیارداس، هەر ئەیو که له ڕێ ئینجیل، مەرگ له بین برد و ژیان و نەمری ئاشکراوه‎ کرد.

دویم تیموتاوس 1:13

وەناو ئیمان و مابەتێگ که وەناو مەسیح عیسا پەێا بود، هەر جور نمونەی تالیم درسێگ، بکەفه شون ئەو چشته که له مه شنەفتیدە.

دویم تیموتاوس 2:1

جا توی ئێ ڕوڵەم، له فیزێگ که ها ناو مەسیح عیسا، تویەنا بو

دویم تیموتاوس 2:3

هەر جور سەرباز شایسەێ مەسیح عیسا، له تاموڵ رەنجیل بەشدارەو بو.

دویم تیموتاوس 2:10

جا گشت چشتێگ وه بونەێ هەڵوژاریەگان تاموڵ کەم تا ئەوانیش نجاتیگ که ها ناو مەسیح عیسا، وەگەرد جەڵاڵ ئەبەدی وه دەس بارن.

دویم تیموتاوس 3:15

چوی له مناڵی کتاویل موقەدەس زانستیدە که تویەنێد زانیاری یاێ بێیده پێد ئەڕا نجاتیگ که له ڕێ ئیمان وه مەسیح عیساس.

تیتوس 1:4

وه تیتوس، ڕوڵەێ ڕاسەکانیم وەناو ئیمانێگ که نسیو گشتمان بیه: له لاێ خوداێ باوگ و نجات دەر ئیمه مەسیح عیسا فیز و ئاشتی و سڵامەتی وه ملدەو بود.